«Ulduz səfir olmaq çox məsuliyyətli və çətin bir işdir»
14-05-2015, 08:48
Bakı-2015 Birinci Avropa Oyunlarının başlanmasına тяхминян бир ай галыб. Azərbaycan bu mötəbər beynəlxalq yarışlara layiqli ev sahibliyi etmək üçün çox ciddi hazırlaşır. Qeyd edək ki, sözügedən oyunların daha yaddaqalan və daha çox tamaşaçı auditoriyası toplaması üçün təbliğat və təşviqat kampaniyasının aparılması da mühüm rol oynayır. Bu məqsədlə bu ilin yanvar ayının 14-də Bakı Muğam Mərkəzində Bakı 2015 Avropa Oyunlarının ulduz səfirləri seçilib. Həmin səfirlərin fəaliyyəti barədə ətraflı məlumat almaq və bu barədə oxucularımıza geniş məlumat vermək üçün «Həftə içi» qəzeti «Ulduz səfirlərimiz» adlı yeni rubrikasını təqdim edir. Rubrikamızın ilk qonağı isə Avropa Oyunlarının ulduz səfirlərindən biri olan Respublikanın Əməkdar artisti, sevimli aktyor və şoumen Murad Dadaşovdur.
- Murad müəllim, əvvəlcə Bakı-2015 barədə fikirlərinizi bilmək istərdik…
- Birinci Avropa Oyunları Азярбайъан üçün çox mühüm bir hadisədir. Mən
həmin yarışların ölkəmizdə keçirilməsini bir şans kimi dəyərləndirirəm. Çox sevincli, xoşbəxt və həyəcanlı anlar yaşayırıq. Bu anları bizə yaşadan, belə bir şansı bizə verən Avropa Olimpiya Komitəsi və ölkə prezidenti İlham Əliyevdir. Bildiyiniz kimi uzun illərdir beynəlxalq aləmdə Azərbaycana qarşı informasiya müharibəsi aparılır, uydurma, qondarma iddialar irəli sürülür. Müəyyən qüvvələr dövlətimizin əldə etdiyi nailiyyətlərə kölgə salmağa, ökəmizin adına ləkə gətirməyə, beynəlxalq nüfuzumuza зярбя вурмаьа çalışırlar. Lakin dövlətimizin başçısı başda olmaqla həmişə bu cür qüvvələrə, anti-Azərbaycan kampaniyası aparanlara layiqli cavab verilib. Bakı-2015 Birinci Avropa Oyunlarının ölkəmizdə keçirilməsi də məhz bu cür addımlardan biridir. Bu oyunlar təkcə xalqımız və idman cəmiyyətimiz üçün deyil, həm də siyasi uğurlarımızın davamlı olması, iqtisadi cəhətdən daha da qüdrətlənməyimiz, turizmin inkişafı və sair üçün daha da faydalı olacaq. Ona görə də mən təkcə tanınmış şəxs kimi deyil, həm də Azərbaycanın bir sıravi vətəndaşı olaraq da haqqında bəhs edilən yarışların ölkəmizdə, doğma paytaxtımızda keçirilməsini ürəkdən dəstəkləyir və alqışlayıram. Mən gənc yaşlarımdan Azərbaycanın mədəni-mənəvi irsinin qorunub-saxlanılmasında və təbliğatında yaxından iştirak etmişəm. Təkcə ölkəmizdə deyil, digər dövlətlərdə də keçirilən müxtəlif müsabiqələrdə, «KVN» səhnələrində iştirak etməklə, çıxışlarımda, müsahibələrimdə, açıqlamalarımda mədəniyyətimizi, incəsənətimizi, ölkəmizi təbliğ və reklam etmişəm. Bütün bunlara görə də bir vətənpərvər olaraq belə bir yarışın respublikamızda keçirilməsi yüksək qiymətləndirir və dəstəkləyirəm.
- Avropa Oyunlarının su idman növü üzrə yalnız sizin ulduz səfiri seçilmənizi necə qiymətləndirirsiniz?
- Əvvəlcə bildirim ki, ulduz səfirlərin seçilməsi şou-biznes, ictimaiyyət və televiziya nümayəndələri arasında baş tutub. Seçilmiş ulduzların hər biri bir idman növünü təmsil edəcək. Mən də su idman növünü təmsil edəcəyəm. Ulduz elçilər iyunun 12-də başlayacaq idman tədbirləri haqqında müraciətlərini və mesajlarını bölüşmək məharətindən istifadə etməklə, Bakı-2015 Birinci Avropa Oyunlarının Azərbaycan və Avropada geniş tamaşaçı kütləsinə çatdırılmasına imkan yaradacaq. Sualınıza gəlincə, mən özüm su idmanı ilə uşaqlıqdan məşğul olmuşam. Uşaqlıq illərindən üzgüçülüyü çox sevirəm. Bu səbəbdən də məni bu idman növü üzrə ulduz səfir seçiblər. Onu da bildirim ki, su idmanı, üzgüçülük çox maraqlıdır. Çünki çəkisindən, boyunun ölçüsündən və yaşından asılı olmayaraq, hər kəs bu idman növü ilə məşğul ola bilər. Bu baxımdan da son illərdə Azərbaycanda üzgüçülüyə, su idmanına maraq göstərilir. Bu maraq nəzərə alındığı üçün su idman növünün inkişaf etdirilməsi üçün xüsusi kompleks tikilib. Su İdman Sarayının açılışında rəsmi şəxslərlə birlikdə iştirak etmişəm. Orada üzgüçülüklə məşğul olmaq istəyənlər üçün hər cür şərait yaradılıb. Üstəlik, Avropa Oyunlarının yüksək səviyyədə təşkili üçün adıçəkilən sarayda bütün hazırlıqlar yüksək səviyyədə həyata keçirilib. Ümidvaram ki, həmin yarışların yekunu olaraq bizim çempionlarımız çox olacaq. Bakı-2015 başa çatdıqdan sonra sözügedən kompleksin vətəndaşların, ictimaiyyətin ixtiyarına verilməsi də istər-istəməz bu idman növünə marağı artıracaq. Eyni zamanda, gələcəkdə su idman növü üzrə yeni-yeni uğurların əldə olunmasında, çempionların yetişdirilməsində və onların sayının artırılmasında Su İdman Sarayı xüsusi çəkiyə malik olacaq və mühüm rol oynayacaq.
- Ulduz səfir kimi öz üzərinizə düşən vəzifənizin öhdəsindən gələ bilirsinizmi?
- Çox məsuliyyətli və çətin bir işdir. Ancaq buna baxmayaraq, bu işi layiqincə yerinə yetirə biləcəyəm. Söhbət ondan gedir ki, ulduz səfir kimi mənim üzərimə düşən əsas vəzifə su idmanı növü ilə bağlı təbliğatı yüksək səviyyədə qurmaq, bu idmana marağı artırmaqdır. Mən respublikanın Əməkdar atristiyəm. Bir neçə filmə çəkilmişəm. Bir çox verilişlərin aparıcısı olmuşam. «KVN» səhnələrində iştirak etmişəm. Bütün bunlara görə də həm Azərbaycanda, həm də ölkəmizin hüdudlarından kənarda məni sevənlər çoxdur. Tamaşaçılar arasında mənə böyük inam və etibar var. Mən də öz ictimai nüfuzumdan istifadə etməklə, bu inamı doğrultmağa çalışacağam. İyun ayında su idman növü ilə bağlı ictimaiyyətə çoxsaylı müraciətlər ünvanlayacağam və pərəstişkarlarımı, məni sevənləri həm Avropa Oyunlarına, həm də su idmanının inkişafına dəstək və maraq göstərməyə səsləyəcəyəm.
- Gələcək dövrlər üçün su idman növünün inkişafını, bu idmanın gələcəyini necə xarakterizə edə bilərsiniz?
- Ölkəmiz, paytaxtımız Xəzər dənizinin sahilində yerləşir. Əksər insanlar öz yay istirahət vaxtlarını dəniz sahilində keçirirlər. Bu baxımdan bizim ölkədə üzgüçülük daha çox inkişaf etməliydi. Ancaq nədənsə bizim ölkəmizdə belə bir proses baş verməyib. Yəni bu sahədə əldə edilən nailiyyətlər digər idman növlərində qazanılan uğurlardan çox azdır. Ancaq bununla belə düşünürəm ki, yaxın gələcəkdə Azərbaycan su idmanının inkişafında yeni mərhələyə qədəm qoyacaq. Həm Su İdman Sarayı, həm də su idmanı üzrə digər komplekslərin tikilməsi ölkəmizdə üzgüçülüyə böyük maraq yaradacaq, bu idman növü üzrə çoxsaylı çempionlar qazanacaq.
Geri qayıt