SURİYADA QAN SU YERİNƏ AXIR
15-11-2011, 11:04
ÖLƏNLƏRİN SAYI 51 NƏFƏRƏ ÇATIB
Ötən gün ərzində Suriyada etiraz aksiyalarının iştirakçıları ilə təhlükəsizlik qüvvələri arasındakı toqquşmalarda 51 nəfər həlak olub. Bu barədə "Əl-Cəzirə" telekanalı məlumat verib.
Suriyalı fəalların sözlərinə görə, ölkənin cənubunda hərbiçilərlə müxalifət tərəfdarları arasında toqquşmalar baş verib. Bu məlumatlara görə, bu zaman 20-yə yaxın hərbi qulluqçu həlak olub.
Suriyada 8 aydır ki, hökumət əleyhinə aksiyalar davam edir. Aksiyalar ilk dəfə mart ayının ortalarında ölkənin cənubundakı Dəra şəhərində başlayıb, sonra regionun digər şəhərlərinə keçib. BMT-nin məlumatına görə, həlak olanların sayı 3,5 min nəfəri ötüb. Suriya hakimiyyəti isə hər iki tərəfdən 1,5 mindən artıq adamın, o cümlədən 1,1 min nəfərdən çox güc strukturları əməkdaşlarının həlak olduğunu bəyan edir.
Geri qayıt