MAHMUD KƏRİMOVUN İŞÇİSİ MİSSİONER ÇIXDI
15-02-2012, 11:55
SUMQAYITDA QANUNSUZ DİNİ MƏCLİSLƏR TƏŞKİL OLUNURMUŞ
Azərbaycanın Sumqayıt şəhərində rəsmi qeydiyyatdan keçməyən dini icmanın təşkil etdiyi yığıncağın qarşısı alınıb.
APA-nın Daxili İşlər Nazirliyinin saytına istinadən verdiyi məlumata görə, Dini Qurumlarla iş üzrə Dövlət Komitəsi və Sumqayıt şəhər Polis İdarəsi əməkdaşları tərəfindən fevralın 13-də Sumqayıt şəhər sakini Fazil Allahverdiyevə məxsus mebel sexində onun və Azərbaycan Milli Elmlər Akademiyasının elmi işçisi, Bakı şəhər sakini Əlimədət Kazımovun rəsmi qeydiyyatdan keçmədən 10 nəfərlə dini yığıncaq təşkil etmələri müəyyən edilib.
Onlar Sumqayıt şəhər Polis İdarəsinin 4-cü Polis Bölməsinə gətiriliblər. Onlardan 10 nəfərinə rəsmi xəbərdarlıq edildikdən sonra buraxılıb, F. Allahverdiyev, Ə. Kazımov barəsində isə İnzibati Xətalar Məcəlləsinin 299-cu (Dini qurumların yaradılması və fəaliyyət qaydasının pozulması) maddəsi ilə sənədləşdirmə aparılıb və tədbir görülməsi üçün Sumqayıt şəhər Məhkəməsinə göndərilib.
Geri qayıt