“UNİBANK”A QARŞI ŞOK KREDİT FIRILDAĞI İTTİHAMI
9-07-2013, 14:07
BANK VƏTƏNDAŞLARI BELƏ ALDADIR
DİA.AZ: - Artıq ölkənin hər yerində müxtəlif küçə və rospektlərində, eləcədə qəzet və saytlarda müxtəlif bankların müxtəlif şərtlər altında verdiyi kredit reklam çarxlarına rast gəlmək olar və bu artıq adi bir dəb halını alıb.
Yumurta qiymətinə kredit,pensiyaçılar üçün nəzərdə tutulan kreditlər və s. kredit şərtləri. İlk əvvəl onu bildirək ki, Unibank Azərbaycanda istehlak bazarında süni qiymət aldırılması ilə məşğuldur. Belə ki, Azərbaycanda yumurta qiymətinə kredit verdiyini elan edir. Bir yumurtanın qiymətinə yəni 15 qəpiyə kredit. Bildirək ki, Azərbaycanda yumurtanın qiyməti 15 qəpik yox 9-10 qəpik təşkil edir. Unibankda süni şəkildə yumurtanın qiymətini 15 qəpik göstərməklə yumurta satışı ilə məşğul olanlara şans verir ki, yumurtanın qiymətini qaldırsınlar. Unibankın reklam çarxlarında yumurtanın qiymətinin 15 qəpik göstərməsi ölkə rəhbərliyinin yumurtanın qiymətinin süni şəkildə qaldırılması ilə bağlı məlum çıxışına ziddir. Prezident müşavirələrin birində ymurtanın qiymətinin süni şəkildə qaldıranların cəzalandırılacağını demişdir. Lakin Unibankı bu cür reklam çarxı verdiyinə görə cəzalandırmırlar.
İş bununla bitmir. Unibank tərəfindən əhalinin uzləşdiyi kreditlər haqqında verdiyi yanlış məlumatlar haqqında danışmaq istəyirik.Unibankın zaminsiz, iş yerindən arayış olmadan, aşağı faizlə reklam edib müştəriləri şirnikləndirmək kimi adətləri var. Unibank müxtəlif kredit növləri ilə əhaliyə xidmət göstərir. Lakin vətəndaşlar bu bankın onlara göstərdiyi xidmətdən daha çox zərər çəkirlər. Fikrimizi daha açıq ifadə etsək deyə bilərik ki, Unibank bu məsələdə müştərilərini aldadır. Bu bankdan narazı olanlar DİA.AZ-a məktublar ünvanlayır və bu bankın əhalinin aldadmasının kluminasiya həddinə çatdıqlarını bildirirlər.Bizdə bununla əlaqədar olaraq yaxınlıqdakı Unibankın “Memar Əcəmi”filalına üz tutduq. Unibankın filalında müştəri əlindən tərpənmək olmasa da müştərilərin narazaı halda bankı tərk etməsi diqqətmizi cəlb etdi.Bizdə banka daxil olub elektron növbə tutduq 1165 saylı qəbzi götürüb gözləməyə başaldıq. Bankın daxilində çəkliş aparılmasına icazə verilmədiyindən çəkliş etmədik.Növbəmiz çatanda bank əməliyyatçısına yaxınlaşıb kredit götürmək istəyimizi bildirdik. Bank əməliyyatçısı bizə bildirdi ki, iş yerindən arayış, dövlət işi olmaq şərti ilə 3-4 evin telefon nömrəsi eləcədə 3-4 mobil nömrə və digər sənədlər tələb etdi. Biz bildirdik ki, axı sizin rekalam çarxlarınızda belə deyilmir. Bank əməliyyatçısı isə bildirdi ki,bu sadəcə reklam çarxıdır ki, əhali müraciət etsin. İş yerimizin qəzet və tv olduğunu bildirsək də xeyri olmadı bizdən yalnız dövlət müəssisəsindən arayış istənildi. Özü də yüksək maaş göstərilmək şərti ilə.Biz orada niyə əhalini yalançı reklamlarla aldadırsız deyərək etirazımız bildirdik və həmin an da bankın mühafizəçiləri bizi bankdan uzaqlaşdırıd. Beləcə bizdə reklam çarxı ilə Unibanka müraciət edərək aldadılan digər müştərilər kimi bankı tərk etdik.
Bundan əlavə bankın reklam çarxlarında istənilən yaş təbəqəsi üçün banklar tərəfindən kreditlərin verildiyi izah olunur.
Məsələn götürək elə son vaxtlar pensiyaçılar üçün nəzərdə tutulan kreditləri. Reklam çarxlarında istənilən pensiyaçının bu imkandan yararlanmaq hüququ göstərilir. Amma reklama inanıb kredit almaq üçün banka müraciət edəndə, şərtlərin tam fərqli olduğu aydınlaşır. Əslində bu kredit qocalığa görə deyil, əmək təcrübəsinə görə pensiyaya çıxanlara şamil edilir.Bəs əgər belədirsə, bank niyə reklam çarxında yanlış məlumat yerləşdirir?
Bu gün Unibankın müəyyənləşdirdiyi kredit faizləri yalnız əhalini aldadıb onlardan artıq vəsait almağa hesablanıb. Unibankda kredit götürən müştərinin hüququnu tənzimləyən heç bir normativ sənəd yoxdur.
Bundan başqa əhaliyə kreditlərin verilməsi zamanı bank müştərilərdən komisyon xərci tələb edir. Halbu ki xırda məbləğdə kredit götürənlər deyil böyük məbləğdə pul götürənlərdən komisiyon xərclər alınır. Unibankın bu məbləği kredit alanlardan tələb etməklə banka müraciət edənləri aldatmış olur.Qeyd edək ki, komisyon xərclər beynəlxalq bankçılıqda mövcud olsa da, bu məbləğ yalnız böyük həcmli kreditlər verilərkən alınır. Eyni zamanda bu məbləğ kiçik olur. Məsələn Avropa bankçılığında ən iri komisyon xərci 5 faizdən artıq deyil. Azərbaycanda isə bu 7 faizdir. Əldə etdiyimiz faktlar deməyə əsas verir ki, Unibank əslində əhaliyə xidmət göstərmək üçün deyil, vətəndaşları aldatmaq uğurunda fəaliyyət göstərir.
Qeyd edək ki, Azərbaycanda “Banklar haqqında” qanun var. Amma bu qanun layihəsi Unibankda müştərinin deyil, daha çox bankın mənafeyinə xidmət edir. Unibank haqqında araşdırmalarmız davam edir. Növbəti saylarmızda Unibank haqqında ən ilginc məlumatlar dərc edəcəyik.
Geri qayıt