ƏHƏD ABIYEVDƏN ŞOK AÇIQLAMA!!!
31-01-2012, 14:29
«RAMİZ MEHDİYEV GEDƏCƏK, MƏN DƏ PA-YA ŞÖBƏ MÜDİRİ TƏYİN EDİLƏCƏM»
DİA.AZ: - Daşkəsəndə baş verən məmur özbaşınalıqları ilə bağlı rayon sakinləri redaksiyamıza müraciət ediblər. Onlar rayonda sosial durumun ağır olması ilə yanaşı rayonun köhnə və yeni icra başçısını bir sıra qanunsuz əməllərdə ittiham edirlər. Sakinlərin iddialarına görə, Daşkəsənin sabiq icra başçısı Tahir Kərimov (o, hazırda Salyanın icra başçısıdır - red.) Bayan kəndindəki bəzi əraziləri satıb. Satılan ərazilərdə restoran və daş karxanası inşa edilir.
Məktubda olduqca ağır və ciddi ittihamlar var. Məsələn, yazırlar ki, T.Kərimov Daşkəsənda İH başçısı işləyəndə onun Kamran adlı işçisi rayondakı iki binanı aqlay daşla üzlətmək üçün 60 min manat pul yığıb: “Rayondaxili yollar və məhəllələr arasındakı yollar kağız üzərində asfaltlanıb və pulu yeyilib. T.Kərimov Daşkəsəndə işləyəndə xəstəxananı sökdürdü və dövlətin vəsaitilə təmir olunan univermağın binasını xəstəxanaya verdi. Həkimlər bu günə kimi öz maaşlarından T.Kərimova icarəyə pulu ödəyirlər. T.Kərimov öz katibəsinin ərinin saxta sənədlə Qarabağ əlili etdirdi və ona əlillər üçün tikilən binadan ev verdirdi”.
Məktubda hazırkı icra başçısı Əhəd Abiyevin də fəaliyyəti tənqid olunur. Yazırlar ki, onun gəlişi ilə heç nə dəyişməyib: “Yayda içməli su Xoşbulaqda dincələnlərə pulla satılır. Şəhər əhalisinə isə su verilmir. Qışda isə su donur, həftədə 1 dəfə su verilir. Qar yağanda yollar təmizlənmir. Əhalini dinləyən yoxdur. Məmurların qəbul günləri də ləğv edilib”.
Məktub müəllifləri yazırlar ki, Ə.Abıyev icra başçısı təyin ediləndən sonra üst-üstə 45 gün rayonda olub. Onlar rayonda rəhbər vəzifədə işləyən şəxslərin 60-70 faizinin rayon sakini olmadığından da narazılıq etdilər: “Bizim gənclər isə çöllərdə, digər rayonlarda iş axtarır. Yerli kadrlar rayonu tərk edirlər”.
Onu da bildirək ki, bu məsələlərlə bağlı Daşkəsən rayonundakı bəzi qaynaqların araçılığı ilə müəyyən araşdırmalar apardıqda ortaya ilginc faktlar çıxdı. Əldə etdiyimiz məlumatlardan aydın olur ki, sən demə, keçmiş deputat, hazırki icra başçısı Əhəd Abıyev Daşkəsənə müvəqqəti ünvan kimi baxır. Bu barədə danışan mənbənin söylədikləri:
«Ghəd Abıyev rayonda bütün məmurlara bildirib ki, o, RİH rəhbəri postunda müvəqqətidir və bu vəzifə ona tramplin kimi lazımdır. O, bildirib ki, bundan sonra Prezident Administrasiyasına şöbə müdiri vəzifəsinə gedəcək. Ona görə də köhnə başçının kadrlarına dəymir və özünə rayonda komanda düzəltmir».
Onu da bildirək ki, əslində Əhəd Abıyevin PA-ya şöbə müdiri gətirilməsi ilə bağlı ideyalar əvvəlcədən də olub. Amma bu heç də real görünmür. Ən azından o səbəbə görə ki, Əhəd Abıyevlə PA rəhbəri Ramiz Mehdiyevin münasibətləri çox gərgindir və icra başçısı dəfələrlə Mehdiyevin ünvanına sərt ifadələr də işlədib. Bir zamanlar Masallının hazırki icra başçısı Qəzənfər Ağayevlə döyüşən Əhəd Abıyev rəqibini himayə etdiyinə görə Ramiz Mehdiyevin də ünvanına sərt ifadələr işlətmişdi.
Yəni belə bir durumda Əhəd Abıyevin PA-ya vəzifəyə gətirilməsi mümkün görünmür. Bu barədə danışan mənbəmiz isə fərqli düşünür: «Əhəd Abıyev rayonda yaxınlarına bildirib ki, Ramiz Mehdiyev müvəqqətidir və onu may ayına qədər vəzifədən çıxaracaqlar. Ondan sonra da Əhəd Abıyev PA-ya şöbə müdiri gedəcək».
Hər halda, Əhəd Abıyevi kifaət qədər məlumatlı şəxs hesa etmək olar. Bu isə o deməkdir ki, Mehdiyevin gedişi ilə bağlı bu vaxta qədər deyilənlər həqiqətə uyğun imiş.
Mövzu diqqətimizdədir…
Geri qayıt