RAFİQ TAĞI DİNDİRİLDİ
21-11-2011, 13:07
TANINMIŞ YAZIÇI HƏLƏ DƏ REANİMASİYADA SAXLANILIR
Prokurorluq orqanlarının əməkdaşları yazıçı Rafiq Tağını dindiriblər.
Rafiq Tağı noyabrın 19-da sui-qəsdə məruz qalıb. Axşam evdən işə gedəndə ona hücum çəkən naməlum adamlar yazıçıya 6 bıçaq zərbəsi vurublar. Hadisə Bakıda, “Şərq” bazarının yaxınlığında baş verib. Yazıçı paytaxtın 1 saylı xəstəxanasında əməliyyat olunub.
Noyabrın 21-də Rafiq Tağının qardaşı “Media forum” saytına bildirib ki, prokurorluq əməkdaşları dindirməni noyabrın 20-də xəstəxanada aparıblar. Rafiq Tağı hələ də reanimasiya şöbəsindədir.
Qardaşının sözlərinə görə, yazıçının huşu özündədir, ancaq hələ yaxınlarını onun yanına buraxmırlar: “Həkimlər deyirlər ki, vəziyyəti sabitləşməyə doğru gedir”.
Sui-qəsdin motivi haqda hələ ki, heç bir məlumat, rəsmi versiya yoxdur.
Geri qayıt