BİR HƏFTƏDƏ 80 NƏFƏR ÖLDÜRÜLÜB
11-12-2011, 12:44
AMERİKANIN ƏFQANISTANI QAN ÇANAĞIDIR
Əfqanıstanın Prezidenti Həmid Kərzai bazar günü bildirib ki, bu həftə ərzində iki terror aktı 80 nəfər insanın həyatına son qoyub. Trend-in məlumatına görə, xəbəri Reuters yayıb.
Bundan əvvəl xəbər verilmişdir ki, Kabul və Mazari-Şərif şəhərlərində baş vermiş partlayışlar 59 insanın həyatına son qoyub.
"Mənim bu səhər aldığım rəqəmlərdə göstərilir ki, 80 nəfər insan həlak olub", - Kərzai bildirib.
İntiharçı-terrorist çərşənbə axşamı Kabulda şiə məsçidlərinin birinin qarşısında özünü partladıb. Digər terror aktı isə Mazari-Şərif şəhərlərində velosipedə birləşdirilmiş bombanın partlaması nəticəsində baş verib. Yaralananların sayı 150 nəfəri ötüb. İkinci terror aktı Aşura mərasimi zamanı baş verib.
Taliban hərəkatı partlayışlarla əlaqəsi olmadığını bəyan edib.
Geri qayıt