DİA.AZ: - Redaksiyamıza təhsil sistemində müşahidə olunan daha bir özbaşınalıq faktından bəhs edilən şikayət məktubu daxil olub. DİA.AZ olaraq həmin məktubu diqqətinizə təqdim edirik:
“Mən orta sahibkarlıqla məşqul olan bir iş adamıyam, məktəblər üçün mebel inventar və avadanlıq istehaslı ilə məşqulam, həmçinin məktəblərin təmiri üzrə təmir sexlərim də vardır. Gündəlik dövlət qəzetlərini alıram və ordakı tender elanları ilə tanış oluram. Təhsil Nazirliyindən başqa demek olar ki, bütün nazirliklərin və ayrı-ayrı büdcə müəssisə və təşkilatların malların alınması və xidmətlərin göstərilməsi məqsədi ilə açıq tender elanlarının verdiklərini görürəm. Lakin 2 ilə yaxındır ki, Təhsil Nazirliyinin satınalma prosedurları ilə bağlı bir dənə də olsun tender elanlarına rast gəlmirəm. 29 yanvar 2015-ci il tarixli Azərbaycan qəzetini alıb oxuyanda Azərbaycan Respublikasının Baş Prokurorluğunun 2015-ci ildə malların və xidmətlərin satın alınmasının tender elanı ilə tanış olduğdan sonra Sizə müraciət etməyə qərara gəldim.
Bildiyiniz kimi hər il dövlət büdcəsindən Təhsil Nazirliyinə malların alınması xidmətlərin göstərilməsi məktəblərin əsaslı və cari təmir olunması məqsədi ilə on milyonlarla manat dövlət vəsaiti ayrılır. O da məlumdur ki, dovlət vəsaitləri satın alma prosedurları keçirilmədən xərclənə bilməz. Lakin Mikayıl Cabbarov Təhsil Naziri təyin olunandan sonra bir dəfə də olsun dövlətin Təhsil Nazirliyinə ayrılan vəsaitlərin şəffaf xərclənməsinin təmin etmək məqsədi ilə açıq satınalma proseduru keçirmir, həmin vəsaiti istədiyi kimi, istədiyi zaman , istədiyi adamlarla nəğdləşdirərək və təhsil müəssisələrinin rəhbərlərinin başlarını birtəhər aldadıb dolandırmaqla dövlət vəsaitlərini talan edir. Nazir Mikayıl Cabbarovun bu sahədə məsləhətçiləri Maliyyə Nazirliyin müavini eyni zamanda ölkəmizin baş xəzinədarı Azər Bayramov və onun Təhsil nazirinin müavini olan, maliyyə məsələləri üzrə Təhsil Nazirliyin aparaıcı adamı Ceyhun Bayramovdur”.
Daha sonar dia.az-a daxil olan müraciətdə qeyd olunur: “Əvvəlcə onu harda demək olar ki, bir qardaş pul ayırsın o biri qardaş xərcləsin. Sözsüz ki, belə hal əsl korruksiya mühiti yaradır. Bunlarda bir kənara dursun, dövlətin büdcəsində təhsilə ayrılan xərclər Mikayıl Cabbarova yaxın 3-4 şəxsin yardımı ilə heç bir yerdə adı olmayan heç bir maddi texniki bazası olmayan heç bir əsas və dövriyyə vəsaitlərinə malik olmayan həmçinin nizamnamə kapitalı olmayan şirkətlər vasitəsi ilə talan olunur. Saytınız vasitəsilə Respublikanın Baş Prokuroruna müraciət edirəm: “Əgər Respublikanın Baş Prokuroru Təhsil Nazirliyinə ayrılan vəsaitlərlə müqaisədə Prokuruoluga ayrlan çöx cüzü məbləğdə vəsaitlərin xərclənməsi üçün açıq tender proseduru keçirirsə, Təhsil Naziri Mikayıl Cabbarov dövlət tərəfindən təhsilə ayrılan on milyonlarla manat vəsaitlərin xərclənməsi üçün açıq tender keçirmir.Görəsən kimdi ona bu səlahiyyəti verən? Nə üçün o, ali nəzarət orqanları olan Respublika Baş Prokurorluğundan, Respublika Baş Prokurorluğunun yanında Korrupsiyaya Qarşı Mübarizə İdarəsindən, Prezident Administrasiyasının Maliyyə Nəzarəti Şöbəsindən, Hesablama Palatasından və Dövlət Satınalamları Agentliyindən qorxub çəkinmir”.
Deyilənlərə görə bu yaxınlarda Azər Bayramovun göstərişinə əsasən 2013-2014 cü illərdə Mikayıl Cabbarov tərəfindən açıq tender proseduru keçirilmədən xərclənən vəsaitlərin ört-basdır prosesi gedir. Yəni Maliyyə Nazirliyinin Dövlət Maliyyə Nəzarəti Xidməti tərəfindən Təhsil Nazirliyinin maliyyə fəaliyyətinin təftişi aparılır. Onu da qeyd edək ki, Maliyyə Nazirliyinin DMNX Təhsil Nazirinin müavini Ceyhun Bayramovun Maliyyə Nazirinin müavini olan qardaşı Azər Bayramovun birbaşa tabeliyində olan qurumdur. Başqa bir məsələni də xatırlatmaq istərdim ki, Nazir Mikayıl Cabbarov öz müavini Ceyhun Bayramovla əl ələ verərək və Maliyyə nazirinin müavini Azər Bayramovun məsləhətləri və köməkliyi sayəsində Təhsil Nazirliyin tabeliyində olan hec bir Kollec, Peşə Məktəbi, Peşə Liseyi, İnternat Məktəbi, Lisey və Gimnaziyalara malların alınması xidmətlərin göstərilməsi və təmir işlərin aparılması üçün bir manatda olsa vəsait ayırmadan birbaşa Nazirlik tərəfindən mərkəzləşdirilmiş qaydada heç bir açıq satınalma proseduru keçirmədən kağız üzərində adı olub əslində özlərinin heç bir fəaliyyəti olmayan müəssisələr və şirkətlər tərəfindən bu xərclənən vəsaitlərin müqabilində məktəblərə lazımsız və keyfiyyətsiz invertar avadanlıqlar müxtəlif portretlər şəkillər həmçinin keyfiyyətsiz kasmetik təmir işləri görməklə işlərinin bitmiş hesab edirlər. Hətta pul hərisliyi bunlarda o həddə qədər gəlib çatıb ki, 50 sinif otağı olan məktəbə Ulu Öndərin 200-300 ədəd portretini belə verməkdən çəkinmirlər. Artıq fevral ayı başlamışdır dövlət büdcəsindən maliyyələşən təşkilatlar büdcədən ayrılan vəsaitlərin şəffaf xərclənməsi üçün dövlət mətbu orqanlarında açıq tender elanları verirlər. Təhsil Nazirliyi isə yenədə susur. Görünür yenə Mikayıl Cabbarov 2015-ci ilin büdcəsi üçündə Ceyhun və Azər Bayramov qardaşları ilə birlikdə müəyyən oyunlar çevrilməyə hazırlaşır. Əslində Mikayıl Cabbarov və Ceyhun Bayramov “şto qde koqda” proqramındakı oynu ilə oyun oynamağa alışqandırlar. Amma hesab edirik ki, o zaman oynadığı oyunu indi Təhsil Naziri kimi millətin gələcək inkişafını təmin edən bir qurumun başındaikən oynamsı heç də qəbul olunan deyil”.
Dia.az olaraq qarşı tərəfi də dinləməyə hazırıq
