SABİR RÜSTƏMXANLIDAN TƏKLİF VAR
28-10-2011, 12:17
“ORTAQ TÜRK DİLİ YARADILSIN”
Millət vəkili Sabir Rüstəmxanlı ortaq türk dilinin yaradılması təklifi ilə çıxış edib.
APA-nın məlumatına görə, Sabir Rüstəmxanlı bunu Bakıda keçirilən Türkdilli Ölkələrin və Toplumların II Media Forumunda çıxışında bildirib.
Millət vəkili deyib ki, müasir dünyada türk dünyası bütün sahələrdə birgə mübarizə aparmalıdır: “Hazırda ortaq informasiya birliyinin olmaması türk dövlətlərində mövcud problemlərin işıqlandırılmasına mane olur. Yalnız TRT Avaz kanalı bu mənada müəyyən işlər görür”.
S. Rüstəmxanlı türkdilli dövlətlərin, toplumların ortaq dilinin yaradılmasının vacib olduğunu bildirib.
Geri qayıt