BALAKƏNDƏ QƏRİBƏ OLAY
1-05-2013, 10:14
QAÇIRDIĞI MAŞINI ATƏŞƏ VERDİ
Balakən rayon sakini həmkəndlisinə məxsus yük maşınını yandırıb.
Balakən Rayon Polis Şöbəsindən APA-nın Şəki-Zaqatala bürosuna verilən məlumata görə, Balakən rayonu Katex kənd sakini, 1960-cı il təvəllüdlü Xınsov İbrahim Mohma oğlu RPŞ-ya müraciət edərək ona məxsus “QAZel-3302” markalı, 08 BC 360 nişan dövlət nömrəli yük maşınının mayın 1-i saat 01.40 radələrində həmkəndlisi, 1977-ci il təvəllüdlü Qalacayev İsa Uluxan oğlu tərəfindən qaçırıldığını bildirib.
Araşdırma zamanı məlum olub ki, İ. Qalacayev İ. Qınsova məxsus yük maşınını qaçıraraq, 2 saylı orta məktəbin yaxınlığında yandırıb.
Yanğın nəticəsində yük maşını tam yararsız hala düşüb. Keçirilmiş tədbir nəticəsində İ. Qalacayev Balakən RPŞ-nin əməkdaşları tərəfindən saxlanılıb.
Faktla bağlı Balakən RPŞ-də cinayət işi başlanıb, İ. Qalacayevin əməli hansı səbəbdən törətdiyi araşdırılır.
Geri qayıt