İsmayıllıda məcburi köçkünə gün verirlər, işıq vermirlər...
22-10-2015, 12:19
Laçın rayonundan köçkün düşmüş, hazırda Şamaxı şəhərində yaşayan Məhəbbət İsmayılov redaksiyamıza müraciət edərək başına gələnlər barədə danışır. O bildirir ki, İsmayıllı ərazisində bir az yer götürüb istirahət yeri tikib və bununla bağlı bütün zəruri sənədləri toplayıb. Fəaliyyət üçün Ekologiya və təbii sərvətlər nazirliyindən müvafiq icazə də aldığını bildirən M.İsmayılov cumhuriyyet.az-a bildirirb ki, İsmayıllı meşə təsərrüfatı və bərpası müəssisəsinin müdiri İlqar Qəribov dəfələrlə onun obyektimə gəlib külli miqdarda rüşvət istəyib: “Mən pulumun olmadığını bildirdikdə o məni hədələyir, obyektimin işləməyinə imkan verməyəcəyi ilə hədə-qorxu gəlirdi. İlqar Qəribov məndən 5000 min azn pul istəyirdi. Mən onunla birtəhər 3000 min manata razılaşdım və ona birinci dəfə 2500 manat, ikinci dəfə 200 manat pul verdim. Bu minvalla aramızda 300 manatın söhbəti qaldı. rrr
Aradan bir neçə gün keçdikdən sonra İlqar Qəribov mənə zəng edərək yerdə qalan məbləği tələb etdi. Mən ona bildirdim ki, hazırda işlərimiz zəifləyib, bir az səbrli ol, 300 manat böyük məbləğ deyil, təşkil edib verəcəyəm. O, məni təhqir etdi və hədələdi ki, ya pulu göndər, ya da ki, səni məhkəməyə verib obyektini sökdürəcəyəm. Aramızda olan telefon söhbətindən bir neçə gün sonra o mənə yenidən zəng edib işinin olduğunu bildirərək məni idarəyə çağırdı. Mən meşə idarəsinə getdim. İlqar Qəribov kabinetində mənə dedi ki, yenidən mən ona 3500 manat pul verməliyəm. Əgər verməsən, səni məhkəmələr yolunda çürüdəcəyəm. Mən əlacsız qalıb baş prokurorluq yanında korrupsiya idarəsinə müraciət elədim. Hazırda İlqar Qəribov korrupsiya idarəsi tərəfindən həbs olunub. İlqar Qəribovun adamları mənim obyektimə gələrək məni hədələyir, öldürəcəklərini bildirirlər. Onlar deyirlər ki, əgər sən ərizəni geri götürməsən, sənin vəziyyətin pis olacaq. Onlar obyektimi yandıracaqlarını, özümü də öldürəcəklərini deməklə məni təhdid edirlər. Dünən günün ikinci yarısında 5-nəfər idmançı görkəmində olan şəxslər obyektimə gəldilər. Onlardan bir nəfər obyektən xeyli aralıda avtomobildə əyləşmişdi, dörd nəfər isə obyektə gəlib məni hədələdilər. Onlar mənə deyirlər ki, sən heç bilirsən ki, İlqar müəllim kimdir, kimin adamıdır? Əgər sən şikayət ərizəni geri götürməsən, səni elə adamlar gəlib aparacaqlar ki, səni axtarsalar da tapmayacaqlar. Onlar çox təkid etdilər ki, mən də onlarla gedim, ancaq mən heç yerə getmədim. Artıq iki gündür ki, telefonuma gizli nömrələrdən zənglər gəlir. Onlar açıq şəkildə bildirirlər ki, İlqar müəllim içəridə, sən çöldə qala bilməyəcəksən. Hələ bir çəkinmədən də qeyd edirlər ki, səndən pul alıbsa da əcəb edib alıb. Sən Laçından gəlib İsmayıllıda obyekt işlədirsənsə deyilən haqqı verməlisən.
Mən qeyd etmək istəyirəm ki, mən Azərbaycan vətəndaşıyam, mövcud qanunlar heç kəsə icazə vermir ki, hansısa məmur kimisə istismar etsin, ondan qeyri-qanuni olaraq nə isə tələb etsin. Cənab prezident keçirdiyi müşavirələrin birində qeyd etdi ki, məmurlar sahibkarlıqla məşğul olan şəxsləri incitməsinlər, onlardan haqq tələb etməsinlər. Cənab prezident eyni zamanda qeyd etdi ki, rüşvətlə, korrupsiya ilə bağlı vətəndaşlar da ona imkan daxilində informasiya sızdırsınlar. Yəni cənab prezident ictimaiyyətdən, hər bir vətəndaşdan fəal olmağı istədi. Buna görə mən daxili işlər nazirinə, baş prokurora müraciət edirəm ki, həm mənim təhlükəsizliyimi təmin etsinlər, həm də mənə maddi-mənəvi ziyan vurmuş məmur İlqar Qəribovu məsuliyyətə cəlb etsinlər”.
Cumhuriyyət. az-ın əldə etdiyi məlumata görə hazırda İlqar Qəribov korrupsiya idarəsində dindirildikdən sonra sərbəst buraxılıb. Mənbə qeyd edir ki, ondan külli miqdarda rüşvət alınaraq sərbəst buraxılıb. İlqar Qəribova tapşırılıb ki, elə etsin ki, qarşı tərəf şikayətindən imtinaya qərar versin. Buna görə də şikayətçiyə təzyiq göstərilir. İlqar Qəribov uzun illərdir ki, İsmayıllı meşə mühafizəsi və bərpası müəssisəsinin müdiridir. Hzırda onun olduqca güclü oliqarx olduğu bildirilir. Onun Qəbələ, Oğuz, İsmayıllı rayonlarında parket sexləri, daş sexləri və sairləri var. Onun Türkiyənin İstanbul şəhərində dəyəri milyonlarla ölçülən villasının olduğu qeyd edilir. Məsələni diqqətdə saxlayacayıq.
Geri qayıt