USUBOV DA RAFİQ TAĞININ AİLƏSİNİ QƏBUL ETDİ
6-03-2012, 12:00
BAŞ PROJURLUQ YENƏ DƏ VƏD VERİB
Bir müddət əvvəl qətlə yetirilmiş yazıçı-publisist Rafiq Tağının ailə üzvləri baş prokurorun birinci müavini Rüstəm Usubovla görüşüblər.
Bu barədə APA-ya yazıçının qardaşı İlqar Tağıyev məlumat verib: “Rüstəm Usubov qaldırdığımız vəsatətlərə düzgün qiymət verilməsi barədə cinayət işini araşdıran müstəntiqə tapşırıqlar verdi. Cinayət işi ilə bağlı yeni vəsatətlər hazırlayırıq. Yaxın vaxtlarda vəkilimiz Elçin Sadıqov istintaqa təqdim edəcək”.
Vəkil Elçin Sadıqov isə APA-ya açıqlamasında bildirib ki, R. Tağı barəsində olan ekspertiza rəyi ilə razı deyillər. O, bununla bağlı yeni vəsatət verəcəklərini deyib.
Xatırladaq ki, Rafiq Tağı 2011-ci il noyabrın 19-da Bakıda, yaşadığı evin yaxınlığında bıçaqlanıb, noyabrın 23-də müalicə olunduğu Klinik Tibbi Mərkəzdə vəfat edib.
Bununla bağlı başlanan cinayət işi Baş Prokurorluğun Ağır Cinayətlərə Dair İşlər üzrə İstintaq İdarəsinin icraatındadır.
Geri qayıt