MÜĞƏNNİMİZDƏN QƏRİBƏ 2013 PLANI
5-01-2013, 11:58
LALƏ MƏMMƏDOVA YENƏ ANA OLMAQ İSTƏYİR
Müğənni Lalə Məmmədova 2013-cü ildə pərəstişkarlarına yeni layihələr təqdim etməyə hazırlaşır.
Milli.Az xəbər verir ki, sənətçi builki planlarından söz açıb:
“Bu həftə “Yağış” adlı mahnımın klip çəkilişlərinə başlayacağıq. Başım elmi işə qarışıb deyə, yaradıcılığa bir müddət ara vermişdim. Mahnı Teatrında solo konsertə hazırlaşıram. Çoxlu yeni mahnılarım var. Hamısını toplayıb albom da hazırlayacağam”, - söyləyən Lalə Məmmədova ikinci dəfə ana olmaq istəyini deyib:
“Hamı mənə bu sualı verir. Xoşbəxt ailəm var. Əgər qismət olsa, əbəttə, bu il ikinci dəfə ana olmaq niyyətindəyəm”.
Lalə Məmmədova onu da bildirdi ki, bu il daha bir böyük layihə hazırlayır. Bu, tarixi mövzuda çəkiləcək klipdir:
“Klip böyük maliyyə tələb edir. Bir çox yerlərə müraciət etmişik. Türkdilli xalqlarla işbirliyimiz olacaq. Klip təqdimatında səfirliklərin nümayəndələri, alimlər iştirak edəcək”.
Geri qayıt