Mikayıl Cabbarov son maaş artımından necə manipulyasiya edir və nəyə nail olmaq istəyir
21-01-2015, 09:23
DİA.AZ: - Redaksiyamıza Sumqayıt müəllimləri adından bir müraciət daxil olub. DİA.AZ olaraq həmin müraciəti təqdim edirik:
“Nazir vəzifəsinə təyin olunduqdan sonra təhsil sisitemində heç bir islahat apara bilməyən Mikayıl Cabbarov ictimaiətdə özü haqqında yarana biləcək mənfi fikirlərin qarşısını almaq məqsədi ilə yenidən fənd işlədərək ölkə başçısı Cənab Prezident İlham Əliyevə 2015-ci ilin yanvarın 16-da bilik və bacarıqlarının diaqnostik qiymətləndirilməsi aparılan müəllimlərin dərs yükü normasının və vəzifə maaşlarının aratırılması barədə sərancamın imzalanmasına nail olmuşdur. İlk baxışda baxdıqda bu təhsil sisitemində müsbət dəyişikliyin baş verməsindən xəbər verir. Əslində bu heç də belə deyildir. Belə ki, ümumtəhsil məktəblərinin müəllimləri bu sərəncam imzalananadək həftədə 12 saat dərs deməklə bir “stavka” üzrə orta hesabla 120-170 manat, 18 saat dərs demeklə 1,5 “stavka” üzrə orta hesabla 180-255 manat və 24 saat dərs deməklə 2 “stavka” üzrə orta hesabla 240-340 manat əməkhaqqı alırdılar.
Lakin bu sərəncam qüvvəyə mindikdən sonra əslində müəllimin yerinə yetirdiyi işin həcmi 50% artaraq yəni 1 “stavka” üzrə dərs yükü 12 saat yerinə 18 saat, 1,5 “stavka” dərs yükü üzrə 18 saat əvəzinə 27 saat, 2 “stavka” dərs yükü üzrə isə 24 saat əvəzinə 36 saat olmuşdur. Digər tərəfdən baxdıqda sərəncamın məzmunundakı artım məsələsi bir tərəfdən pozitiv olduğu halda digər tərəfdən neqativdir. Neqativ hissəsi ondan ibarətdir ki, müəllimin 1 “stavka” dərs yükünün 1,5 dəfə artması əslində onun yerinə yetirdiyi işin həcminin 1,5 dəfə artması deməkdir. Onun işinin həcminin 1,5 dəfə artması sonucda müvafiq yüklə dərs aparan müəllimin əməkhaqqının 2 dəfə deyil 50% artımı deməkdir. Burda cənab nazir şahmat dilində desək ictimaiəti ustalıqla etdiyi xodla çaş-baş salmışdır. Yaxşı olardı ki, bu sərəncam təhsil işçilərinə bu formada deyil gerçək olduğu formada təqdim olunaydı.
Bu sərəmcandan sonra müəllim 1 “stavka” üzrə həftədə 6 saat, 1,5 “stavka” üzrə həftədə 9 saat və 2 “stavka” üzrə isə həftədə 12 saat artıq işləməli olacaqdır. Belə olduğu təqdirdə əslində müəllimin maaşı onun yeni həftəlik dərs yükü ilə götürdükdə əməkhaqqı 2 dəfə yox 50% artacaqdır. Yəni bu gün çalişan müəllim hazırkı dərs yükü ilə əməkhaqqısının orta hesabla 50% artamsına nail ola biləcəkdir. Müəllimlərin əməkhaqqısı 50% -də olsa belə artsa, biz təhsil işçiləri ölkə başçısı cənab İlham Əliyevə öz dərin təşəkkürümüzü bildiririk. Eyni zamanda biz müəllimlərin həftəlik işinin həcminin 50% artırılmasına baxmayaraq əməkhaqqımızın 50% artırılmasını ölkə başçısının müəllimlərə olan yüksək qayğı və diqqəti kimi qəbul edirik. Mikayıl Cabbarovun KİV-lərə verdiyi müsahibələrə görə bu sərəncam 160 minlik müəllim ordusunun yalnız Bakı şəhərindəki 30 minini əhatə edəcəkdir.
Bəs sual olunur : Nədən Təhsil Nazirliyi Respublikada çalışan bütün müəllimlərin diaqnostik qiymətləndirməsini apara bilməməişdir? Əgər buna Təhsil Nazirliyinin aparatının gücü yetmirsə o zaman Respublikamızda Prezident yanında Tələbə Qəbulu üzrə Dövlət Komissiyası fəaliyyət göstərir və həmin komissiyanın yardımı ilə qısa bir zaman ərzində bu işi başa çatdırmaq olardı. Təcrübə göstəriri ki, TQDK-ı respublikamızda fəaliyyət göstərən bir sıra dövlət orqanlarının işçilərinin qiymətləndirilməsi işlərini çox müvəffəqiyyətlə həyata keçirmiş və vaxtaşırı olaraq bu iş həmin komissiya tərəfindən davam etdirilir. Eyni zamanda təbii olaraq bele bir sual da ortaya çıxır: Əgər respublikamızda çalışan 160 min nəfər müəllimin bilik və bacarıqlarının diaqnostik qiymətləndirilməsini apara bilməyən bir Nazirlik necə olurdu ki bütövlükdə respublika təhsil sisteminin birbaşa idarə olunmasını və respublika təhsil sisiteminin büdcə xərclərinin iadrə olunmasını öz üzərinə götürürdü.
Daha bir sualda meydana çıxır Nə üçün 2015-ci ilin yanvarın 1-dən Bakı şəhərində çalışan müəllimlər əməkhaqqını artımla almalıdır, lakin Gəncə, Naxçıvan, Sumqayıt, Mingəçevir, Lənkəran Şəki Şirvan və s... digər bu kimi şəhər və rayon ümumtəhsil məktəblərin müəllimləri əməkhaqqlarını artımsız almalıdırlar. Bu da kurikulum islahatı deyil ki, pillə-pillə bunu tətbiq edəsən, söhbət müəllimin maddı vəziyyətindən rifahından gedir.Fikrimizcə bu müəllimlər arasında ayrı-seçkiliyə gətirib çıxardır. Bu məsələdə yanşma hamıya eyni cür olmalıdır.
Gəncədə, Naxçıvanda, Sumqayıtda, Mingəçevirdə, Lənkəranda, Şəkidə, Şirvanda, Bərdədə və s... bu kimi şəhər\rayonlarda çalışan müəllimlərin günahı nədir ki, Mikayıl Cabbarov diaqnostik qiymətləndirmə aparmadığına görə ölkə başçısının sərəncamı onlara şamil olunmasın. Mikayıl Cabbarovun gördüyü bu səriştəsiz tələsik və qeyri-peşəkar işlər əhalinin dövlət başçısından süni şəkildə narazı salır. Hazırda biz İnformasiya Texnologiyalarının tətbiq edildiyi bir dövrdə yaşayırıq. Dövlət büdcəsindən 10 milyonlarla manat vəsait Təhsil Nazirliyinə İKT-nin tətbiqi ilə bağlı ayrılır. Əgər nazir Mikayıl Cabbarov istəsə bir gün ərzində respublikada çalışan müəllimlərin bilik və bacarıqlarının qiymətləndirilməsini online vasitəsi ilə həyata keçirə bilər. Əgər o bunu etmək istəmirsə deməli bunun arxasında müəyyən məqsəd güdür. (Biz müəllimlərin KİV-lərdən aldığımız məlumatlara görə dövlət büdcəsindən ayrılan digər vəsaitlər kimi Təhsil Nazirliyinə İKT proqramı ilə bağlı ayrılan büdcə xərclərinin də 60% Təhsil Naziri Mikayıl Cabbarov və onun müavini Maliyyə nazirinin müavini Azər Bayramovun qardaşı Ceyhun Bayramov tərəfindən ortaq şəkildə mənimsənilir). Çox güman ki, bu məqsəd Təhsil Nazirliyinin rayonlarda rüşvət maşının qoyulacağından xəbər verir. Bakı şəhəri paytaxt olduğundan məsələnin üstü tezliklə açıla biləcəyindən ehtiyatlanaraq cənab nazir gözdən uzaq könüldən iraq prinsipləri ilə paytaxtadan kənar şəhər və rayonlarda özünün dediyi kimi “sistem, taktika və texnika” tətbiq etməklə bacarıqla bu işin öhdəsindən gəlməyə nail olacaqdır.
Nazir Mikayıl Cabbarov çıxışlarında bildirir ki, dövlət başçısı bu imzaladığı sərəncamla insan kapitalının inkişafına yönəlmiş cəsarətli bir addım atmışdır.Çox maraqlıdır insanların maddi rifanının yaxşılaşmasına yönəlmiş addım görəsən nə vaxtdan insan kapitalının inkişafına yönəlmiş addım kimi qəbul olunur.
KİV-lərə verdiyi müsahibələrdə Mikayıl Cabbarov çox böyük fərəhlə və sevinclə ümumtəhsil məktəblərinə müəllimlərin qəbulu işinin yüksək səviyyədə təşkil olunduğundan bəhs edir. Bu zaman müəllimlərin elektron müraciətlərin və elektron qaydada imtahanların verilməsinin təşkilindən söhbət açır. O zaman əgər bu etibarlı, düzgün başqa və kənar güclərin təsirindən qorunan bir sisitemdirsə bu zaman müəllimlərin bilik və bacarıqlarının da bu vasitə ilə diaqnostik qiymətləndirilməsini təmin etsin.
Bundan başqa nazir çıxışlarında bildirmişdirk ki, diaqnostik qiyətləndirmə aparılan təhsil müəssislərində müəllim-şagird nisnəti 1:12 dək artıb və bunuda çox sevindirici hal kimi qeyd edir. Söhbət Bakı şəhərindəki təhsil müəssisələrindən getdiyindən burda sevinməyə heç bir əsas yoxdur. Hər kəsə çox aydındır ki, Bakı şəhərində fəaliyyət göstərən ümum təhsil məktəblərində şagird sıxlığı respublikanın digər şəhər və rayon təhsil məssislərindən çox yüksəkdir. Cənab nazir bu fikrini nəqliyyat, gömrük, aqrar və bu kimi digər sahələrdə çalışan işçilərin qarşısında desə pafoslu alına bilər. Ancaq təhsil ictimaiəti çox yaxşı bilir ki, Bakı şəhərində yerləşən ümumtəhsil məktəblərində siniflər üzrə şagirdlərin sıxlığı qüvvədə olan normativlərin maksimum həddindədir. O maksimum hədddini aşmaq üçün qüvvədə olan normativləri o zaman dəyişməlidir. Bakı şəhəri üzrə bu nisbət uzun illər boyu həmişə yüksək həddə olub. Yəni bu məsələdə öyünməyə dəyməz.
Artıq Mikayıl Cabbarov Təhsil Naziri vəzifəsində çalışdığı 1il 9 ay ərzində bu cür tələm tələsik nəticəsi əvvəlcədən bəlli olmayan, heç bir hesablama və əsaslandırılmalara söykənməyən qərar və sərancamların hazırlanıb ölkə başçısı tərəfindən imzalanmasına bir növü alışmışdır. Bu ilk növbədə bir keçmiş Dövlət Qoruğunun müdiri kimi siyasətçi olmadığına həmçinin bunula yanaşı ətrafında və komandasında qabaqcıl pedaqoqolların təhsil sahəsini mükəmməl bilən hüquqşünasların, iqtisadçıların və ekspertlərin olmamasına sübutdur. Atalar demişkən: Dad yarımçıq əlindən.
Elə ona görə də Mikayıl Cabbarov tərəfindən respublikamızın ayrı-ayrı zonalarında Regional Təhsil İdarələrinin yaradılamsı ilə bağlı hazırlanmış sərəncam da bu qəbildən olan qeyri-peşəkar tələsik düşünülməmiş layihələrdən biri idi ki, həmin sərəncamın tətbiqi dayandırıldı və bu barədə nazir Mikayıl Cabbarov fikir bildirərəkən həmin Regional Təhsil İdarələrinin yaradılamsının mümkün olmamasını, dövlət büdcəsində bu məqsədlə vəsaitin nəzərdə tutulmadığını bəhanə kimi göstərmişdir.
Biz təhsil işçiləri çox əndişəliyik ki, yaxın günlərdə bundan əvvəl oldğu kimi bu sərancamında tətbiqinin dayandırılması gözləniləndir.
Saytınız vasitəsi ilə ölkə başçısı cənab İlham Əliyevə müraciət edərək xahiş edirik ki, bizi Təhsil naziri Mikayıl Cabbarovun bəd və düşünülməmiş əməllərindən qorusun və ölkə başçısından yenədə xahiş edirk ki, Mikayıl Cabbarov və onun komandasının respublikamızın rayon və şəhərlərində bu sərəncamın tətbiqi ilə bağlı rüşvət sistemi taktikası və texnikasını özündə birləşdirən mexanizmin qurulmasına imkan verilməsin”.
Qarşı tərəfi də dinləməyə hazırıq...
Geri qayıt