BAKIDA PKK-YA QARŞI ƏMƏLİYYAT HAZIRLANIR
20-10-2011, 12:55
AZƏRBAYCAN HAKİMİYYƏTİ BU ƏMƏLİYYATA İCAZƏ VERMƏYƏ BİLƏR
DİA.AZ: - Son günlər qardaş Türkiyədə yaşanılanlar Azərbaycanda da böyük ürək ağrısı ilə qarşılanmaqdadır. Hər halda, terrorçuların hədəfinə çevrilən türk oğulların qətliamına üzülməmək olmur.
Məlum olduğu kimi, PKK terrorçuları Hakkari ərazisində 24 türk əsgərini qətlə yetiriblər. Və bundan sonra rəsmi Ankara nümayəndələri bir-birinin ardından sox sərt bəyanatlar verməklə yanaşı, türklərin orduya axını da artıb.
Məsələn, Türkiyədəki tarixi Azərbaycan şəhəri Ərzurumun gənc sakinləri türk ordusunun qərargahına doğru yürüş ediblər. Təxminən 1000-ə yaxın gəncin şüarı «BİZİ ORDUYA ALIN» olub. Eyni zamanda Türkiyənin prezidenti Abdulla Gül də qisasın ağır olacağını bəyan edib.
Bu məsələlərlə bağlı «Dünya» İnformasiya Agentliyinə daxil olan məlumatlarda bildirilir ki, rəsmi Ankara PKK terrorçularının Türkiyə şəhərlərindəki və eləcə də Türkiyədən kənardakı dayaqlarına qarşı da xüsusi əməliyyat planı hazırlayıb. Bu barədə bildirək ki, Türkiyənin «Hürriyyət» qəzetində də məlumatlar verilib və bildirilir ki, qardaş ölkənin əmniyyət qüvvələri Milli İstiqbarat Təşkilatı ilə birgə PKK-nın xarici ölkələrdəki maliyyə qaynaqlarına qarşı əməliyyat hazırlayıb.
Onu da bildirək ki, Azərbaycanda da PKK-ya dəstək verən qüvvələrin yetərincə olduğu faktdır. Bu barədə yerli mətbuatda dəfələrlə informasiyalar verilib. Azərbaycan parlamenti isə PKK-nı bir terror təşkilatı kimi tanımayıb. Bu faktın özü də təsdiqləyir ki, Azərbaycanda PKK hətta hakimiyyət səviyyəsində olmasa belə, ayrı-ayrı nüfuzlu məmurlar səviyyəsində dəstəklənir. İş o həddə çatıb ki, Tahir Süleyman kimi türk düşmənləri Bakının göbəyində mətbuat konfransı keçirərək əlində oyuncaq etdiyi gənclərdən birini «haqqı əzilən kürd gənci» kimi təqdim edir və Azərbaycan dövlətinə böhtan ataraq, guya ki, ölkəmizdə hansısa etnik qrupun nümayəndəsinin haqqının yeyildiyini iddia edir.
Bir sözlə, Azərbaycanda PKK məsələsi çox «incə məsələlər»dən hesab olunur. Hər halda, bu gün PKK-ya dəstək verən məmurların, eləcə də şirkətlərin adları hər kəsə məlum olsa da, bu barədə dövlətin müvafiq qurumlarının hər hansı tədbirə əl atmaması artıq məsələnin nə yerdə olmasını tam olaraq izahlayır. Yəni əlavə şərhə və izahata lüzum qalmır.
Doğrudur, bu günlərdə belə bir məlumat yayıldı ki, həmin PKK sevdalısı, «Diplomat» qəzetinin baş redaktoru Tahir Süleyman Gürcüstan-Azərbaycan sərhəddində Milli Təhlükəsizlik Nazirliyinin əməkdaşları tərəfindən saxlanılsa da, sonradan prezident administrasiyasından naməlum müdaxilə terror dəstəkçisinin yenidən azadlığa çıxması ilə nəticələnib.
Onu da xatırladaq ki, bir müddət əvvəl Vətəndaş Həmrəyliyi Partiyasının sədri, millət vəkili Sabir Rüstəmxanlı da Milli Məclisdə «Diplomat» qəzetinin baş redaktoru Tahir Süleymanla bağlı məsələ qaldırmış, Azərbaycan MTN-nindən bu adamın hərəkətləri ilə əlaqədar müvafiq hüquqi ölçünün götürülməsini istəmişdi. Və onu da xatırladaq ki, MTN-dən mətbuata verilən açıqlamada sözügedən müraciətin araşdırıldığı bildirilsə də, sonradan heç bir addım atılmadı.
Bir sözlə, Azərbaycanda PKK-nı açıq-aşkar müdafiə etmək nə qədər asandırsa, Azərbaycan dövlətinin, azərbaycan türkünün maraqlarına xidmət bir o qədər təhlükəlidir. Bunun sübutuna isə bu günlərdə şahidlik etdik. Belə ki, özünü Bütün Qafqazın Şeyxi Hacı Allahşükür Paşazazədinin mühafizəçisi kimi qələmə verən bir şəxs məhz İrəvanda düzənlənən və birbaşa olaraq Azərbaycan dövlətçiliyini hədəfə alan ermənilərin təşkil etdiyi «talışşünaslıq» adlı absurd tədbirə etiraz etməsi səbəbindən Milli Qurtuluş Partiyasının sədri Vüqar Bəyturanı ölümlə hədələmişdi. Yəni bu fakt sübutdur və bu kimi sübutlar yetrincədir.
Redaksiyamıza daxil olan məlumatlardan isə aydın olur ki, qardaş Türkiyənin PKK-nın xaricdəki maliyyə dayaqlarına qarşı keçirdiyi əməliyyatlardan birinin ünvanı Bakı ola bilər: «Artıq bu barədə rəsmi Bakı ilə intensiv danışıqlar aparılır və Bakıda əməliyyat keçirilməsi üçün Türkiyə tərəfindən icazə istənilir».
Mənbəmiz hələlik Azərbaycanın Türkiyəyə nə cavab verdiyinin məlum olmadığını da söylədi: «Hələlik cavab verilməsi yubadılır. Amma cavabın rədd olacağı şübhəsizdir. Hər halda, bu gün Azərbaycanda PKK təfəkkürləri xeyli məmurun olması bunu qaçılmaz edir».
Onu da bildirək ki, əməliyyat zamanı ölkədə tanınmış bir neçə şirkət rəhbərinin və eləcə də bir dövlət məmurunun hədəfə alınması barədə Türkiyədəki qaynaqlar məlumat ötürüblər. Təbii ki, bu faktın özü belə rəsmi Bakının Türkiyə iqtidarına hansı şəkildə cavb verə biləcəyini izahlayır.
Geri qayıt