ƏBÜLFƏS QARAYEVİN İŞÇİSİ ADAMLARI BEZDİRİB
18-10-2013, 11:24
Bakı şəhərində fəaliyyət göstərən və Mədəniyyət-Turizm İdarəsinin tabeçiliyində olan müəssisə və idarələrin işçiləri üsyana qalxmağa hazırlaşır. Bu barədə JAM.AZ-a məlumat verən bir qrup mədəniyyət işçisi bildirib ki, onlar bu sahəni bazara çevirmiş Bakı şəhər Mədəniyyət və Turizm İdarəsinin rəisi Əlikram Əliyevin əlindən beziblər.
Şikayətçilər vurğulayırlar ki, artıq işləmək mümkün deyil. Onların sözlərinə görə, yüzlərlə müdir və işçi pul yığılması və bu kimi işlərdən beziblər. Ayda 170 manat əmək haqqı alan işçilərdən hər ay plan adı ilə pul tələb olunur ki, bu da hamının canını boğazına yığıb. «Hətta məcbur olub kredit götürməli olmuşuq. Hamını bezdirib bu adam. Kitabxana binaları müxtəlif adlar altında ya bağlanır, ya da satılır. Etiraz edənləri isə işdən çıxarırlar.Özü də məcbur edirlər ki, könüllü şəkildə işdən getdiyinə dair ərizə yazsın».
Edilən şikayətlərə rəğmən onların dərdini dinləyən olmadığını bildirən mədəniyyət işçiləri bu şəkildə davam etməyin mümkün olmadığını söyləyirlər. Onlar qeyd edirlər ki, Əlikram Əliyev ümumiyyətlə, onları saymır və bu səbəbdən də kimsə ilə yaranmış vəziyyətlə bağlı danışmaq fikrində deyil.
Şikayətçilər isə vurğulayırlar ki, əgər bu şəkildə davam edərləsə, onlar etiraz əlaməti olaraq yürüşə çıxacaqlar. Onların sözlərinə görə, hər ay aldıqları əmək haqları ilə uşaqlarını dolandırmaq dərdindəykən, onu Ə.Əliyevə vermək niyyətləri yoxdur.
Geri qayıt