PREZİDENT ADMİNİSTRASİYASINA DOĞRU YÜRÜŞ QƏRARI
12-06-2013, 12:40
FƏHLƏLƏR NARAZILIQ EDİR
Tikinti işlərini həyata keçirən podratçı, pulların yuxarılar tərəfindən yeyildiyini deyir. Fəhlələr isə Prezident Admnistrasiyasına yürüş etməyə hazırlaşırlar
AzTV-də həyata keçirilən tikinti işlərində çalışan fəhlələr üsyana qalxıblar. Bu barədə tia.az saytına orada çalışan fəhlələr məlumat veriblər.
Məlumata görə, fəhlələr 2 aydır ki, AzTV-yə aid tikinti işlərində 2 aydan çoxdur ki, çalışırlar. Fəhlələrin dediyinə görə, işin icraçısı Yavərv adlı şəxs bir müddətdir ki, fəhlələrin gördüyü işlərin pulunu verməkdən boyun qaçırır; “Biz dəfələrlə xəbərdarlıq etsək də, «pulları yuxarılar yeyiblər» deməklə bizi aldıdır. Halbuki biz 15 manatlıq işləri onlar üçün 3 manata görmüşük. Onlardan tələbimiz də həmin 3 manatlarımızı vermələridir”
Fəhlələr deyirlər ki, hər gün sözügedən əraziyə tgəlsələr də bir nəticəsi yoxdur; “Bir gün də AzTV-dən çıxıb, Prezident Admnistrasiyasına yürüş edəcik. Aylardır uşaqlarımıza yemək apara bilmirik. Bəlkə, bizi və ac uşaqlarımızı başa düşən oldu”-deyə fəhlələr əlavə edib.
Geri qayıt