18 YAŞLI GƏNC GÖLDƏ BOĞULDU
12-07-2012, 14:46
MƏRHUMUN CƏSƏDİNİ SAKİNLƏR TAPIB ÇIXARIB
Cəlilabadda 18 yaşlı gənc göldə batıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, 1994-cü il təvəllüdlü İbrahim Baloğlan oğlu Məmmədov Cəlilabad rayonu ərazisində göldə çimərkən batıb.
Dərhal Fövqəladə Hallar Nazirliyinin dalğıc-xilasediciləri axtarış-xilasetmə işlərinin aparılması üçün hadisə yerinə cəlb olunublar. Məmmədovun cəsədi vətəndaşlar tərəfindən tapılaraq sudan çıxarılıb.
Bakı şəhəri, Xəzər və Suraxanı rayonları ərazisində isə dənizdə ("Sahil-1" və "Hövsan" sularda xilasetmə məntəqələrinin ərazisində) batmaq təhlükəsi ilə üzləşmiş 3 nəfər Fövqəladə Hallar Nazirliyinin dalğıc-xilasediciləri tərəfindən xilas olunub.
Geri qayıt