MİLLİ ŞURADA VAHİD NAMİZƏD MÜZAKİRƏLƏRİ BAŞLADI
21-06-2013, 11:27
İyunun 21-də Müsavat Partiyasının qərargahında Milli Şuranın təsisdən sonrakı ilk sessiyası öz işinə başlayıb.
MŞ təsisçilərdindən “musavat.com”a verilən məlumata görə, gündəlikdə ölkədəki ictimai-siyasi vəziyyəti, Milli Şuranın vəzifələri müzakirəyə çıxarılacaq. Eyni zamanda, MŞ-nin sturukturlaşdırılması məsələsi, komissiyaların təşkili də gündəliyə salınacaq. İlk sessiyada vahid namizəd məsələsinin müzakirə olunması gözlənilir.
***
"Qafqazinfo" xəbər verir ki, şuranı Müsavat Partiyasının başqanı İsa Qəmbər açıq elan edib. İ. Qəmbər bildirib ki, mayın 28-də Cümhuriyyətin 95-ci ildönümü günü Milli Şuranın yaranması bəyan edildi: “7 iyunda Milli Şuranın təsis toplantısı keçirildi. Bu gün Milli Şuranın ilk sessiyası keçirilir. Milli Şuranın yaranması cəmiyyətdə böyük ümidlər doğurur. Gündəlikdə ölkədəki ictimai-siyasi vəziyyət və Milli Şuranın vəzifələri, 2-ci məsələ Milli Şuranın işinin təşkili və üçüncü cari məsələlər müzakirə ediləcək”.
Üç məsələdən ibarət gündəlik səsə qoyulub və əksəriyyət gündəlikdəki məsələləri təsdiq edib.
Geri qayıt