DİA.AZ: - Abşeron rayonu, Aşağı Güzdək qəsəbə sakini Əliyeva Sevda Xudaverdi qızı prezident İlham Əliyevə şikayət məktubu ünvanlayıb. Bir nüsxəsi də DİA.AZ-a daxil olan müraciətdə deyilir:
"Mən, ailəmlə birlikdə Abşeron rayonu Aşağı Güzdək qəsəbəsində yeni ev tikib yaşayırıq. Bu ilin əvvəlində 03 mart 2018-ci ildə bir abonent olaraq evimizə təbii qaz çəkilişilə əlaqədar “AzəriqazLayihə İnşaat” MMC-yə rəsmi ərizə verərək şəxsi vəsaitim hesabına qazlaşma və abunəçi kodunun açılmasına köməklik üçün xahiş etmişik. Ərizəm “Asan Xidmət” Mərkəzinin “Azəriqaz” İB MMC üzrə nümayəndəsi G.İsgəndərova tərəfindən qəbul edilmiş ( qeydiyyat N-si AK-2 G-1914)və qeyd edilmişdir ki, qazlaşma işlərinin dəyərinin ödənilməsini təsdiq edən ödəniş qəbzinin əsli icraçıya təqdim edildiyi tarixdən qazıaşma işləri 22 gün müddətinə icra olunacaqdır.” Mən də 10 gündən sonra, yəni 13 mart 2018-ci ildə “Azəriqaz layihə İnşaat” MMc-nin hesabına 262 manat pul ödəyərək rəsmən təqdim etdim. “Azəriqaz” Layihə İnşaat” MMC-nin direktoru İ.Qəhrəmanov da ərizəmə əsasən 04 mart 2018-ci ildə 44/ İŞ-019695/Ş saylı sorğu blankını təsdiq etmiş və “Azəriqaz” İB-nin Layihə--smeta və ekspertiza şöbəsi də 1/74 07 N-li 02 aprel 2018-ci ildə layihəni təsdiq etmişlər. Lakin çox təəssüflər olsun ki, evimizə qaz xəttinin çəkilişi bizə məlum olmayan səbəblərdən uzandı. Ona görə də mən bu iş üçün evimizə gələn Azəriqaz işçilərindən xahiş etdim ki, qaz çəkilişi başa çatana qədər olarmı ki, mən evdə körpə uşağın olmasını nəzərə alaraq divar qonşumun qaz xəttindən müvəqqəti sitifadə edim? Dedilər problem yoxdur. Ancaq qonşunun qaz xəttinə sayğacdan sonra bir xətt gətirib qoşulmaq olar və istifadə etdiyiniz qaza görə də qonşunun sayğacına smart karta pul yükləyin. Biz razılaşdıq. Elə qonşumda bu razılığa xeyir-dua Verdi. Mən də son iki ayı qonşunun kartına qaz üçün pul yükləməklə qanuni formada müvəqqəti olaraq qazdan evdə olan bir 4 gözlü soba üçün istifadə etdim. Bu arada, yəni 26 aprel 2018-ci il tarixində Azəriqaz” İB-nin Bakı RQSD-nin Abçeron rayonu üzrə işçiləri olan mühəndislər - Abdullayev Famil və Murad Muradov evimizə gələrək layihəyə uyğun mənimlə qaz saygacının quraşdırlması Aktı ( N-5361982) bağladılar və 05106182 N-li plomb nömrəsi də yazıb imzalatdılar.Və uyğun olaraq 26.04.2018-ci il tarixli Qaz paylayıcısı ilə məişət qazının istifadəçisi arasında qazın alqı-satqısı barədə 80848 N-li MÜQAVİLƏ də mənimlə və Bakı RQSD-nin rəisi Zehin Rəsulov arasında rəsmən bağlandı. Rəsmi müqavilə və Aktdan sonra soruşdum ki, bəs sayğac nə vaxt qoyulacaq ki, mən məişət qazından özüm sərbəst istifadə edim? Dedilər bu yaxınlarda və çıxıb getdilər. Halbuki, sənədlərə görə guya mənim evimə qaz sayğacı quraşdırıb, istifadə verib və sızıntının olub olmamasını da yoxlayıb getdilər. Mən isə bu müddətdə qonşunun sayğacına pul yükləməklə qazdan istifadə edirdim. Aradan 20 gün keçdi və yenə “Azəriqaz” İb-nin Bakı RQSD-nin nümayəndələri Əzizov Əlihüseyn, Abasov Emin və Bağırov Amin adlı şəxslər başladılar hay-küy salmağa. Soruşdum ki, nə baş verir? Dedilər ki, sən təbii qazdan istifadə qaydalarını kobud formada pozmusan. Sən qonşunun qaz xəttindən qanunsuz istifadə etmisən. Ona görə də Akt yazmalıyıq. Onlar hasarda sayğacın qoyulması üçün nəzərdə tutlan lakin hələ quraşdırılmayan sayşağın yerinə çəkilməiş qaz xəttinin fotoşəklini çəkib bunun əsasında da 0165128 N-li qanunsuz və əsassız AKT tərtib etdilər. mən onlaraı başa salmağa çalışdım ki, “Azəriqaz” İb-nin sayğac quraşdıranları və müqavilə bağlayanları ilə razılaşıb qonşunun həyətindən sayğaca daxil olan xəttdən müvəqqəti istifadə etmişəm və pulunu da qonşunun kartına yükləməklə istifadə etmişəm.Mən heç vaxt sayğacdankənar xəttə qoşulmamışam. Xahiş edirəm xəttinharadn gəldiyini bir yerdə yoxlayaq və sonra akt tərtib edin. “Azəriqaz” nümayəndələri təklifimlə razılaşmadılar və qonşunun həyətindən onun qaz xəttindən necə istifadə etməyimə heç baxmaq belə istəmədilər. Mən də əsassız tərtib edilmiş Aktı imzalamaqdan imtina etdim.
Və aktda əsassız olaraq qeyd etdilər ki, guya mən 3 qaz cihazından istifadə etmişəm və 3704 kkal/saat enerji işlətmişəm. Bu akta əsasən onlar mənə 740 AZN cərimə yazıblar.Akt 14 may 2018-ci il tarixindən elə həmin 26 apreldə 80848 N-li Müqavilə bağladığım Zehin Rəsulov tərəfindən təsdiq edilmişdir . Bu akta əsasən 21 may 2018-ci il tarixində “Azəriqaz” İb-nin itirilmiş təbii qazın dəyərinin hesablanması komissiyasının sədri Natiq Qənbərov təsdiq etmişdir. Maraqlı burasıdır ki, AKT şousu və məzhəkəsi qutrardıqdan 6-7 gün sonra mayın 25-də “Azəriqaz” işçiləri gəlib tələm-tələsik sayğacı quraşdırıb getdilər. Halbuki, sənəddə sayğac 26 apreldə quraşdırılmışdır.
“ASAN XİDMƏT” Mərkəzinin “Azəriqaz” İB-nin MMC üzrə nümayəndəsi G.İsgəndərova isə mənim 03 mart 2018-ci il tarixli rəsmi ərizəmə istinadən rəsmi qeyd etmişdir ki, qazlaşdırma işlərinin dəyəri ödənildikdən 22 gün müddətində qazlaşma işləri icra olunacaqdır.” Yəni, 13 martda mən 262 AZN pul ödədim və aprelin 4-dək mənim evimdə tam qazlaşma işləri başa çatmalı idi. Amma reallıqda bunun əksini gördük.
Belə ki, “Azəriqaz” İB Bakı RQSD-ti işçiləri aprelin 26-da əvvəlcə gəlib qaz sayğacı quraşdırmaq əvəzinə Akt və müqavilə bağlayırlar və görürlər ki, mən qonşunun sayğacından müvəqqəti istifadə edirəm, dərhal bu barədə digər qaz işçilərinə ( yenə həmin depertamentin digər qayda pozuntusu hallarına nəzarət edənlərə) “navodka” verirlər ki. Gedin vətəndaşı “yükləyin” bir şey qopardın. Həqiqətən də ikinci qrup qaz işçiləri də aradn 10-12 gün keçdikdən sonra “tələ yiyəsi” kimi gəlib və heç bir şeyə əhəmiyyət vermədən əsassız Akt tərtib edib gedirlər ki, bəs sən sayğacdankənar qazdan istifadə etmisən. Burada deyirlər – “ Yalançının Allah evini dağıtsın!” amma nə fayda. Budur əsassız aktı 14 may 2018-ci ildə Bakı RQSD-nin rəisi Zehin Rəsulov təsdiqləmişdir. Bu həmin rəisdir ki, 26 aprel 2018-ci il tarixində mənimlə 80848 N-li qazın alqı-satqı müqaviləsi bağlamış və elə həmin gün işçiləri tərəfindən qaz sayğacının quraşdırılması barədə 5361982 N-li Akt tərtib edilmişdir. O zaman təbii sual ortayua çıxır: Əgər mənim sənəd üzrə 26 apreldən etibarən qaz sayğacım varsa o zman necə olur ki, mən 14 may tarixində sayğacdankənar qazdan istifadə edirəm? Dünənə qədər dana-qoyun otarmaqla məşğul olan bu adamlar bilməlidirlər ki, mənim kimi sadə camaatın başına şər-böhtanla oyun açanda bir az məntiqi ardıcıllığa və qanunvericiliyə də diqqət etmək lazımdır. Və nəyə görə mənə 740 AZN əsassız cərimə yazılmalıdır?
Mən “Azəriqaz” İb-nin Bakı Regional Qaz Satış Depertamentinin Abşeron rayonu üzrə mühəndis işçilərinin belə özbaşnalığından, vəzifə saxtakarlığından, vəzifə səlahiyyətlərini aşmasından, əsassız varlanmaq üçün qulluq mövqelərindən süi-istifadə etmələrindən şikayətçiyəm. Hesab edirəm ki, pulhərisi olan bu adamlar biz vətəndaşların indiki ağır iqtisadi vəziyyətindən istifadə edərək ölkədə dövlətə qarşı narazılıq və xaos yaratmaq üçün belə təxribatlarla məqsədli şəkildə məşğul olurlar və dəlduz dəstənin son iki ildə ayrı-ayrı yerlərdə göstərdikləri qanunsuz fəaliyyətləri ciddi araşdırlıaraq öz hüquqi qiymətini almalıdır ki, bird aha Zehin Rəsulov adlı rəis imzaladığı sənədlərin fərqinə varmış olsun.
Cənab Prezident! Ölkəmizin indiki müharibə şəraitində olduğunu və biz kasıb insanların dolanacağının ağırlığını nəzərə alaraq süni surətdə başımıza oyun açan “Azəriqaz” İB-nin Bakı RQSD-nin məsuliyyətsiz və dələduzluq edən işçilərinin qeyd etdiyim fəaliyyətlərinin araşdılıması üçün aidiyyatı üzrə göstəriş verməyinizi xahiş edir və əvvəlcədən öz təşəkkürümü bildiriəm".
Dia.az olaraq bütün maraqlı tərəflərin mövqelərini işıqlandırmağa hazırıq...
