“Kontakt Home” mağazalar şəbəkəsində reklam fırıldağı
4-05-2016, 08:46
Paytaxtda məişət avadanlıqlarının alış-satışıyla məşğul olan çoxlu sayda mağaza var. Demək olar ki, hər addımda məişət avadanlığı satan dükanlarla rastlaşırıq. Lakin bəziləri fəaliyyətində bir sıra qanunsuzluqlara, özabşınalıqlarla, istehlakçıların hüquqlarını pozmağa yol verirlər. Bu mağazalar şəbəkəsindən biri də “Kontakt Home” mağazalar şəbəkəsidir.
Bu mağazalar şəbəkəsi və onun sahibi Elnur Allahverdiyev barəsində 2015-ci il dekabrın 25-də Qafqaznews.az-da dərc olunan “Elnur Allahverdiyev: biznesmen, fəxri konsul, yoxsa, sələmçi işbaz?” yazısında da söz açılıb.
Elnur-ABC-2-300x3001Maraqlıdır ki, “Kontakt Home” mağazalarında telefon alqı-satqısına dair “kredit” müqaviləsi alıcı ilə “ABC-Telekom” MMC arasında bağlanılır. Niyə məhz “ABC-Telekom” MMC? Apardığımız araşdırmalar zamanı məlum oldu ki, “Kontakt Home” mağazalar şəbəkəsinin sahibi Elnur Allahverdiyevdir. Xatırlatma üçün bildirək ki, ölkə mətbuatında Elnur Allahverdiyevin adı “Azercell”in üst- distribütor seçdiyi, cəmiyyətdə “monopolist” kimi tanınan 3 iri şirkətdən biri olan “ABC-Telekom” MMC-nin (digərləri “Akhundoff Networks” və “İntegralplus”) sahibi kimi keçir. Bu şəbəkə barədə martın 16-da dərc olunan ““Bahalı nömrələrdən “Azercell”in də xəbəri var” – mobil rabitə bazarında monopoliya” başlıqlı yazıda da qeyd etmişdik. Bizə müraciət edən bir qrup sahibkarın bildirdiyinə görə, kontur kartı və nömrə satışından milyonlar qazanan bu 3 şirkət Azərbaycanda mobil xidmətin ən baha olmasının əsas səbəbkarlarıdır. Və son vaxtlar ölkədə “süni kontur qıtlığı” yaradaraq yüzminlərlə vətəndaşı, sahibkarları, market sahiblərini narazı salırlar.
Lakin sözügedən yazıdan sonra “Azercell” bizə etiraz etmiş (bax: “Azercell”dən reaksiya gəldi: “Bu hallara görə biz cavabdehlik daşımırıq”), “Akhundoff Networks” şirkətinin direktoru Nizami Süleymanov isə monopolist yox, “üst tərəfdaş” olduqlarını bildirmişdi (bax: “Akhundoff Networks”dən reaksiya gəldi: “Biz özümüz də monopoliyadan əziyyət çəkmişik”).
İndi isə qayıdaq “Kontakt Home”un fırıldaqlarına…
Manatın devalvasiyasından sonra ilk qiymət artımına gedən mağazalar şəbəkəsi arasında “Kontakt”ın adını xüsusi olaraq qeyd etmək olar. Qeyd edək ki, bu mağazada qiymətlər devalvasiyadan öncə də çox yüksək idi. Hətta məhsulları kreditə dollarla verirdilər. Dolların məzənnəsi qalxandan sonra isə oradan alış-veriş edənlərin durumu ağırlaşdı. Belə ki, “Kontakt” müştərilərinə güzəştə getmədi. Bir deyil, bir neçə məhsulu birdən götürən istehlakçılara daha çox çətinlik yaratdı. Lakin hər kəs məcburiyyət qarşısında qalıb kreditini ödəməkdə davam edir.
Bundan başqa, alıcılarla həyata keçirilən alış-veriş barədə kredit müqaviləsi birbaşa “Kontakt” mağazalar şəbəkəsi ilə bağlanılır ki, bu da mövcud qanunvericiliyə ziddir. Çünki ölkə qanunvericiliyinə görə, kreditləri ancaq banklar və bank olmayan kredit təşkilatları verə bilər.
Ötən ilin sonlarında Qafqaznews.az-da dərc olunan “İqtisadiyyat və Sənaye Nazirliyi sələmçiləri “qoruyur”?” başlıqlı yazıda da “Kontakt Home” mağazalar şəbəkəsindən və ümumilikdə vətəndaşlara kreditə məhsul satan işbazların fəaliyyətindən söz açılıb. Məqalədə müştərilərin telefonunda IMEI kodunu bağlamaqla təhdid etməsi və dəyərindən artıq qiymətə, qanunvericiliklə qadağan olduğu halda kreditə məhsul satmasından bəhs olunub, eləcə də Azərbaycan İstehlakçılar Birliyinin (AİB) sədri Eyyub Hüseynov tərəfindən bu “kredit biznesinin” mahiyyəti açılıb.
Ekspertin sözlərinə görə, AİB-in araşdırmaları nəticəsində məlum olub ki, Nazirlər Kabinetinin uzunmükontakt8ddətli şərtlərlə satışa icazə qərarından sui-istifadə edən işbazlar vətəndaşlara 30-40 faiz bahalı məhsullar sırıyır və ancaq 1 il ərzində bu mağazalarda 1 milyard dollara yaxın pul dövriyyə olunur. Bundan başqa, bu pulların çoxu və alıcılarla müqavilkontakt1ə bağlama mexanizmləri vergidən gizlədilir. Çünki bu işin mahiyyətində sələmçilik durur.
İndi isə “Kontakt Home” mağazalar şəbkəsinin növbəti bir fırıldağı haqda söhbət açacağıq. Söhbət açacağımız mövzu əvvəlkilərdən fərqli olaraq reklam fırıldağı – yəni, vətəndaşları cəlb etmək üçün yalançı reklamlarlardan istifadə etməkdir.
Bu günlərdə təsadüfən sosial şəbəkələrdə qeyd olunan mağazaya məxsus facebook şəbəkəsində “Bütün növ məhsullar 12 ay faizsiz” reklamına rast gəldik. Biz “Kontakt” mağazalar şəbəkəsinin saytına nəzər saldıq və orda bir çox məhsullar mobil telefonlar, notebouklar, məişət avadanlıqları və s. Haqda müəyyən hissəsi 6ay faizsiz, müəyyən hissəsində isə 12 ay faizsiz yazılıb. Qeyd edək ki, bunların bir çoxunda ilk ödəniş də tələb olunur. Halbuki, reklamda ilkin ödənişə dair heç nə qeyd olunmayıb.
Biz Qafqaznews.az saytı olaraq araşdırma zamanı bir sıra fırıldaqlara rast gəldik. Bunların bir neçəsinə nəzər salaq.
– İphone SE 16GB Space Grey telefonun qiyməti 899 AZN göstərilmişdir. Və reklamında 6 ay faizsiz yazılıb. Kredit şərtlərində həmkontakt3in telefon ilkin ödəniş olaraq 180 AZN, 6 ay boyunca hər ay 143 AZN nəzərdə tutulub. Qısa bir hesablama aparsaq 6 ay boyunca ödənilən məbləğ 1038 AZN olur və bu da telefonun qiymətindən 139 AZN (15.4%) çoxdur.
– HTC Desire 820 Dual sim telefonun qiyməkontakt5ti 489 AZN göstərilib. Və reklamda 12 ay faizsiz yazılıb. Kredit şərtlərində həmin telefon ilkin ödəniş olaraq 99 AZN ,12 ay boyunca hər 39 AZN nəzərdə tutulub. Sadə bir hesablama aparsaq 12 ay boyunca ödənilən məbləğ 567 AZN olur və bu da telefonun qiymətindən 78 AZN (15.9%) çoxdur.
– Paltaryuyan Gorenje W7523A/S qiyməti 703.2 AZN göstərilib. Və reklamda 12 kontakt7ay faizsiz yazılıb. Kredit şərtlərində paltaryuyan maşının 12 boyunca hər ay 74 AZN nəzərdə tutulub. Qısa bir hesablama ilə 12 ay boyunca ödənilən cəmi məbləğ 888 AZN olur və bu da öz qiymətindən 185 AZN (26.3%) çoxdur.
– HP 15-ac057ur/intel Pentium/4 GB/Intel HD/500 GB/15.6/FreeDOS/ Silver notebooukun qiyməti 555 AZNkontakt6 göstərilib. Və reklamda 12 ay faizsiz yazılıb. Kredit şərtlərində notbuku 12 ay boyunca hər ay 61 AZN nəzərdə tutulub. Qısa bir hesablama ilə 12 ay boyunca ödənilən cəmi məbləğ 732 AZN olur və bu da öz qiymətindən 177 AZN (31.8%) çoxdur.
Bu faktlar bir daha göstərir ki, “Kontakt” mağazalar şəbəkəsi faizsiz reklam fırıldağı ilə vətəndaşları aldadaraq cəlb edir ancaq əslində isə heç bir faizsiz kampaniyadan söhbət gedə bilməz. Əksinə, bütün mallara əlavə olaraq 15, 26, 31 faiz malın üzərinə əlavə olunur. Vətəndaşlar da yalançı reklama aldanaraq özləri də bilmədən bu şirkətin qurbanına çevrirlir.
Geri qayıt