“BEKO” AZƏRBAYCANDAN QOVULACAQMI?
28-11-2011, 12:43
SƏFİR BİLDİRİR Kİ, BU, TÜRKİYƏNİN RƏSMİ MÖVQEYİ DEYİL
"Beko" şirkətinin Xankəndidə məhsullarını satması Türkiyənin rəsmi mövqeyinin göstəricisi deyil. Trend-in məlumatına görə, bunu bazar ertəsi jurnalistlərə açıqlamasında Türkiyənin Azərbaycandakı səfiri Hulusi Kılıç deyib.
"Beko"nun məhsulları dünyanın çox nöqtələrində satılır. Türkiyənin Dağlıq Qarabağ münaqişəsi ilə bağlı mövqeyi bəllidir. Biz həmişə Azərbaycanın tərəfində olmuşuq", - səfir bildirib.
Türkiyəyə məxsus "Beko" məişət avadanlıqları şirkətinin Azərbaycanın işğal olunmuş ərazilərində filial açması ilə bağlı məlumat yayılmışdı. Ermənilərə məxsus və "Beko" ticarət İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.
markasının Ermənistanda rəsmi saytı olan beko.am portalına əsasən, "Beko"nu düşmən ölkədə ED-SPO MMC təmsil edir. Adıçəkilən MMC-nin Ermənistan üzrə 12 mağaza şəbəkəsinin olduğu və 13-cü nümayəndəliyinin Xankəndidə yerləşdiyi bildirilir.
Geri qayıt