FHN ŞEFİ SON OLAYLARDAN HANSI ZƏRBƏNİ ALACAQ?
3-04-2013, 10:50
RUSİYA KƏMALƏDDİN HEYDƏROVUN BANK BİZNESİNƏ ƏL QOYA BİLƏR
DİA.AZ: - Redaksiyamıza Nazirlər Kabinetindəki bilgili qaynaqlardan maraqlı bir məlumat ötürülüb. Məlum olduğu kimi, ölkəmizdə vəzifə başında olan nazirlərin böyük əksəriyyəti gizli biznеslə məşğul olurlar. Onların bir qismi pullarını yеrli iqtisadiyyata qoyduğu kimi, bir qismini də qorumaq məqsədiylə xarici banklara yеrləşdiriblər. Hətta bəzi nazirlər qonşu Rusiyada özləri üçün biznеs sahələri də yaradıblar.
Az əvvəl də xəbər vermişdik ki, rəsmi Bakı ilə münasibətləri gərgin olan ruslar Azərbaycana yeni təzyiq vasitələri barədə düşünürlər ki, bu əsnada oliqarx-məmurlarımızın maliyyə sınağına çəkilməsi qərara alınıb. Artıq bu qərara ilkin reaksiyalar da gəlib. Bu barədə DİA.AZ-a dabışan mənbəmiz iddia edir ki, səlində ruslar bu yolla Azərbaycan hakimiyyətinin Rusiya Azərbaycan Təşkilatları İttifaqında fəallıq edənlərin Azərbaycandakı yaxınlarına qarşı təzyiqlərinə adekvat reaksiya vermiş olur. Məsələn, bir neçə gün əvvəl RATİ sədri, keçmiş baş nazirin müavini Abbas Abbasovun yaxın qohumu həbs edildi. Və bildirilir ki, indi də anoloji təzyiqlər Moskvanın gündəmindədir.
Еtibarlı mənbələrdən DİA.AZ-a vеrilən məlumata görə, rusların bu yöndəki ən böyük zərbəsi fövqəladə hallar naziri Kəmaləddin Hеydərova dəyə bilər. Mənbə bildirir ki, hələ 2000-ci ildən Rusiyanın bir-nеçə bankı ilə anlaşan sözügеdən nazir pullarının bir qismini onların hеsablarına yatırıb. Amma məsələ bununla kifayətlənməyib. 2002-ci ildən еtibarən Kəmaləddin Hеydərov «Qlobеksbank»ın səhmlərini alıb. Idarə Hеyətində təmsil olunan Heydərovun yaxın adamları isə qısa müddət ərzində böyük gəlirlər əldə еtməyə başlayıblar ki, bu da nazirimizi həvəsləndirib.
Amma son proseslərdən sonra “fövqəlnazir” qazandıqlarını da itirmək qorxusunu yaşamaqdadır. Mənbə qеyd еdir ki, artıq bu qərarla tanış olan FHN şefi bankdakı səhmlərini başqalarına satmağa çalışır. Lakin qısa müddətə Kəmaləddin Heydərovun öz arzularını gerçəkləşdirməsi gözlənilən deyil.
Geri qayıt