İTİN DOSTU İT OLAR
9-11-2011, 14:48
İRAN ERMƏNİSTANA VİZA REJİMİNİ LƏĞV EDİR
“İran Ermənistanla əməkdaşlığı yüksək qiymətləndirir və onun genişlənməsi istiqamətində fəaliyyət göstərir. Bu istiqamətdə əsas addımlardan biri viza rejiminin ləğvidir”, - İranın xarici işlər naziri Əli Əkbər Salehi noyabrın 8-də Yerevanda brifinqdə bildirib.
Salehinin sözlərinə görə, Ermənistan regionda böyük rol oynayır. “Ərazisinin kiçik olmasına baxmayaraq, Ermənistan regionda sülhün və sabitliyin təminatında böyük rol oynayır. Məhz sabitlik bizim xalqların çiçəklənməsinin rəhnidir”, - nazir vurğulayıb.
Ermənistanla yaxşı münasibətlərin daha bir sübutu bu ölkəyə gələn iranlı turistlərin sayı barədə statistik göstəricidir – son ildə 100 min nəfər.
“Ümidvarıq ki, yaxın gələcəkdə bu rəqəm milyona qədər artacaq”, - Salehi qeyd edib.
İranlı nazir Ermənistana səfər çərçivəsində prezident Serj Sarkisyanla görüşüb. Tərəflər İran prezidenti Mahmud Əhmədinecatın Ermənistana qarşıdakı səfərinin detallarını müzakirə ediblər.
Yerevandakı mənbələrin məlumatına görə, tərəflər İran-Ermənistan dəmir yolu layihəsinin reallaşması imkanlarını yenidən müzakirə edəcəklər.
Geri qayıt