SİNOPTİKLƏR YAĞMURSUZ HAVA VƏD ETDİLƏR
18-03-2012, 12:04
HƏFTƏNİN İLK GÜNLƏRİ HAVA BULUDSUZ OLACAQ
Martın 19-20-də Azərbaycan ərazisində hava şəraitinin nisbətən sabit, əsasən yağmursuz keçəcəyi gözlənilir.
Ekologiya və Təbii Sərvətlər Nazirliyinin mətbuat xidmətindən bazar günü Trend-ə verilən məlumata görə, martın 19-da Bakı və Abşeron yarımadasında hava yağmursuz olacaq, cənub-qərb küləyi əsəcək, arabir güclənəcək. Havanın temperaturu gecə 1-3 dərəcə isti, gündüz 10-15 dərəcə isti olacağı gözlənilir.
Azərbaycanın rayonlarında da sabah yağmursuz hava gözlənilir. Gecə və səhər bəzi yerlərdə zəif duman, cənub-qərb küləyinin sürəti 5-10 m/s, gündüz saatlarında əsasən dağlıq rayonlarda arabir 20-25 m/s-dək güclənəcək. Ölkənin rayonlarında sabah havanın temperaturu gecə 1 dərəcə şaxtadan 4 dərəcəyədək isti, gündüz 10-15 dərəcə isti, dağlarda gecə 7-12 dərəcə şaxta, gündüz 0-5 dərəcə isti. Yüksək dağlıq ərazilərdə havanın minimal temperaturu 11-16 dərəcə şaxta olacağı gözlənilir.
Geri qayıt