11 MART ETİRAZLARININ 1 İLLİYİ
11-03-2012, 13:36
GƏNCLƏRİN BAŞLATDIĞI İŞİ BÖYÜKLƏR UĞURLA BAŞA ÇATDIRA BİLMƏDİ
DİA.AZ: - Bu gün «Ərəb baharı»ndan ruhlanaraq Bakıda etiraz aksiyalarının ilk qaranquşu kimi diqqətə gələn 11 Mart mitinqinin bir ili tamam olur. Əslində, həmin ərəfədə «öləzimiş» kimi qələmə verilən narazı kəsimin ilk etiraz törəni kimi diqqətə gələn bu olayların hazırki hakimiyyətə qarşı aparılan mübarizədə, müqavimət hərəkatında çox müsəsna rolu var. Ki, bunu da kimsə dana bilməz.
Məhz gənclərin iradəsi ilə YAP iqtidarının yaratdığı xof tarixə qovuşdu. Doğrudur, sonradan ölkənin siyasi müxalifətinin ənənəvi üslubu və hakim komandanın 2 aprel aksiyasında nümayiş etdirdiyi qeyri-adekvat reaksiya gənclərin başlatdığı etiraz dalğasının effektinə müəyyən qədər kölgə saldı. Amma yenə də Böyük Xalq Günü adlandırılan 11 Mart mitinqi milli mübarizə tarixində müstəsna əhəmiyyəti ilə yadda qalacaq.
Geri qayıt