BAKIDA GECƏ KLUBU YANDI
13-11-2011, 11:55
YANĞIN SƏHƏR SAATLARINDAN BAŞLAYIB
Hadisə Rəşid Behbudov küçəsində qeydə alınıb.
Bakı şəhəri Nəsimi rayonu ərazisində gecə klublarının birində yanğın baş verib. Yanğın səhər saat 09:00 radələrində başlayıb. Dövlət Yanğından Mühafizə Xidmətindən Anspress-ə verilən məlumata görə, adıçəkilən ünvandakı yeraltı obyetlərin birindəki yanğınla mübarizə üçün hadisə yerinə 3 yanğınsöndürən maşın yollanıb. Verilən məlumata görə, hazırda yanğının söndürülməsi davam edir.
Qeyd edək ki, yanğın zamanı xəsarət olub-olmaması barədə məlumat verilmir. Hadisənin baş vermə səbəbi isə, yanğın tamamilə söndürüldükdən sonra məlum olacaq.
Geri qayıt