DİA.AZ: - Keçən günlərdə Vergi Cinayətlərinin İbtidai Araşdırılması Departamentində cərəyan edən bir sıra qaranlıq olaylarla bağlı ilginc məlumatı diqqətinizə təqdim etmişdik. Həmin məqalənin DİA.AZ olaraq müəyyən məqamlarını xatırladırıq:
“Azərbaycan Respublikasının Vergilər Nazirliyi Azərbaycan Respublikasının qanunları ilə nəzərdə tutulmuş əsas funksiyası əlbətdə ki, vergilərin doğru dürüst hesablanaraq dövlət büdcəsinə ödənilməsinin təmin edilməsidir.
Döğru və dürüst vergi ödəməyən şəxslərin, sahibkarların fəaliyyəti yoxlanaraq həmin işlər Vergilər Nazirliyi yanında Vergi Cinayətlərinin ibtidai araşdırılması Departamentinə göndərilir və həmin şəxslər orada öz məsələlərini həll edirlər.
Göstərilən təşkilatın tərkibində Əməliyyət idarəsi, İstintaq idarəsi, Təşkilat analitik şöbəsi, Kriminalistika bölməsi mövcuddur və həmin şöbələrin adından məlum olur ki onlar hansı işlərlə məşğuldurlar.
Departamentin rəisi vəzifəsini bir neçə ildir ki, general Vidadi Məmmədov tutur. Sizlərin nəzərinə insan hüquqlarının vəhşicəsinə taptalanmasını və bir azərbaycanlı ailəsinin faciəsini çatdırmaq istərdik.
Vergi Cinayətlərinin İbtidai Araşdırılması Departamentinin İstintaq İdarəsinin icraatında olan 142980213 saylı cinayət işinin istintaqı nəticəsində məlum olmuşdur ki, 20.06.1988-ci ildə, Şuşa şəhərində anadan olmuş Abbasov İlkin Cahangir oğlu «Proqress AC», «Maqus print», «Atlant Tur Qrupp» və «Asko ram» MMC-lərə faktiki olaraq rəhbərlik etmiş və həmin müəssisələrdə vergiləri ödəməkdən yayınmışdır. İstintaqa gəlmədiyinə görə onun barəsində axtarış elan edilmiş, lakin axtarış zamanı Abbasov İlkin Cahangir oğlunun yerinə onun qardaşı 11.12.1994-cü il tarixdə anadan olmuş doğma qardaşı Abbasov Əlisahib Cahangir oğlu tutularaq heç bir cinayfəti olmadığı təqdirdə, tamamilə bu işlərdən anlaqsız vəziyyətdə 15 dekabr 2014-cü il tarixdə VCİAD-ın inzibati binasına gətirilərək saxlanılmışdır.
Nəzərinizə çatdırırıq ki, şəxs həbs olunduqda bu barədə bir neçə hüquq mühafizə orqanı məlumatlandırılır, məhkəmə, polis, prokurorluq və həbs etmək istəyən orqan bu halda Vergilər Nazirliyidir. Həmçinin demək lazımdır ki, Vidadi Məmmədov rəhbərlik etdiyi təşkilatda güclü maddi texniki bazası olan kriminalistika bölməsi fəaliyyət göstərir. Orada hər bir həbs edilən şəxsin əl barmaq izləri götürülür.
Qeyd etdiyimiz İlkin Abbasovun barəsində əvvəl axtarış elan edilmiş sonra isə onun qardaşını Əlisahib Abbasovu Əməliyyat idarəsi axtarışla idarəyə gətirmiş və istintaq İdarəsinin rəis müavini polkovnik Qurban Mehrəliyevə təhvil vermişdir. Q.Mehrəliyev həmin şəxsin sənədlərini toplayaraq Yasamal rayon məhkəməsinə təhvil vermiş və Yasamal rayon məhkəməsinin qərarı ilə bir nəfər cinayəti olmayan şəxs həbs edilmişdir.
Bu insan hüquqlarının ölkədə vəhşijəsinə taptalanmasındın başqa, Vergi orqanlarının yalnız pul yığmasından başqa heç bir şey deyil.
Bu insanın, yəni Vidadi Məmmədovun ümumiyyətlə fəaliyyətinə nəzər salsaq, həmin şəxs Daxili İşlər nazirliyindən iqtisadi cinayətkarlıq idarəsi ləğv edildikdən sonra vergilər nazirliyinə gəlmiş və VCİAD-da əməliyyatçı vəzifəsində işləmişdir. Orada o, nazirin əmri ilə cəzalanaraq polkovnik leytenant rütbəsindən mayor rütbəsnə layiq görülmüş, sonradan isə naməlum səbəblərdən yenə də iri addımlarla vəzifələrə qalxaraq ölkənin ən böyük İstintaq aparatına heç bir istintaq yalnız «OBXSS» təcrübəsi olan şəxs kimi yiyələnmişdir.
Baxın, bir neçə dəfə mətbuatda müxtəlif vaxtlarda orqanların adi vətəndaşlarla kobud davranması, hüquqların pozulması kimi keçir, lakin vergi orqanlarında bunların baş verməsi çox acınacaqlıdır.
Bir idarədə ki, əməliyyat üzrə müavin cənab nazirin yeznəsi hörmətli Namiq Quliyev işlərdən kənar qalmış, peşakar İstintaqçı Şahin Rüstəmov repressiyalara məruz qalaraq, yerinə təcrübəsiz, cavan oğlan, Vidadi Məmmədovun sevimlisi Elnur Şirinov hazırlanır. Bir neçə vaxt öncə Elnur Şirinov barədə mətbuatda müəyyən məlumatlar olmuş lakin V.Məmmədov bunları araşdırmağa imkan yaratmamışdır.
2009-cu ilin avqust-sentyabr aylarında belə bir hadisə baş vermiş, lakin işıqlanmamışdır. Belə ki, nəticədə o illərdə Departamentin rəisi olan Vüqar Əliyev, rəis müavini Namiq Quliyev, İstintaq şöbəsinin rəisi Zülfü Həsənov, bölmə rəisi və müstəntiq bir gecədə işdən azad olaraq sərəncama çıxarılmışdır.
Lakin sonradan Vüqar Əliyev digər işlə təmin edilmiş, Namiq müəllim isə hədiyyə alaraq öz vəzifəsinə qaytarılmışdır.
Qeyd edim ki, Vergi Cinayətlərinin İbtidai Araşdırılması Departamentində çoxlu bu cür əhvalatlar baş verir, əlavə olaraq məlumatlar veriləcək”.
DİA.AZ bildirir ki, V.Məmmədovun özunəməxsus idarəçilik metodikasında isə həqiqətən analoq yoxdur. Bu barədə redaksiyamıza daxil olan məlumatda deyilir ki, məsələn Ədliyyə Nazirliyi Penitensiar Xidməti harada ki Əlisahib Abbasov saxlanılır, Yasamal məhkəməsi və sair, lakin nəyəsə görə bunlar susurlar və guya yeganə çəkindikləri Prezident Administrasiyasına xəbər vermirlər, yəni Prezidenti aldadırlar. Buna səbəb isə hamının ticarət obyektlərinin olması və daima Vergilər nazirliyinə söz demək xahiş etmək məjburiyyətidir.
Bunlar məyər inanmırlar ki, övladları, nəvələri, qohumları bu cür vəziffədə ola bilərlər.
Əlavə olaraq qeyd etmək lazımdır ki, Vidadi Məmmmədov Ulu öndər Heydər Əliyevə camaat içində güllələməklə hədə qorxu gələn sabiq Daxili İşlər naziri İskəndər Həmidovun yaxın qohumudur və Vidadi Məmmədovun anasının yasında Gəncə şəhərində olmuşdur. Vidadi Məmmədovun digər qohumlarıda vardır ki, onlar daim vəzifələrdə olmuş lakin Heydər Əliyev tərəfindən işdən çıxırılmışlar, buna baxmayaraq onların qohumları da yenə də Vergilər Nazirliyinin digər struktur və təşkilatlarında rəhbər vəzifələrində çalışırlar.
DİA.AZ-a daxil olan məlumatda qeyd olunur ki, bu xəbərimiz yayılandan sonra Vergi Cinayətlərinin İbtidai Araşdırılması Departamentində ara qarışıb. Belə ki, redaksiyamızı bilgiləndirən mötəbər mənbənin iddialarına görə, Vergilər Nazirliyinin generalı Vidadi Məmmədov departamentdən son sızan informasiyaların izinə düşməyə çalışıb və bu zaman demək olar ki, hər kəsdən şübhələnərək genişmiqyaslı “AGENT OVU”na çıxıb.
Mənbə bildirir ki, general daha çox şübhələndiyi şəxsi də artıq müəyyən edib: “Vidadi Məmmədovun tələbi ilə müstəntiq Şahin Rüstəmov istefa verməyə məcbur edilir”.
DİA.AZ olaraq bu məsələni diqqətdə saxlayacağıq. Və bütün maraqlı tərəflərin mövqelərini işıqlandırmağa hazırıq…
