Naxçıvan Təhsil Nazirliyinin QAÇARAQ CAVABI VƏ...
2-05-2023, 08:01
DİA.AZ: - Bir neçə gündür ki, DİA.AZ olaraq Naxçıvan təhsili ilə bağlı redaksiyamızın əldə etdiyi bilgiləri paylaşırıq.
İLK ƏLAQƏDAR YAZI BURADA: Ağlar günə qalan NAXÇIVAN TƏHSİLİ... - İLGİNC FAKTLAR AÇIQLANDI
Qeyd edək ki, yuxarıda linkdə göstərilən yazıya dərhal Naxçıvan Muxtar Respublikası Təhsil Nazirliyinin mətbuat xidməti tərəfindən münasibət bildirildi.
ƏLAQƏDAR YAZI BURADA: Naxçıvan təhsil nazirliyi İDDİALARA BELƏ REAKSİYA VERDİ - "Səsələnən iddialar..."
***
Onu da qeyd edək ki, Naxçıvan Muxtar Muxtar Respublikası Təsil Nazirliyinin yuxarıda qeyd olunan qaçaraq və absurd cavabı ilə bağlı MR-dəki qaynaqlardan DİA.AZ-a izahat xarakterli açıqlama göndərilib. Mötəbər mənbə yazır:
1."Hörmətli DİA.AZ saytı, sizin 26 aprel 2023-cü il tarixli “Ağlar günə qalan NAXÇIVAN TƏHSİLİ... - İLGİNC FAKTLAR AÇIQLANDI” başlıqlı verdiyiniz xəbər tamamilə əsasızdır. Məqalədə bildirirsiniz ki, Naxçıvan Muxtar Respublikası Təhsil Nazirliyi aparatının rəhbəri Rəşad Əlizadənin oğlu Yusuf Əlizadə, Naxçıvan Dövlət Gömrük komitəsinin keçmiş sədri Səhhət Həbibbəylinin oğlu İsa Həbibbəyli, Culfa rayon Təhsil Şöbəsinin müdiri Mehdixan Əliyevin oğlu Bayram Əliyev və digərləri təhsil nazirliyi vasitəçiliyi ilə Respublika fənn olimpiadaları və beynəlxalq olimpiada qalibi olaraq, qeyri qanuni şəkildə ali məktəblərə imtahansız qəbul olunublar.
Bildiririk ki, 2020-ci ildə keçirilən Respublika Fənn Olimpiadalarında Naxçıvan Muxtar Respublikası Təhsil Nazirliyi aparatının rəhbəri Rəşad Əlizadənin oğlu Yusuf Əlizadə Riyaziyyat, Culfa Rayon Təhsil Şöbəsinin müdiri Mehdixan Əliyevin oğlu Bayram Əliyev isə Azərbaycan dili fənlərindən qalib olublar. Nəzərinizə çatdırırıq ki, 2020-ci ildə hər iki şagirdimiz IX sinifdə təhsil alıblar. 2022-ci ildə isə Dövlət İmtahan Mərkəzinin ali məktəblərə keçirdiyi qəbul imtahanlarında Yusuf Əlizadə Naxçıvan Dövlət Univeristetinin İqtisadiyyat fakultəsinə, Bayram Əliyev isə Naxçıvan Univeristetinin Xarici dillər fakultəsinə qəbul olub.
Nəzərinizə çatdırırıq ki, Azərbaycan Respublikası Nazirlər Kabinetinin 2019-cu il 20 may tarixli 229 nömrəli Qərarı ilə təsdiq edilmiş, Beynəlxalq və respublika fənn olimpiadalarının, beynəlxalq müsabiqələrin və yarışların siyahısı və onların qaliblərinin ali təhsil müəssisələrinə müsabiqədənkənar qəbulu qaydasına uyğun olaraq riyaziyyat fənni üzrə olimpiada qalibi olan şagird müsabiqədən kənar iqtisadiyyat fakultəsinə qəbul ola bilməz. Həmçinin olimpiadalarda Azərbaycan dili fənnindən iştirak edən şagird müsabiqədənkənar xarici dil fakultəsinə qəbul ola bilməz. Bu faktları siz Azərbaycan Respublikası Dövlət İmtahan Mərkəzindən, Naxçıvan Dövlət Univeristetindən və Naxçıvan Univeristetindən də dəqiqləşdirə bilərsiniz.
Məqalədə adı çəkilən Naxçıvan Dövlət Gömrük komitəsinin keçmiş sədri Səhhət Həbibbəylinin oğlu İsa Həbibbəyliyə gəldikdə isə nəzərinizə çatdırırıq ki, həmin şagird hər hansı bir univeristetdə təhsil almır. İsa Həbibbəyli ADA Univeristetinin nəzdində fəaliyyət göstərən liseyin 10-cu sinifində təhsilini davam etdirir.
***
Cavab: Təhsil Nazirliyinin verdiyi cavablar absurddur. Bəzi məqamlara toxunmayıb ya da qaçaraq cavab verir.
Bizi maraqlandıran odur ki, niyə Naxçıvanda sadə adamlarin övladı olimpiada qalibi olmur?
Nədən ancaq vəzifəli şəxslərin övladları qalib olur?
Həmçinin Rəhman Məmmədovun bacısı əri (Naxçıvan Əmlak və torpaq reyestri xidmətinin rəisi) Müslüm Cabbarzadənin də iki övladı olimpiyada qalibi olub. Ona niyə reaksiya vermirsiniz.
Səhhət Həbibbəylinin oğlu necə oldu ki ADA universitetinin hazırlıq qrupunda təhsil alır.
***
2.Vəzifədə olan nazirlik işçiləri və şöbə müdirlərinin əksəriyyəti ya diplomları saxtadır ya da 50 ballıq fiziki tərbiyə, təsviriincəsənət ya da ki musiqi müəllimliyi ixtisaslarıdır iddianıza cavab olaraq bildirik ki, nazirlik əməkdaşları Naxçıvan Muxtar Respublikasının Dövlət İmtahan Mərkəzinin keçirdiyi imtahanlarda yüksək bal toplayan ixtisaslı kadrlardır.
Cavab: Təhsil Nazirliyi hansı işçiləri yüksək ixtisaslı kadrlardir?
Zəhmət olmasa ixtisaslarini yazardınız biz də bilək!
Rəssam Murad "kirvədost".(sektor müdiri) hansı imtahanda keçib gəlib Nazirliyə.
Ya (mantiyor kimi tanınan) Vüsal Abdullayev hansı imtahan nəticələri ilə gəlib Nazirlikdə şöbə müdiri olub.
Və yaxud Rəşad Əlizadə hansı imtahandan keçib olub Aparat rəhbəri?
***
3. Şərur Rayon Təhsil Şöbəsinin tabeliyində olan Şərur şəhər 1 nömrəli tam orta məktəbin Uşaq Birliyi Təşkilatı Rəhbəri Məmmədova Səmayə Həbib qızı qismən analıq məzuniyyətində olduğundan Şərur şəhər 1 nömrəli tam orta məktəbin direktoru Çingiz Rzayevin 16.09.2019-cu il tarixli 96 nömrəli əmrinə əsasən məktəbin Azərbaycan dili və ədəbiyyat müəllimi Abdullayeva Çiçək Əli qızı müvəqqəti olaraq UBTR-i vəzifəsinə təyin olunmuşdur.
Cavab: Əvvəlcə Xerson universitetini bitirənə niyə aydınlıq vermədiniz?
İkincisi UBTR vəzifəsinə təyin olunan Abdullayeva Çiçək Əli qizinin əmrini 19.04.2023 cü il tarixində digər saitlərin paylaşdığı əmr belədir. 25.10.2021-ci il tarixində 255 nömrəli əmrlə UBTR təyin edilib və əmri təhsil şöbəsinin müdiri verib..
Əmrin surətini bütün Azərbaycan gördü.
***
4. Naxçıvan Muxtar Respublikası Təhsil Nazirliyinin 07.04.2023-cü il tarixli 61 nömrəli əmrinə əsasən Seyid Müseyikazım Mirsalehəddin oğlu 07.04.2023-cü il tarixdən Şərur rayon Turist-Diyarşunsalıq Mərkəzinin direktoru vəzifəsinə təyin olunmuşdur..
Cavab: Biz də bilirik ki əmri nazir verir.Amma soruşuruq ki Naxçıvan Muxtar respublikası Təhsil Nazirliyi tabeliyində olan ümumtəhsil məktəblərindən müəllimlər sırasından azad olunmuş Museyi-Kazim hansı əsasla əmri verilib.
***
5. Şərur rayon Təzəkənd tam orta məktəbinin direktor müavini, ( Şərurlu ) Quliyev Əli Fərman oğlu Dövlət İmtahan Mərkəzi tərəfindən keçirilən müəllimlərin işə qəbulu imtahanında uğur qazanaraq 10.01.2018-ci il tarixdən Culfa rayon Teyvaz kəndində ixtisası üzrə tarix müəllimi təyin olunmuşdur. Naxçıvan Muxtar Respublikası Təhsil Nazirliyinin 11.04.2022-ci il tarixli 167 nömrəli əmrinə də əsasən Təzəkənd tam orta məktəbinə təlim-tərbiyə işləri üzrə direktor müavini təyin olunmuşdur.
Cavab: Culfa rayon muəllimi Şərur rayonunda vəzifəyə necə gətirilə bilir?
Bu yerdəyişmənin qanunvericilikdə izahı yoxdur. ( yenə qansuz təyinat )
***
6. Şərur Rayon Təhsil Şöbəsinin tabeliyində olan ümumtəhsil məktəblərində və Şura iclaslarında məktəb direktorları ilə nəzakət qaydalarına daima diqqət yetirilir, məktəblərdə fəaliyyət göstərən vəzifələr üzrə qadın və kişi cinsin nümayəndəsi olmasına baxmayaraq, hər bir sahənin vəzifə səlahiyyətləri özlərinə tapşırılır.
Cavab: Şərur Rayon Təhsil şöbəsinin iclaslarında nəzakət qaydaları eyni ilə aşağıdakı kimidir.
Şərur RTŞ-də keçirilən iclaslarda hamı şahiddir ki
Şöbə müdiriniz bəzi direktora Aftandil.
Bəzisinə Qəmli deyir.
Bəzi direktora da deyir ki səni direktor qoyanın ataba-atasina nələt (səs yazısı da var)
Budur sizin nəzakət qaydalarınız ?
Hörmətli Nazir, Rəhman Məmmədov, biz sizun düşəməniniz deyilik..
***
Biz 10-gün araşdırıq dünyalar qədər faktlar ortaya çıxdı..
Qaranı ağ etməyə çalışmayın, qaraya eləcə qara deyin... Vəssalam!
***
Yuxarıda qeyd olunan məqamlarla bağlı Naxçıvan təhsil nazirliyini də dinkləməyə hazırıq...
ZƏRURİ QEYD: Hər halda göstərilən faktlar dövlətin müvafiq qurumları üçün də bir araşdırma mövzusudur... Ən azından hüquqi qiymət verilməsi üçün...
Geri qayıt