OQTAY ƏSƏDOVA “XOCALI MÜRACİƏTİ”
31-01-2012, 14:54
BU QƏTLİAMIN GÜANHKARLARINI AZƏRBAYCAN RƏSMƏN AXTARMIR...
Xaricdə yaşayan azərbaycanlılar Azərbaycan Respublikası Milli Məclisinin sədri Oktay Əsədova müraciət ediblər. DİA.AZ-a daxil olan müraciətin mətnində deyilir:
“Hörmətli Oktay müəllim. Məlumunuzdur ki, bu yaxınlarda xalqımız ötən əsrin sonlarında baş
vermiş ən böyük qətliamı, Xocalı faciəsinin 20 illiyini qeyd edəcəkdir. Bir çox beynəlxalq konversiyalara, hüquqi aktlara, dünyanın mötəbər qurumlarının prinsiplərinə və nəhayət, insanlığa qarşı ermənilər tərəfindən həyata keçirilmiş bu faciə təkcə azərbaycanlıları yox, bəşəriyyətin bütün vicdanlı və tərəqqipərvər insanlarını sarsıtmışdır. Bildiririk ki, xalqımızın yaşadığı bu faciəni ölkə xaricindəki azərbaycanlılar da hər il müxtəlif tədbir və aksiyalarla
qeyd edir.
Ermənistan ordusunun və erməni silahlılarının törətdikləri bu vəhşilikləri sübutlarla yaşadıqları ölkələrin ictimaiyyətinə çalışırlar. İmza toplamaqdan tutmuş ən müxtəlif aksiyalara əl ataraq
bu faciənin müxtəlif ölkələrin parlamentlərində soyqırım kimi tanıtmağa cəhd edirlər. Lakin təəssüf ki, bu zaman yaşadıqları ölkələrin rəsmi dairələrinin ciddi sualları ilə qarşılaşır, hüquqi
maneələrə rast gəlirlər. Biz bu maneələrlə qarşılaşan soydaşlarımızın nümayəndələri olaraq, bu hüquqi maneələrdən bəzilərini diqqətinizə çatdırmaq, onların həll edilməsində sizdən səlahiyyətiniz daxilində addımlar atmağınızı istəyirik.
Cənab spiker, 2008-ci il fevralın 27-də Nederland Krallığının parlamentinin rəhbəri xanım Gredti Verbeet cənablarına Xocalı faciəsi barədə faktlarla geniş məlumat verərək ondan parlamentdə bu faciəyə hüquqi-siyasi qiymətin verilməsi üçün məsələnin müzakirəyə
çıxarılmasını xahiş etmişdik. Müraciətimizə xüsusi diqqət yetirən xanim Gredti Verbeet sorğumuzu dərhal cavablandıraraq Xocalıda baş verənlərdən çox üzüldüyünü bildirmişdi. Qeyd etmişdi ki, faciə ilə bağlı məqamları Nederland Krallığının parlamentində təmsil olunan
bütün partiyaların deputat qruplarına çatdıracaqdır. Bununla belə, bildirmişdi ki, bu faciənin müzakirəyə çıxarılması və hüquqi-siyasi qiymət verilməsi üçün Azərbaycan parlamentinin onlara rəsmi olaraq müraciət etməsi lazımdır.
Lakin faciənin üzərindən bu qədər ötməsinə baxmayaraq, onlara belə bir müraciət daxil olmamışdır. Nə zaman Azərbaycan Respublikası parlamenti onlara müraciət edərsə, o zaman bu
məsələ müzakirəyə çıxarıla bilər.
Cənab spiker, Avropa və dünyanın digər ölkələrində yaşayan soydaşlarımız da məhz bu cür cavablar almış və məlum olmuşdur ki, Azərbaycan Respublikası Milli Məclisi Xocalı soyqırımı ilə bağlı xarici dövlətlərə belə bir müraciət göndərməmişdir. Xüsusi olaraq qeyd etməyi borc bilirik ki, 2007-ci il fevralın 26-da Avropada yaşayan soydaşlarımızın iştirakı ilə Belçika Krallığının paytaxtı Brüssel şəhərində Avropa Parlamenti binası önündə və Ermənistanın səfirliyi qarşısında Xocalı faciəsilə bağlı böyük mitinq keçirildi. Sonda iştirakçılar tərəfindən aksiyanın qətnaməsi Avropa Parlamentinin və Ermənistan səfirliyinin səlahiyyətli nümayəndələrinə təqdim edildi. Qətnamədə Xocalı faciəsində birbaşa iştirak edən Robert
Köçəryanın, Serj Sarkisyanın, Qukasyanın və digərlərinin ədalət məhkəməsi önünə çıxarılması tələbi qoyulurdu.
Lakin bundan bir gün sonra - 27 fevral 2007-ci ildə Azərbaycan Milli Məclisində aparılan
müzakirələr zamanı bu şəxslərin adları Xocalı faciəsinin təşkilatçıları və iştirakçılarının siyahısından rəsmi olaraq çıxarıldı. Həmin gün millət vəkili Fəzail Ağamalı "Lider"
telekanalında "Sədadan sonra" proqramında bunu şərh edərək bildirdi ki, adları siyahıdan çıxarılan şəxslərin Xocalı faciəsilə əlaqəsi olmadığını müəyyənləşdirdiklərindən bu addımı atıblar. Halbuki Robert Köçəryan məhz 1992-ci ildə Dağlıq Qarabağdakı separatçı rejimin
"müdafiə naziri" idi. Təəssüf ki, Azərbaycan Milli Məclisinin erməni canilərə hansısa səbəbdən göstərdiyi bu xüsusi münasibət düşmənlərimizin işinə yaradı. Dünyada fəaliyyət göstərən erməni
təşkilatları Azərbaycan Respublikası Milli Məclisinin bu addımı barədə məlumatı Avropa Parlamentinə və digər ölkələrin rəsmi qurumlarına göndərərək Köçəryan, Sarkisyan, Qukasyan və digərlərinin günahsız olduqlarını bildirdilər.
Bir məqamı da xüsusi olaraq qeyd edirik ki, Azərbaycan hüquq-mühafizə orqanları hər zaman bəyan edirlər ki, adları çəkilən şəxslər və Xocalı faciəsinin digər iştirakçıları İnterpol tərəfindən qırmızı xətlə axtarışdadırlar. Halbuki rəsmi olaraq aparılan araşdırmalarımız zamanı
Xocalı faciəsiylə bağlı heç kəsin axtarışda olmadığı məlum olmuşdur. İstəsəniz sizlər də www.interpol.int saytına daxil olaraq bunu araşdıra bilərsiniz.
Bu kimi digər faktlar bizim haqq səsimizin dünya ictimaiyyətinə və yaşadığımız ölkələrin rəsmi dairələrinə çatdırılmasına, Xocalı faciəsinin təşkilatçı və iştirakçılarının beynəlxalq məhkəmə önünə çıxarılmasını tələb etməyimizə, bu faciəylə bağlı beynəlxalq istintaq qrupunun yaradılması yönündə iş aparılmasına, olayın soyqırım kimi tanınmasına sözün əsl mənasında mane olur.
Cənab spiker, biz xaricdə yaşayan azərbaycanlılar olaraq sizdən xahiş edirik ki, Azərbaycan Respublikası Milli Məclisinin sədri kimi ölkə parlamenti adından dünya dövlətlərinin parlamentlərinə ümumi və fərdi olaraq müraciətlər edilməsinə göstəriş verəsiniz. Xüsusilə Avropa Birliyi dövlətlərin parlamentlərinin rəhbərliyinə və üzvlərinə birbaşa
müraciət edəsiniz. Siz bu addımı atacağınız təqdirdə, bizlər yaşadığımız ölkələrdə ən müxtəlif aksiyalar keçirərək, seçici olaraq öz təsir imkanlarımızdan yararlanaraq bu olaya hüquqi və siyasi
qiymətin verilməsinə, Xocalı faciəsinin təşkilatçı və iştirakçılarının cəzalandırılmasına nail olmağa çalışacağıq. İnanırıq ki, sizin atacağınız addımlardan sonra Avropa dövlətlərinin rəsmi dairələrinin əllərində başqa bir bəhanə olmayacaq və Xocalı faciəsiylə bağlı
konkret müzakirələrə başlanılacaq.
Bunun üçün biz sizdən lazımi addımlar atılmasını rica edirik.
Hörmətlə xaricdə yaşayan azərbaycanlılar adından:
1. Eldəniz Yusibov - Azərbaycanlı Siyasi Mühacirlərin Dünya İttifaqı -
Nederland Krallığı
2. Rəşad Sadıqov - Odlar Yurdu Cəmiyyəti - Nederland Krallığı
3. Fikrət Hüseynli - Yeni Müxalifət Hərəkatı - Nederland Krallığı
4. Azər Ramizoğlu - Azərbaycanda Demokratiyaya Dəstək Komitəsi -
Nederland Krallığı
5. Samit Məmmədli - Nederland Azərbaycan Kültür Mərkəzi - Nederland Krallığı
6. İlham Həsən - Frankfurt Azərbaycan Cəmiyyəti - Almaniya Federativ
Respublikası
7. İntiqam Məmmədov - Hamburq Azərbaycan Cəmiyyəti - Almaniya
Federativ Respublikası
8. Yusif Abulov - Maynz Azərbaycan Cəmiyyəti - Almaniya Federativ Respublikası
9. Sərdar Ağayev - Oğuz Yurdu Cəmiyyəti - İsveç Krallığı
10. Əli Ağayev - "Prometey" Təşkilatı - İsveç Krallığı
11. Teymur Eminbəyli - Bütöv Azərbaycan Təşkilatı - İsveç Krallığı
12. Əli Hacılı - Azeriunited Cəmiyyəti - Nederland Krallığı
13. Seyfettin Ayakyay - Türkiyə Azərbaycan Dərnəkləri Federasiyonu
başkanı - Türkiyə Cümhuriyyəti
14. Ayhan Demirçi - Azərbaycan-Belçika Dostluq Cəmiyyəti - Belçika Krallığı
15. Ələsgər Siyablı - Azərbaycanda Demokratiya Uğurunda Siyasi
Cəmiyyət - Almaniya Federativ Respublikası
16. Könül Hacızadə - Vətən Sevər Azərbaycan Küveyt Dostluq və
Mədəniyyət Əlaqələri Cəmiyyəti - Küveyt Krallığı
17. Mais Nuriyev - Azəri Mədəniyyət Assosiasiyasının prezidenti -
İtaliya Respublikası
18. Nürəddin Hüseynov - Mədəni Əlaqələr Cəmiyyəti - İtaliya Respublikası
19. Leyla Kiani - "Xəzər" Azərbaycan-İsveç Dostluq Cəmiyyəti - İsveç Krallığı
20. Oğuzhan Kılıc - Türk Gənclik Kuruluşları Federasyonu - Nederland Krallığı
21. Eşref Kerküklü - Türkməneli Öğrənci və Gənclər Birliyi - Nederland Krallığı
22. Deniz Uresin - Atatürkçü Gənclər Birliyi - Nederland Krallığı
23. Süleyman Yaycı - Türk Gənclik Hərəkatı - Nederland Krallığı
24.Assəf Bagirov – “Dayak”Belcika –Azrəbaycan Dostluq Cəmiyyeti; Belcika
Geri qayıt