XAÇMAZDA SƏRNİŞİN AVTOBUSU AŞDI
29-06-2012, 11:31
QƏZA NƏTİCƏSİNDƏ 9 NƏFƏR YARALANIB
Azərbaycanın Xaçmaz rayonunda sərnişin avtobusu aşıb.
APA-nın şimal bürosunun verdiyi məlumata görə, hadisə bu gün səhər saat 8 radələrində Gəndob-Yalama yolunun Xaçmaz rayonunun Canaxır kəndi ərazisindən keçən hissəsində baş verib. Nabran-Bakı marşrutu üzrə hərəkət edən, 90-JL-034 dövlət nömrə nişanlı, “Hyundai” markalı sərnişin avtobusunun aşması nəticəsində sərnişinlərdən 9 nəfər müxtəlif dərəcəli bədən xəsarət alıb. Xəsarət alan şəxslərdən 7-si Xaçmaz Mərkəzi Rayon Xəstəxanasına müraciət edib. Onlara ilkin tibbi yardımdan sonra evə buraxılıblar.
Geri qayıt