Saatlı sakini buna görə narazıdır...
Bu gün, 08:33
Saatlı rayon sakini Məhərrəmova Könül Qərib qızı tərəfindən Hurriyyet.az saytının redaksiyasına şikayət məktubu daxil olub. Şikayətçinin müraciətini olduğu kimi dərc edirik:
“Mən Məhərrəmova Könül Qərib qızı, yazaraq sizdən xahiş edirəm ki, problemimi işıqlandırasınız.
Məlumat ümün bildirim ki, artıq 1,5 ildir həyat yoldaşım həbsdədir. 3 uşağım var. Ən böyük uşağımın 10, ən kiçiyinin isə 6 yaşı var. Azyaşlı övladım olduğuna görə, işləmirəm, qohum-əqrabanın yardımı ilə dolanırıq.
Ünvanlı sosial yardım alıram. Mənə 400 manat pul verilir. Adıma da heç bir təsərrüfat yoxdur. Niyə mənim 3 uşağım ola-ola 400 manat pul verilir?!
Xahiş edirək ki, bu məsələni rəsmi qurumlarla aydınlaşdırasınız”.
Vətəndaşın şikayəti ilə bağlı Dövlət Sosial Müdafiə Fondunun İctimaiyyətlə əlaqələr departamentinin müdiri Rəşad Mehdili ilə əlaqə saxladıq. O bildirildi ki, sosial yardım üçün ayrılan müavinət ailəyə daxil olan gəlirə əsasən hesablanır: “Vətəndaş ətrafli məlumatı idarəyə müraciət edərək aydınlaşdıra bilər”.
Geri qayıt