1993-cü ildən bəri "Avrora Qrup" distribüter şirkəti, 2023-cü ildən "Tamstore" marketlər şəbəkəsi kimi xidmətə başlayıb. 36-a yaxın flialı olan bu marketlər zəncirinin Suraxanı rayonu, Bül-bülə qəsəbəsi, İlqar Məmmədov küçəsi 43-də yerləşən flialı barədə gələn görüntülər bizi məyus etdı. 6 aydır bu ünvanda xidmətə başlayan "Tamstore" marketi obyektə aid olan bütün tullantıları küçəyə atır.
Yaşayış ərazisi olmasına baxmayaraq əhalinin narahatlığı nəzərə alınmayıb. Belə böyük xidmət sahəsi bu işə başlayarkən hər xırda detalı nəzərə alaraq bu kimi hallar üçün tədbirlər görməli idi. Əgər tullantı çoxdursa və ya zibil qutularına yerləşmirsə,o zaman yaşayış sahələrində sanitar vəziyyətin lazımi səviyyədə saxlanılması məqsədilə məişət tullantıları xüsusi avtonəqliyyatla daşınmalıdır. Tullantılar yığılan zaman yaxınlıqda yaşayan əhalinin rahatlığı nəzərə alınmalıdır. Zərərsizləşdirmək məqsədilə məişət tullantıları tutumlara (urnalara) atılmalıdır. Bu tullantıların tutumlardan (urnalardan) kənar yerlərə atılması və ya basdırılması qadağandır.
Tullantıların tutumlarda yığılması zamanı onların daşmasına və ətrafa səpələnməsinə yol verilməməlidir. Hər bir hüquqi və fiziki şəxs tullantıların növlər üzrə xüsusi tutumlarda yığılmasını təmin etməlidir.
Bu sayılanları biz demirik, qanunlarımız deyir.... Ümüdvarıq ki, artıq nəzərə alınacaq.
Patrul.Az
