FARS MƏTBUATI 31 DEKABRDA DA SUSMADI
1-01-2013, 14:15
MOLLA MİRZƏLƏRİNİ QICIQLANDIRAN HƏMRƏYLİYİMİZ
DİA.AZ: - Fars-molla rejiminin Azərbaycan dövlətinə və Azərbaycan türkünə olan düşmən münasibəti hər kəsə bəllidir. Elə bunun nəticəsidir ki, İranın xüsusi xidmət orqanları tərəfindən yönəldilən xəbər portallarında son günlər bir canlanma müşahidə olunur - təbii ki, Azərbaycan türkünün milli dövlətçilik maraqlarının hədəfə alınması yönündə…
31 Dekabr - Dünya Azərbaycanlılarının Həmrəyliyi Günü ilə bağlı bir təlimat alan mola mətbuatının həm İrandan yönəldilən və həm də Bakıda fəaliyyət göstərən nümunələrində son bir neçə gündə milli qüvvələrə qarşı bir kampaniya aparılır. Hətta hədəfində Azərbaycanın bütövlüyü ideyası olan bir sıra gənclər təşkilatları isə «geylərin hüquqlarının müdafiəçisi» kimi təqdim olunaraq təhqir də edilir.
DİA.AZ bildirir ki, «AranNews» portalında isə beynəlxalq münasibətlər üzrə ekspert kimi təqdim olunan Hamid Gülüstani adlı bir şəxsin müəllifliyə ilə absurd bir ideyanı təbliğ edən material yerləşdirilib. Guya ki, xoş məramla yazılan həmin materialda Azərbaycan türkünün tarixi keçmişinin və bu gününün necə hədəfə alındığına sizlər də şahidlik edin:
«Tarixə ötəri də olsa nəzər salsaq aydın görərik ki, Azərbaycan xalqı özünün seçilən xüsisiyyətləri ilə yanaşı digər daha önəmli bir xüsusiyyəti də vardır və onu "Yovmullah (İlahi gün) yaradanlıq" ünvanı ilə araşdırmaq olar. Sözsüz ki, Şah İsmayıl Səfəvi şiəliyi İranın rəsmi məzhəbi elan edəndə, Təbriz əhalisinin məşrutiyyə hərəkatınıda, siqətul-islam Şeyx Məhəmməd Xiyabani, Səttarxan, Baqirxan kimi qəhrəmanlarının rəhbərliyi ilə zülmün qarşısında müqavimət göstərəndə, yaxud 1356-cı ilin 29 Bəhmən qiyamını yaradanda həqiqətdə tarixdə öz əsərini qoyur və "yovmullah" yaradırdılar ki, gələcək üçün hidayət çırağı olsun.
İnqilabın Böyük Rəhbəri bir kəlamında buyurur: "İlin günləri təbii olaraq və öz-özlüyündə bir-birilə bərabərdir. İnsanlar, iradələr, mücahidətliklərdir ki, günlərin arasından bir günü seçir və onu bir bayraq kimi saxlayır ki, başqaları üçün hidayət olsun".
8 dey də Təbriz xalqının digər günlər arasından seçdiyi və İran xalqının "9 Dey" yovmullahını yaratmaları üçün zəminə yaratdığı günlərdəndir. Bu günün vasityəsilə İslam və İranın qədim düşmənlərini tamahlandıran fitnə şişinin məhv edildi.
Təbriz əhalisinin 1388-ci ilin 8 dey (2009/12/29) yovmullah hərəkatı müxtəlif aspektlərdən diqqəti çəkən olsa da, bu müxtəsər yazıda onun İranın qonşu ölkəsində "Dünya Azərbaycanlılarının Həmrəylik Günü" adlanan 31 dekabra yaxın olmasını nəzərə alaraq bu hərəkatın transmilli nəticələrini araşdırılır.
88-ci ilin fitnə hərəkatının Azərbaycana mənsub olan rəhbərinin ümidlərindən biri də bu idi ki, Azərbaycan xalqı, əsasən də Təbriz əhalisi bu mənsubiyyətə xatir fitnələrdə olnula birgə olacaq. Bu fikir müxtəlif transmilli media tərəfindən də gücləndirilirdi və İranın şimal qonşusunun anti-İran və dövlət təhlilçiləri ABŞ və İngilis kimi anti-İran beynəlxalq məlumat xidməti kanallarından da irəlidə gedirdilər. Düşmənçilik onun ayrılmaz proqramlarından olanlar fitnə dövründə öz anti-İran proqramlarının iki mövzu üzərində kökləmişdilər: birincisi, Azərbaycan Respublikasının müsəlman xalqına və özlərinin digər izləyicilərinə çatdırmaq istəyirdi ki, İranda dini hökumətin ömrü sona yetibdir və dinin uzunmüddətli hökumət etməsinə gücü yoxdur; ikincisi, belə göstərməyə çalışırdılar ki, Azərbaycanın İrandan ayrılması və "Bütöv Azərbaycan" yaranması üçün şərait yaranmışdır. Əlbəttə, bu iki mövzu üçün çoxlu xərclər çəkdilər və əməli hərəkətlər həyata keçirdilər. Lakin, bunları şərh etmək mövzumuzdan xaricdir.
Belə bir siyasi durumda o vaxta qədər fitnə rəhbərlərinə heç bir üz və dəstək verməyən Təbriz əhalisi fitnə tərəfdarlarının Aşuraya hörmətsizliyi nəticəsində aşuralı oldular, özlərinin daxildən qaynaqlanan bir hərəkətləri ilə küçələrə çıxdılar və bir daha olaraq tarixi "yovmullah"dakı vəzifələrinin mümkün olan ən yüksək səviyyədə icra etdilər və göstərdilər ki, Arazın şimalında millətçilik təbili çalanların iddialarının əksinə olaraq, onlar belə məsələlərə əhəmiyyət vermirlər və onlar üçün məzhəbi şüarların, İslam hökumətinin qorunması ən öndə duran mövzudur. Təbriz xalqı bu hərəkətları ilə "8 Dey"i Azərbaycan tarixində əbədiləşdirməkdən əlavə, bütün İran xalqının vasitəsilə "9 Dey" qəhrəmanlığının formalaşmasına səbəb oldular.
Təbriz əhalisinin inqilabi hərəkatından sonra həm fitnə başçıları Azərbaycandan ümidlərini üzdülər, həm də anti-İran medianın millətçiliyi təbliğ edən təhlilçiləri Azərbaycan barədə səhv etdiklərini başa düşdülər. Əlbəttə, yeri var idi ki, Təbriz və Azərbaycan xalqının İslam və İrana bağlılığı hayqırdığı "8 Dey" yovmullahından sonra sionistlərə bağlı olmasında şəkk olmayan Azərbaycanın millətçi media və dairələri öz siyasətlərini Azərbaycanın tarixi xalqına qarşı siyasətlərini azca da olsa dəyişsinlər. Lakin, onlar hələ də özlərinin təbir edilməz illüziyalarında seyrdədirlər. 31 dekabr astanasında olduğumuz günlərdə dırnaqarası "Dünya Azərbaycanlıları Konqresi" və "Azərbaycan Respublikasının Diasporla iş üzrə Dövlət Komitəsi" kimi dairələrin xəyalları öz yüksək həddinə çatmışdır və 5 dekabrda keçirilən anti-İran toplantısı və bəzi fərari əksinqilabçıların Bakıya dəvət olunması bu mövzunun əlamətlərindən hesab olunur.
31 dekabr Azərbaycan Respublikasında "Dünya Azərbaycanlılarının Həmrəylik Günü" adi ilə rəsmi tətil və bayram günü elan edilmişdir.
1989-cu ildə kommunistlərin hakimiyyəti altında xarici dünya və öz həmvətənləri ilə əlaqələrdən məhrum olmuş Naxçıvan Muxtar Respublikasının xalqı ayağa qalxdılar və İrana tərəf hərəkət etdilər. Onlar, Azərbaycan xalqını İrandan ayıran sərhəd qalalarını və tikanlı məftilləri qıraraq "Allahu Əkbər" fəryadları ilə özlərini kükrəyən Araz çayına vurdular ki, İrana birləşsinlər. Lakin, kommunistlər bunun qarşısını almaq üçün zora əl atdılar və Azərbaycan xalqına qarşı qırğın törətdilər. Bir qırğın ki, İran və Azərbaycan xalqlarının ürəyini parçaladı. O zamanlar İran vadar edildiyi müharibədən təzə qurtarmışdı və sözsüz sovet ittifaqı da azərbaycanlıların birləşmək haqqındakı istəklərini qəbul etməyə çalışan İranın hərəkətlərinə dözməzdi. Ona görə də azərbaycanlılar İranın onlara hədiyyə etdiyi Qurani-kərim kitabı ilə Arazın şimalına qaytmağa məcbur oldular.
Bu tarixi hadisə Naxçıvan xalqının öz tarixi və dini keçmişlərinə bağlı olmalarını göstərdi, lakin Azərbaycan Respublikasında millətçilik baxışları sayəsində təhrif edildi. İlk dəfə o vaxt Naxçıvan Muxtar Respublikasının Milli Məclisinin sədri olan Heydər Əliyevin təşəbbüsü ilə 1990-cı il 16 dekabrda MR-nın ali şurası bu barədə qanun qəbul etdi və 31 dekabrı "Dünya Azərbaycanlılarının Həmrəylik Günü" elan etdi. Sonralar da Azərbaycan Respublikasının ali şurası Naxçıvan MR kimi bu barədə qanun qəbul etdi. Bununla da 1991-ci ildən bəri Azərbaycanda hər il 31 dekabrı bayram və "Dünya Azərbaycanlılarının Həmrəylik Günü" kimi qeyd edirlər. Bu hərəkatda İran əleyhinə çıxışlar və hərəkətlər olur, İranın daxili işlərinə dəxalət əlamətləri olan ismarıclar verilir. Əlbəttə, bunların hamısı həm Azərbaycanın İrana elan etdiyi siyasətlə uyğun gəlmir, həm də İranın azəri xalqına qarşı çox böyük təhqir və hörmətsizlikdir.
Belə nəzərə gəlir ki, İran və Azərbaycan arasında bir dövr gərgin münasibətindən sonra iki qonşu ölkə öz aralarındakı münasibətlərinin hərtərəfli genişləndirməsinə ciddi iradə etdiklərini bildirdikləri bir durumda 31 dekabr birgə olaraq İran və Azərbaycan Respublikası təqvimlərində iki ölkə xalqının həmrəylik günü kimi qeyd edilməsi daha münasib olar. Bununla da birincisi, Azərbaycan Respublikasının bəzi anti-İran dairələrinin – adətən, Azərbaycan hökuməti də bu dairələrə qarşıdır – sui-istifadələri aradan qalxar, ikincisi isə İran-Azərbaycan münasibətlərinin hərtərəfli inkişafında əməli addım atılmış olar».
Geri qayıt