BƏŞƏR ƏSƏD İTKİLƏR VERİR
3-05-2012, 13:25
TOQQUŞMALARDA 20 SURİYA ƏSGƏRİ HƏLAK OLUB
Suriyanın Hələb şəhərində yeni toqquşmalar baş verib, nəticədə 20-dən çox hərbçi həlak olub. Bunu BMT-nin müşahidəçilər missiyasının nümayəndəsi bildirib.
Çərşənbə günü ölkədə atəşkəs elan olunmasına baxmayaraq, bir sıra şəhərlərdə “terror qruplaşmalarına” qarşı xüsusi əməliyyatlar keçirilib. Prezident Bəşər Əsədin hökumət ordusu Deir əl-Zur əyalətində ən azı 4 dinc sakini, o cümlədən qadın və uşaqları qətlə yetirib.
BMT-nin məlumatına görə, əl-Ray, Daraya və Qusur rayonlarında da qiyamçılar və ordu bölmələri arasında toqquşmalar qeydə alınıb.
Hazırda müşahidəçilər Haldiye, Qusur və Qarabis rayonlarında vəziyyətə nəzarət edirlər.
Geri qayıt