Müsahibimiz hamının sevimlisi gözəl ana, əzəmətli, vüqarlı, gözəl ailə başçısı, dillər əzbəri olan «Ay ürəyim» mahnısı ilə həmişə öz ampluasını qoruyub saxlaya bilən Nazənin xanımdır.
- Nazənin xanım, 2014-cü il yaddaşınızda necə qaldı?
- 2014-cü il mənim üçün uğurlu oldu. Allaha xoş getməz ki, durum deyim yaxşı olmadı. “Ay ürəyim” məni köhnə illərimə qaytardı. Əvvəlki mahnılarım kimi sevildi, 2 yaşından tutmuş ahıl yaşında olanlara kimi hamı sevir o mahnımı. Dillər əzbəri oldu. Türkiyəyə getdim, klip çəkdirdim. 2015-ci ilin albomunu Türkiyədə danışdım, Allah qoysa, 2 aya hazır olacaq. Türkiyəyə də Şahin Cavadsoyla getmişdim. Böyük layihə hazırlayıram. Ən böyük sevincim odur ki, Orxanım başladı dil açmağa. Orxanımın dünyaya gəlməsi mənim və yoldaşımın stimulunu artırdı. Daha da bir-birimizə bağlandıq. Orxanımın sevgisi günü-gündən artdıqca yeni mahnılar yazdırmağa başladım. Bu il mənim yaddaşımda çox gözəl il kimi qaldı.
- Məndə olan məlumata görə yeni fotosessiyalar da etdirmisiniz?
- 2 dəfə etdirdim. Stilist Nura ilə, bir də Nigarla etdirdim. Fərqli makiyaj, fərqli fotosessiyalardır. Qeyri-adidir, çox bəyəndim. Əminəm ki, məni sevənlərin xoşuna gələcək. Mənim 4 yeni mahnıma yeni nəfəs verdim. «Geri dönsən», «Qayıdacaqsan», «Hardan düşdün yadıma», «Sənə qurban» mahnılarımı yenidən oranjiman etdirdim. Çünki bu mahnılar məni tamaşaçılarıma sevdirdi və fikirləşdim yenidən ifa edim.
- Bəs necə oldu ki, “Ay ürəyim” mahnısına məhz Türkiyədə klip çəkdirdin?
Klipimin rejissoru Zöhrab Ağayevdir. Çünki mənim bir çox kliplərimi Zöhrab çəkib. Klipi də orda çəkdirdim. Hətta orada ayağım da az qala sürüşmüşdü. Hava da soyuq idi. Allaha qurban olum, heç kim bilmir başına nə gələcək həyatda. Heç vaxtda heç kimə ölüm arzulamıram. Düşmənimə də arzu etmirəm. Qoy yaşasın, mənim uğurlarımı görüb sevinsin. Allah böyükdür. Doğrudan da çox pis sürüşürdüm. Şahin Cavadsoy da şahid oldu. Açıq deyim ki, mənim prodüserim Pərvizdən, Şahindən, Zöhrabdan gəldi təklif. Belə deyəndə hamımızın fikri bir-birinin üstünə düşdü və getdik ora klip çəkdirdim. Hazırda da montaj işləri gedir. İnşallah, mən sevənlərə təqdim edəcəyəm.
- Hazırda bir çoxları sizin varlığınıza görə niyə narahatdır? Hətta evliliyinizə belə şübhə ilə yanaşan boşboğazlar gündə bir ssenari qurur.
- Səbəb odur ki, bunlar məni həzm edə bilmirlər. Çünki belələrinin qaranlıq işlərini üzə çıxartmışam. Neyləsinlər-neyləməsinlər, ancaq ilişirlər həyat yoldaşıma və yaxud mənə. Bu da alınmır, Şəlalə. Heç cürə də alınmayacaq. Mən çox üzr istəyirəm, mən qeyri-qanunu ərdə deyiləm. Mənim arxamda həyat yoldaşım durur. Qaldı evliliyimizə şübhə ilə yanaşanlara, elə yana-yana qalacaqlar. Çünki mən 3 ildir rəsmi nikahdayam, kəbinli, zaqslı. Amma həyat yoldaşımla 16 ildir bir yerdəyik. Bunun heç kimə aidiyyəti yoxdur. Yenə deyirəm, atam 50 il anamla yaşayıb, nikahı olmayıb. Demək atamın arvadı olmayıb? Mənim üçün sənəd boş şeydir, Allah haqqı. O qədər yalandan sənət üstə evli olanlar var ki. Bunu hamı bilir. Amma bu gün ailəmin mənim arxamda olması, məni nikaha salması çox adamları yandırdı, tökdü. Bunlar düşünürdülər ki, mən ayrılacağam ondan, yenə də gedəcək, üzr istəyirəm, içki məclisi olacaq, yoldaşımdan istifadə edib onun cibini soyacaqlar. Bu da onların yalnız yuxusunda ola bilər. Açıq deyirəm bunu sizə.
- Nazənin xanım, mətbuata cılız insanların buraxdığı sözlərə görə siz həyat yoldaşınızla kabab stolunda tanış olmusunuz. Amma mənim bildiyimə görə Nazənin xanımın yetərincə imkanı var ki, kimlərəsə kabab alıb yedirtməyə. Alıb yedirdir də. Bu sözə reaksiyanız necə oldu?
- Mənə gülməli gəldi. Çünki bunu hamı bilir ki, Nazənin bir çoxlarına kabab alıb yedirdir. Nazənin özü yaxşı pul qazanan qızdır. Çünki məni sevərlər yetərincə çoxdur ki, məclislərində, xeyir işlərində mən iştirak edirəm. Hamı bilir ki, biz müğənniyik, bizim qonorarlarımız nə qədər olur. Mən özüm kabab yedirdirəm kimlərəsə. Çox üzr istəyirəm, bir az böyük çıxmasın, Nazənin kabab ölüsüdür, getsin kabab yesin, onun ərini də götürsün. Bunlar çirkablardı, oyunlardı. Bu oyunlar da nə üçün qurulur bunların hamısını da gözəl bilirik. Yəqin ki, savadı olan adamlar bilir ki, bu haradan qaynaqlanır, səbəb nədir və niyə edirlər. Qaldı, çıxıb ağzına gələni yazdır. Guya həyat yoldaşımın kəndçisidir, qohumudur, ürəyi yanır onun. Vallah, gülməlidir e… Biz yoldaşımla gülürük.
- Həyat yoldaşınız bu barədə ölçü götürəcəkmi?
- Vallah, heç onun adın da çəkmirik. Çünki o, adda adam yoxdur, qohumu, nə də tanıdığı. Çünki yoldaşımı görəndə gülür, deyir mən nə bilim kimdir. Sadəcə onlar aramıza nifaq salıb, istəyirlər ki, bezdirsinlər. Düzdü, hər kəs öz ağlı ilə, savadı ilə ölçür bu məsələni. Başa düşürlər ki, bizim balamız var, bu oyuncaq deyil, götürək qoyaq, kitab deyil ki, qoyaq rəfdə qalsın. Bu ailədir, uşaqdır, xeyri yoxdur, özlərini cılızlaşdırırlar. Əksinə, həyat yoldaşım məni daha da çox sevir, daha çox hörmətli oluram onun gözündə, daha da öz üzərimdə çalışıram ki, uğurlarıma sevinsin.
- Səmimi olun, Nazənin xanım, yenidən ana olmaq istəmirsiniz?
- (Gülür). Yoldaşım uşağa bağlıdır. Deyir biri də olsa çox gözəl olar. Hətta Allaha qurban olum, Tanrı bizlərə oğul payı da, qız payı da verib. Bundan artığını istəmirik. Amma heç vaxt heç nə deməyəcəyəm. Çünki həyatdır, min şükür edirəm bu günə. Allah bizi istəyib ki, bu balanı qisməti mənə verib. Qaldı onlar kimdir ki, mənə vəkillik etsin. Kimlərə də qalmayıb mənim ailəmin dərdi. Qaldı kimlərsə öyrədib ortalığa salır ki, baş qarışsın, məhkəmə davam edir. Mənim üçün o, artıq-əskik danışan insan özü nə yuvanın quşudur, kimdir, nəçidir, ərim ola-ola mən beləyəm, mən eləyəm, 7 dəfə ərə getmişəm, onu sübut etməlidir. Bütün dediklərinə görə cavab verəcək.
- Məndə olan məlumata görə, artıq məhkəmə yekunlaşıb.
- Artıq məhkəmə olub. Bir dəfə də görmüsünüz bu haqda nəsə deyim, səsimi çıxardım?.. Mən belə şeylərə görə gündəmdə qalmaq istəmirəm. Mən ildə bir mahnı oxuyuram, o tutur, o mənə bəs edir. Mənim adım var, Nazənin. Elə xanım da deyiləm ki, qalmaqalla gündəmə gəlim 3 dəfə məhkəmə də bizim xeyrimizə olub. Bu yaxınlarda yekun haqqında bütün mətbuat işçilərinə məlumat veriləcək. Məhkəmənin son qərarı bilinəcək və hamıya da konfransda məlumat verəcək vəkilim.
- Adlarını çəkib yenidən gündəmə gətirmək istəmirəm onları. Mənim üçün maraqlıdır ki, Zöhrə xanımla sizin münasibətiniz necədir? Hətta sizin haqqınızda Zöhrə xanımın müsahibəsini öz şəxsi instiqram profillərdə paylaşır. Sizcə bu cılızlıqdı?
- Bilirsən, Zöhrə xanıma bütün jurnalistlər zəng edib, hətta Şahin Cavadsoy da zəng eləyib dedi ki, bu nə müsahibədir vermisən? O, da getdiyi Həccə and içdi ki, mənim xəbərim yoxdur, ayıbdır, mənim Nazənin xanıma böyük hörmətim var və Əkbərin verilişində görürlər ki, Zöhrə ilə mən qol-boyun olub, öpüşüb, görüşüb, oynayırıq. Sənin instqiramında yazıb paylaşmaqla deyil ee... Nazənin 3 dəfə məhkəməni udub, bir dəfə də yazmayıb instiqramında.
- Nazənin xanım, ola bilər ki, sizi qıcıqlandırmaqdan ötrü belə hərəkətlər edir.
- Bilirsiniz, bunun səbəbi odur ki, onun zəif, cılız, cahil və savadsız olmasıdır bunun səbəbi. Mənim varlığıma dözə bilməməsidir bunun səbəbi. Mənim yoldaşımı ələ keçirdə bilməməsidir. Onun palanları başqa şey idi. Allah qoysa hamısını sübut edəcəyəm. Mən bir kəlmə dedim, onu da sübut etdim. İndi məhkəmədən sonra görəcəksiniz. O, min kəlməsini sübut etməlidir.
- Nazənin xanım, təzminat irəli sürmüsünüz?
- Artıq vəsait qaldırılıb, 100 min. Artıq nə tutacaqlar, nə edəcəklər, məhkəmədə bilinəcək, qərar verəcəklər. Onu da gözləyirik ki, məhkəmə qərarı necə çıxaracaq, necə etməliyik.
- Sevgi sizin üçün nədir?
- Hazırda Orxanın sevgisi mənim üçün birincidir. Hərdən yoldaşıma da deyirəm ki, elə bil mənə sevgin azalıb, Orxana gedib 50 faizi. Gülürük. Mənim üçün ailəmə deyil, dostlarıma ikiqatdır, məni sevənlərə üçqatdır, ətrafıma beş qatdır. Mənim bu dəqiqə eşq yaşayan vaxtım deyil ki, artıq.
- Gülnarə Məmmədova adı ilə müsahibə verən xanım tanıyırsınız?
- Birinci onu tanımıram. Özü də o, kimdir, onu yaxşı bilirik, adın da deməyəcəm. O, qadın da yüngül həyat tərzi keçirən qadındır. Xahiş edirəm yaz. O, keçmişdə mənim həyat yoldaşımın səhvi olub. Belə baxanda həyat yoldaşımın səhvi olmayıb. Kişiyə səhv yaraşmır. O, həmin insanlarla birləşib, mənim haqqımda müsahibə yazdırıb. Sən kimsən axı, sənin kimisinin gözünə soxaram zaqsımı, kəbinimi. Mənim övladım var. Mən 4 il bundan qabaq «Etiraf» verilişində dedim ki, mənim yoldaşımın məndən qabaq yoldaşı olub. O, var, olacaq da. Mənim yoldaşım məndən qabaqkı ailəsinə, balasına hörmət qoymursa, onlara bizdən artıq baxmırsa, mənə elə yoldaş lazım deyil. Qaldı mənim yoldaşımın mənim yanımda olmağını kamera qoyub göstərək ki, gecələr bir yerdəyik. Hər yerə bir gedirik. Qohum-əqrəba məclisinə bir gedirik. Şou əhlində olan yaxın dostlarımın məclisinə həyat yoldaşımla gedirəm. Qaldı, kim ki nə yazdırır, böhtan atır, Allah balalarının qarşısına çıxartsın. Mənim yoldaşım bilirsən necə insandır, zibil atanı belə əlinin üstündə saxlayan insandır. Mənim yoldaşım əvvəlki ailəsi və mən ailəsi elə küçə qadınının dərdinə düşməyib ki, narahat olsun. Getsin işi ilə məşğul olsun. Amma ona qarşı ölçü götürüləcək.
- Hətta deyirlər ki, siz var-dövlətə görə ailə qurmusunuz?
Hamı bilir ki, mən yarım saat toya 2500 manata, bütün toyu ansamblla 8 min manata gedirəm. Mənim sizcə ehtiyacım var var-dövlətə görə ailə qurum? Bu boş şeydir. Hətta elə sayt var ki, ilk dəfə nikahımın surəti orda gedib, sonra götürüb başqa cür yazır. Əvvəl necə yazırsan sonra necə yazırsan? Mənim yoldaşımın ailəsi var, bundan sonra da olacaq. Bəlkə səhər öldüm, gedib başqasını alacaq. Bunun kimə nə aidiyyəti var? Lap 15 övladı var, kimə nə dəxli var?.. Qaldı, o küçə qadını mənim haqqımda dediyi sözlərə görə məhkəmədə cavab verəcək. O birindən pis günə qalacaq. Hara da çıxır çıxsın. Çünki mənim həyat yoldaşım deyir ki, mən elə ailə saxlamıram ki, ya hansısa qohum çıxıb nə gəldi danışsın, qaldı arvadı savadsızdı, ayıbdır, ailə söhbətinə görə adamı bilirsən nə edərlər?.. Verib məhkəməyə qanunla elə yerində oturdarlar ki, heç bilməz ki, hardan gəldi, hara getdi. Hazırda mənim qaynım, qaynımın balaları, baldızlarımın hamısı mənim yanımda. Mən gedirəm evlərinə, onlar gəlir bizə. Qurban olum, mənim həyat yoldaşım müğənni deyil ki, əlindən tutum efirə çıxım, aktyor deyil ki, tamaşaya çəkilim.
- Nazənin xanım, qardaşların, yaxın ailə üzvlərin necə reaksiya göstərir buna?
- Vallah, hamısı gülürlər, zarafat edirlər. Bizimkilərdən zəng edib deyirlər ki, sən Allah, bu kişidən nə istəyirlər? Bu kişi o vaxtı bunlara nə boyun olub verməyib, indi kişidən əl çəkmirlər. Mən kimlərə nəsə deyirəmsə, nə yazıramsa, nə yoldaşıma maraqlıdır, nə də mənə. Çünki yoldaşımın bütün qohum-əqrəbası, mənimkilər - hamısı mənim yanımdadır. Bundan böyük xoşbəxtlik varmı? Mən onlarla qürur duyuram, onlar da mənimlə. Yoldaşım 2 sutkadır o qədər ürəkdən gülür belə şeylərə, əyləncə kimi baxıram bəzilərinə. Amma Təranəyə əyləncə kimi baxmadım, təbii ki, bu yaxınlarda vəkilim vasitəsi ilə sizlərə təqdim olunacaq, göründüyü yerlərə kimi hər şeyi açıqlayacağam. Qaldı, mən ərimi arvadla tutmuşam, mənim ərim arvadını kiminləsə tutmayıb ki. Mən utanmıram, həyat yoldaşımın da həmişə başını dik tutmuşam, heç vaxt da qoymaram ki, başı aşağı olsun. Sadəcə onu deyə bilərəm ki, demir 7 dəfə ərə getmişəm, maraqlıdır, niyə bu 7-dən 1-i çıxıb efirdə demədi ki, Nazənini kimləsə tutmuşam. Nazənin deyir ki, amma ərimi sənlə tutmuşam. Sənin kimi 20 manata ər saxlamıram. Amma hərdən də 50 manat verirmişsən ki, pul xərcləsin, qeyri-qanunu ərinə. Çünki verilişdə dedi ki, gündəlik Musanın cib xərcliyi 20 manatdır. Ayıbdır. Qoy mənim xoruzum o, bu hasarda banlasın, arzuları da ürəyində necə qaldı ki qaldı, qalacaq da.
