Bir qrup Xaçmaz sakini Mia.az-a şikayət məktubu ünvanlayıb.
Məktubun mətnini olduğu kimi təqdim edirik:
Xaçmaz rayonunun hər şeyi var, amma kənd yolları həddən-ziyadə bərbaddır. Söhbət əsasən, Xaçmaz rayonunun Hülövlü, Şıx-Haput, Qaraçay-Cek, Aşağı-Zeyid və s. kənd yollarından gedir.
Hansı ki, bu yolların yararsız, bərbad vəziyyətə düşməsi (illər boyu) istər yüksək çinli məmurların, yəni yüksək vəzifəlilərin marağında deyil. Mən bir Azərbaycan Respublikasının vətəndaşı olaraq, həm oxuculara, həm xalqıma bəzi faktları açıqlamaq istərdim. O faktlar ki, məni gecə-gündüz hər saniyə, hər dəqiqə narahat edir.
Bu kəndlərin yolları 4-5 il bundan öncə bir balaca, tam olaraq yox, alayarımçıq, atalar demişkən: - Qaş düzəltmək istədilər, daha da vurub gözün çıxartdılar. Bir olan faktı deyim – Bakıdan, Sumqayıtdan və yaxud da Siyəzəndənmi, Şabrandanmı Xaçmaza gəlirəm, düşürəm Hülövlü yolunda un dəyirmanının yanında kəndimə gəlmək istəyirəm, bir taksi saxladıram, deyirəm ay əmi, dayı, qardaş məni Qaraçay-Cek kəndinə (7-8 km-lik yol) neçəyə apararsan? Deyir ki, 10-15 manata. Sual verirəm ki, niyə bu qədər baha qiymətə. Cavabı yolunuz bərbad, pis gündədir. Heç qınamıram da, düz sözə nə demək olar. Ona görə də xahiş edirəm, xahiş edirik məmurlardan yüksək çinlilərdən, "Azəravtoyol” servisdən, bizim Xaçmaz rayonumuzdan inam göstərdiyimiz millət vəkilindən, yerli Yol-İstismar idarəsindən ki, heç azda olsa, məzlum kənd camaatının fəryadlarını eşitsinlər! Heç olmasa qarşıdan gələn 2018-ci ildə kəndlərimizin bərbad, pis yollarının abadlaşdırılması və istismarı öz həlli yolunu tapsın.
Yox işdi şikayətən birdən Allah eləməmiş bu yolların abadlaşdırılması məsələsi öz müsbət həll yolunu
tapmasa, bizim ən ümdə çarəmiz qalır. - Göydə Allah, yerdə isə çox hörmətli Ali Baş Komandan, Azərbaycan Respublikasının Prezidenti, Xalqın Prezidenti cənab İlham Əliyevə və çox hörmətli birinci xanımı, birinci vitse-prezidenti xanım Mehriban Əliyevaya.
Əgər bu cavabdeh cənablar heç olmasa bu işlərin icraatına başlasaydılar da həmin kəndlərin sakinləri çox sevinərdilər.
Yazmaq bizdən işi görüb başa çatdırmaq isə Sizdən, cənablar! Həmçinin, sadaladığım idarələr, təşkilatlar məmurlar, rəislər, idarə rəhbərləri yaddan çıxarmasınlar ki, yolların bərbad vəziyyətdə olması haqqında yazımız bununla bitmir. İşdi əgər kənd yollarımızın təmiri ilə bağlı münasibətimizə heç bir reaksiya verilməzsə, tənqidimiz daha ciddi şəkildə davam edəcək. Ona görə də, bu işlərin görülməsi barədə aidiyyatə orqanların əməli işə keçəcəklərini gözləyirik. Gözləyirik ki, tezliklə bu işlər müsbətə doğru başa çatdırılsın və bununla bağlı kənd camaatına bələdiyyə sədrlərinə, yerli nümayəndələrə məlumat verilsin və bizdə, dərin minnətdarlıq hissini, işləri görənlərə göndərək və çoxlu-çoxlu dualar və təşəkkürlər deyək.
Cənab məmurlar! Ali Baş komandanımızın Azərbaycan xalqının Prezidenti, cənab İ.Əliyevin, Azərbaycanın bütün şəhər, kənd, qəsəbə yollarının bərpasına, abadlaşdırılmasına dair sərəncamına əməl etməsi arzusu ilə .
Ona görə də kənd camaatının qınaq obyektinə çevrilməməyinizi arzulayırıq. Bu seçgi ilində xalqımızın Prezident cənab İ.Əliyevə güvəninə kölgə salmayasınız...
İmza: Namik Asifoğlu(Xaçmaz rayonunun Qaraçay-Cek kəndi) 10.12.2017
1. Dadaşov Namik AZE № 06181053
2. Cavadov Rəhim AZE № 214558559
3. Quliyev Emin AZE № 15376494
4. Cavadova Sara xanım AZE № 09335340
5. Mehtiyev Natiq müəllim AZE № 01980901
6. Dadaşova Pərixanım AZE № 03581502
7. Məmmədov Samir AZE № 13548094
8. Cavadov Bəhram AZE № 08456042
9. Dadaşova Samirə AZE № 03581480
10. Əliosmanov Əmirşah AZE № 08477047
11. Əliosmanova Rəna AZE № 16410393
12. Balayev İzzət AZE № 03726755
13. Poladov Zülfiqar AZE № 13812234
14. Məmmədov Vəli AZE № 08458168
15. Həsənov Vüqar AZE № 07842760
16. Məmmədov Fikrət AZE № 15375173
17. Şahbalayev Babaverdi AZE № 09848843
Açıq məktub
Hörmətli, Ali Baş Komandan cənab Prezident!
Əhalinin ümidi yalnız Sizədir. Sizə inanırıq və öz taleyimizi Sizə etibar edirik. Bizim, yəni, kənd əhalisinin, ən vacib və ümdə problemimiz, Xaçmaz rayonunun – Hülövlü, Şıx-Haput, Qaraçay-Cek, Aşağı Zeyid, Qərəcik, Qədimalıqışlaq və s. kənd yollarının bərbadlığı barədədir. Hansı ki, bu kənd yollarının bərbad, yararsız vəziyyətə düşməsi istər yüksək cinli, istərsə də məmurların marağında deyil. Həll olunması mümkün olan problemləri həll etməyən məmurlar isə Sizin tərəfinizdən cəzalandırılırsa, gələcəkdə bu cür səhvlərə yol verməzlər. Kənd camaatının fəryadına, yolumuzun təmirinə və bərpasına, müsbət həllinə ümid edirik və buna hər vəclə inanırıq. Ümummilli liderimiz, Ulu Öndər mərhum H.Ə.Əliyevin dediyi:
Mənə məlum olmayan faktları mənə çatdıran hər bir vətəndaşa, jurnalistə minnətdaram.
Hörmətli, cənab Prezident!
Əgər bizim bu bərbad kənd yollarımız İnşaalah 2018-ci ildə həll olunarsa, bu məsələmizin, problemimizin müsbət həllinə çox-çox inanırıq və həmişədə inanmışıq, kənd camaatı olaraq hamımız hamılıq ilə ömrümüzün sonunadək minnətdar olarıq!
Bununla da Siz, çox hörmətli cənab prezident!
Ali Baş Komandan, sadaladığım Xaçmaz ətrafı kənd yollarının abadlaşmasına sərəncam vermiş və dəstək etmiş olarsınız. Ümidvarıq ki, bu problemimizin müsbət həll olunmasında öz köməkliyinizi əsirgəməzsiniz.
Öncədən kənd camaatı olaraq hamımız Sizlərə öz dərin təşəkkürümüzü və minnətdarlığımızı bildiririk.
