BAKIDA AĞIR YOL QƏZASI
1-10-2012, 10:27
PİYADANI VURDU VƏ AĞACA ÇIRPILDI
Bu gün səhər saatlarında Bakıda, Gürcüstan səfirliyinin yaxınlığında, Teymur Əliyev keçəsi, 96 ünvanında 55-60 yaşlı kişi "Toyota" markalı minik avtomobili ilə vurulub.
Trend-in hadisə yerində olan əməkdaşının verdiyi məlumata görə, yüksək sürətlə hərəkət edən 90 GH 434 dövlət nömrə nişanlı "Toyota" markalı minik avtomobili yolu keçən piyadanı vurub, sonra idarəetməni itirərək yolun kənarındakı ağaca çırpılıb.
Qəzanı törədən sürücünün hadisə yerindən qaçdığı bildirilir.
Piyada ağır bədən xəsarəti alıb və Kliniki Tibbi Mərkəzə çatdırılıb. Mərkəzdən Trend-ə bildirilib ki, xəsarət alan piyadanın şəxsiyyəti hələlik müəyyən olunmayıb. Onun vəziyyətinin ağır olduğu bildirilir.
Geri qayıt