HƏRBİ POLİQONDAN MAGİSTRAL YOLA ATƏŞ AÇILDI
7-11-2012, 11:08
ŞAMAXININ CƏNGİ KƏNDİ ƏRAZİSİNDƏKİ İNSİDENT VAHİMƏ YARADIB
DİA.AZ: - Redaksiyamıza Şamaxı sakinlərinin bildirdiyinə görə, bu gün səhər saatlarında Şamaxı rayonunun Cəngi kəndi yaxınlığında yerləşən hərbi poliqonda yaranmış insident yerli sakinləri vahiməyə salıb.
Məlumatı DİA.AZ-a verən mənbə bildirir ki, hərbi poliqonda təlim zamanı atılan tank mərmisi yanlışlıqla Bakı-Şamaxı yolunun Cəngi kəndi ərazisindəki hissəsinə düşüb: «Heç bir tələfat olmasa da, atılan mərminin döyüş qabiliyyətli olması səbəbindən dağıntı baş veri. Hazırda sözügedən istiqamətdə yollar bağlanıb və hüquq-mühafizə orqanları tərəfindən nəzarətə götürülüb».
Mənbəmiz bildirir ki, yerli sakinlər nəyin baş verməsindən xəbərsiz olduqlarından təlaş keçiriblər.
Geri qayıt