DİA.AZ: - Dünən Azərbaycan Xalq Cəbhəsi Partiyasının sədri Razi Nurullayev Dövlət Yol Polisi İdarəsinin ləğv edilməsi təşəbbüsü ilə çıxış etdi. Yəni belə bir açıqlamada bulundu və nədən belə düşündüyünü əsslandırmağa çalışaraq, hətta prezidentə Ukrayna və Gürcüstan təcrübələrini öyrənməyi də məsləhət gördü.
Təbii ki, burada anormal heç nə yoxdur. Hər kəs öz təkliflərini, iradlarını səsləndirə bilər. Azadlıqdır!!! Hətta ucadan da səsləndirə bilər, hətta qışqıra-qışqıra da…
Burada anormal olan nəsə yoxdur.
Lakin gözəl o zaman olardı ki, Razi Nurullayev cənablarının həmin təklifi bağırtılı formada səslənməyəydi. Və o zaman məlum təşəbbüsün də məhz SAĞLAM MÖVQEYƏ aid olduğu ortaya çıxardı.
Amma görünəni odur ki, Razi Nurullayev heç də sağlam mövqedə dayanmayıb. Və o, sıradan bir partiya sədri, siyasət adamı kimi mediatik görünməyə çalışıb. Ona görə də cənağ AXCP sədrinin məlum «təşəbbüsü» bəzi maraqlı KİV-lərdə «ŞOK FAKTLAR AÇIQLANDI» başlığı ilə təqdim olundu.
Elə Razi Nurullayevə lazım olanı da bu idi. Bir siyasət işbazı daha artığını istəməz ki…
Odur ki, bəribaşdan Razi bəyi təbrik edirik. İstədiyinə nail oldu.
İndi isə gələk təklifə, təklifin mahiyyətinə və ümumiyyətlə, yol polisi ətrafında yaradılmasına çalışılan qara-qışqırığa…
Təsəvvür edin ki, hər şey Razi Nurullayevin dediyi kimi oldu və Azərbaycanda Dövlət Yol Polisi İdarəsi ləğv olundu, onun da yerində Razi Nurullayevin arzuladığı Xalq Nəzarəti qurumu təsis olundu. Nəyin baş verəcəyini təxmin ejdirsiniz də…
Razi Nurullayev demişkən, əksər evlərdə bir-iki sürücü var və həmin sürücülər, elə içi özümüz qarışıq, yaxşı başa düşürük ki, bu gün məhz həmin qarasınca deyinilən DYP əməkdaşlarının Razi Nurullayevi «vahiməyə salan» qaraltısı olmasaydı, bu gün yollarımız əsl QƏTL MEYDANINA çevrilərdi.
Hələ bu qədər sərt cəzalar və «QORXULU DYP ƏMƏKDAŞLARI» var ikən biz sürücülər istənilən xəlvət şəraitdə qanunları pozmağa meyilliyiksə və bu da əksər hallarda bizlərə məhz özümüzün və yaxud da digər vətəndaşlarımızın həyatı bahasına mail olursa, Razi Nurullayev hansı VAHİMƏLƏRDƏN, YOL KABUSLARINDAN dəm vurur?
Yəni bu bir faktdır ki, bu gün Azərbaycan yollarında, xüsusən də paytaxt Bakının yollarında DYP əməkdaşlarının sayı və sərtliyi bəlkə də yetərli hesab olunmur.
Əgər bu gün yollarımızı DYP əməkdaşlarından təmizləsək, yen əd ətəkrarlayırıq, küçələrdən Qarabağ cəbhəsindən də ürəkağrıdan xəbərlərin intensivliyini mütləq şəkildə görəcəyik.
Zatən bu da faktdır ki, son 20 il ərzində Azərbaycan yollarda Qarabağ cəbhəsindən iki dəfə artıq itki verib. Fərqi yoxdur, əsngərdə, ya sükan arxasında. Ölənlər bizimkilərdir.
Və cənab Razi Nurullayev də yaxşı bilir ki, həmin «vahimələnən» sürücülər DYP əməkdaşının qırmızı çubuğunun ucu görünmədiyi ünvanlarda hansı oyunlardan çıxır. Elə içi Razi Nurullayev qarışıq…
Əslində, Razi Nurullayev «sürücülər DYP işçisi görəndə qorxurlar» deməsiylə də 0hansı psixoloji vəziyyətdə olduğunu və realda daha çox «sürücülər» dedikdə özündən danışdığını ifadə etmiş olub.
Nədən? Hər kəsə aydındır ki, DYP əməkdaşından və əslində QANUNLARDAN hansısa formada çəkinəcəyin yoxdursa, DYP əməkdaşlarının timsalında QORXULU NƏSNƏ görməyə də lüzum qalmır. Yəni əgər kimsə qanun keşikçisinin hətta uzaqdan görünən siluetindən belə ehtiyat edirsə, demək, problem həmin qanun keşikçisində, onun hansısa nöqsanlı hərəkətində yox, məhz ehtiyat edən ünvanın özündədir.
Təbii ki, bu gün DYP əməkdaşları sırasında «qanun keşikçisi» adını daşımağa layiq olmayanlar da var. Bunu kimsə inkar etmir və kimsə də iddia edə bilməz ki, DYP rəhbərliyi buk imi hallara qarşı dözümlüdür. Əksinə, faktlara da nəzər salsaq, araşdırma da aparsaq, görərik ki, vəziyyət heç də Razi Nurullayevin iddia etdiyi və yaxud da təqdim etməyə çalışdığı formada deyil.
Bu gün DYP rəhbərliyi məhz həmin nöqsanlı işçilərinin müəyyən olunması yolunda sürücülərlə intensiv təmasdadır, gərəkən anda da SƏRT ÜZÜNÜ nümayiş etdirir.
Gələk, Razi Nurullayevin digər «iradlarına». Əslində bütün bu «iradları» daha çox böhtan kimi də xarakterizə etmək olar. Nədən? Çünki AXCP sədrinin həmin fikirləri ən yaxşı halda kiçik miqyasa şamil oluna bilər və hansısa xırda detalı KÜTLƏVİ BÖHRAN formasında təqdim etmək daha çox və ən yaxşı hadja PAFOSA meyillilik kimi qəbul oluna bilər.
Bu baxımdan Razi Nurullayevi yaxşı anlayırıq. Çünki o siyasətçidir və siyasətdə PAFOS çox DOĞMA bir TƏZAHÜRDÜR!!!
Amma Razi Nurullayev ciddi bir siyasət adamı olaraq unudur ki, istənilən bir təşəbbüs konkretləşdikdə, qanuniləşmə səviyyəsinə qədəm basdıqda burada PAFOSA yer verilməməlidir. Ola bilsin ki, hansısa qanunları pozmağa meyilli olan sürücülər Razi Nurullayevi bir siyasətçi kimi sevəcəklər, əzizləyəcəklər, hətta küçədə görəndə bağırlarına da basacaqlar.
Amma CİDDİ SİYASƏT bu şəkildə olmur və ciddi siyasi dairələr Razi Nurullayevin məlum yazı-təşəbbüsünü - əslində isə daha çox pravokatorluluğunu gülünclə qarşılayacaqlar, onu ciddi qəbul etməyəcəklər və bəlkə də bu günə qədər barəsində yaratmağa çalışdığı CİDDİ OBRAZA da etibar etməyəcəklər. Bu belədir…
O ki qaldı Nurullayevin təşəbbüsünü BAĞIRARAQ səsləndirməsinə və hətta prezidenti belə hədəfə çevirmə cəhdlərinə… bu da UĞURLU DEYİL! PAFOSDUR, MÜXALİF KİMİ GÖRÜNMƏ ÇABALARIDIR…
Əgər Razi Nurullayevə özünü sübut edə bilməsi üçün manevr imkanları lazımdırsa və bu zaman həm də QƏHRƏMAN kimi görünməsi vacibdirsə… səmimi deyə bilərik ki, bu, onda ALINMADI!
Əksinə, elə bizdə də belə bir təəssürat yarandı ki, Razi Nurullayev hansısa dairələrin çirkli oyunlarının icraçısı kimi görünür. Buna inanmaq istəmirik. Çünki biz ən azından Razi Nurullayevi gəncliyindən tanıyırıq, onun bir siyasətçi kimi özünü daha ciddi anlamda sübut edə biləcəyinə inanırıq, buna ümidliyik.
Ona görə də Razi Nurullayevə AXCP sədri olaraq siyasətdə uğurlar arzulayırıq…
Yollarımızın DYP əməkdaşlarından təmizlənməsinə gəlincə isə… Bu barədə yəqin ki, hər kəsdə real təsəvvürlər artıq yaranıb və yaxud da əvvəlindən də var idi. Məhz gecəsini gündüzünə qatan, bayram-seyran bilməyən DYP əməkdaşlarının gərgin əməyinin nəticəsidir ki, günü-gündən böyüyən, amma hələ də yol infrastrukturu BÖYÜMÜŞ BAKININ tələblərinə cavab verməyən paytaxtımızın küçələrində hər bir sürücü - elə Razi Nurullayevin özü də saatlarla gözləmədən mənzil başına çata bilir.
Davamı olacaq…
DİA.AZ Analitik Qrupu
P.S. Gələn yazıda "DYP NİYƏ LƏĞV OLUNMASIN" sualını geniş faktlarla izahlayacağıq...
