HƏRDƏN BELƏ DƏ OLUR...
9-02-2012, 14:19
KORRUPSİYADA İTTİHAM OLUNAN BAŞ HƏKİM AZAD EDİLDİ
Bakı Apellyasiya Məhkəməsində Azərbaycan Səhiyyə Nazirliyinin Narkoloji Dispanserinin rüşvətxorluqda təqsirləndirilən baş həkimi Könül Vəliyevanın apellyasiya şikayəti əsasında məhkəmə prosesi başa çatıb.
APA-nın xəbərinə görə, prosesdə məhkəmənin qərarı elan olunub. Qərara əsasən, birinci instansiya məhkəməsinin hökmü dəyişdirilib. K. Vəliyevanın barəsində Cinayət Məcəlləsinin 70-ci maddəsi tətbiq edilməklə 3 il müddətinə şərti olaraq azadlıqdan məhrum edilib. O, məhkəmə zalından azadlığa buraxılıb.
Qeyd edək ki, K. Vəliyeva Bakı Ağır Cinayətlər Məhkəməsinin hökmü ilə 6 il 3 ay müddətinə azadlıqdan məhrum edilib. O, Cİnayət Məcəlləsinin 308-ci (vəzifə səlahiyyətindən sui-istifadə etmə) və 311-ci (rüşvət alma) maddələrinə əsasən ittiham olunub.
Geri qayıt