MOLLALAR ABUTALIBOVU MƏHKƏMƏYƏ VERDİLƏR
26-10-2011, 16:47
ŞİKAYƏT 1 SAYLI BAKI İNZİBATİ İQTİSAD MƏHKƏMƏSİNƏ TƏQDİM OLUNUB
Azərbaycan İslam Partiyası (AİP) qurumun oktyabrın 22-də keçirmək istədiyi mitinqə razılıq vermədiyi üçün Bakı Şəhər İcra Hakimiyyətini məhkəməyə verib.
Partiyanın sədr müavini Hacı Akif Heydərlinin APA-ya verdiyi məlumata görə, bu gün şikayətlə bağlı müvafiq sənədlər 1 saylı Bakı İnzibati İqtisad Məhkəməsinə təqdim olunub.
İddiaya əsasən, paytaxt meriyası təşkilatın sərbəst toplaşmaq hüququnu bərpa etməli və dəyən mənəvi ziyana görə 5 min manat cərimə ödəməlidir.
Qeyd edək ki, Bakı Şəhər İcra Hakimiyyəti (BŞİH) Azərbaycan İslam Partiyasına (AİP) oktyabrın 22-də paytaxtın “Ulduz” metrostansiyası və “Təbriz” kinoteatrı qarşısında mitinqi keçirmək istəyi ilə bağlı müraciətinə mənfi cavab verib və kütləvi aksiyanın keçirilməsini məqsədəuyğun hesab etməyib.
Geri qayıt