SEÇKİQABAĞI TƏBLİĞAT KAMPANİYASI BAŞA ÇATDI
29-11-2011, 10:46
SƏSSİZ-SƏMİRSİZ SEÇKİ GEDİR, MAŞALLAH
Bu gün Azərbaycanda bələdiyyələrə təkrar, əlavə və yeni seçkilərlə əlaqədar seçkiqabağı təşviqat kampaniyası başa çatıb.
APA-nın məlumatına görə, bu seçkilərdə ölkədə siyasi partiya və ya blok qeydə alınmadığından, təşviqat yalnız qeydə alınmış namizədlər tərəfindən aparılıb.
Seçki qanunvericiliyinə uyğun olaraq, noyabrın 7-si saat 08.00-da başlamış təşviqat kampaniyası 21 gün davam edib və bu səhər saat 08.00-da yekunlaşıb.
Qeyd edək ki, noyabrın 30-na təyin olunmuş seçkilər 86 seçki dairəsi və 330 bələdiyyə üzrə 464 yerə keçiriləcək. Bələdiyyə üzvlüyünə ümumilikdə 1567 namizəd qeydə alınıb. 16 nəfər namizədliyini geri götürüb, daha 2 nəfər vəfat edib. Bununla, bələdiyyə üzvlüyünə namizədlərin yekun sayı 1549 olub.
Seçki dairələri üzrə 9863, MSK-da isə 40 nəfər müşahidəçi kimi qeydiyyatdan keçib.
Qeydiyyatdan keçən müşahidəçilərin ümumi sayı 9903 nəfərdir.
Azərbaycanda sonuncu bələdiyyə seçkisi 2009-cu il dekabrın 23-də keçirilib.
Geri qayıt