"Rich life Rooms"da dava: Qadınla kişi dalaşdı, həbs olunan var
Bu gün, 16:52
Bakı şəhəri, Nizami rayonu, Qara Qarayev prospekti ərazisində yerləşən "Rich life Rooms" adlı restoranda dava düşüb.
Qaynarinfo-nun məlumatına görə, restoranda dava salanlardan biri kişi, digəri isə qadın olub.
Bu səbəbdən 2002-ci il təvəllüdlü A.S. saxlanılıb. Onun barəsində İnzibati Xətalar Məcəlləsinin 510 və 535.1 maddəsi ilə protokol tərtib edilib, iş məhkəməyə göndərilib.
Dava zamanı "Rich life Rooms" restoranının şüşələri sınıb və bir sıra əmlaklarına ziyan dəyib. Dava ad günü şənliyində olub. Belə ki, A.S. dostunun dəvəti ilə sözügedən restoranda ad günü tədbirində iştirak edib. Təqsirləndirilən şəxs orada viski içib və digər masada olan R.T. adlı qadından nalayiq ifadə eşidib. Həmin ifadələrin onun ünvanına deyildiyini zənn edərək, onunla mübahisə edib. Mübahisə daha sonra davaya çevirilib. Tərəflər restoranın həyətində də mübahisələrini davam etdiriblər. A.S. əsəbindən tanımadığı şəxsin nəqliyyat vasitəsini yumuruq və təpiklə vurmağa başlayıb.
Məhkəmədə ifadə verən restoranın administratoru M.F. hadisə zamanı əmlaka ziyan vurulduğunu deyib. Məhkəmənin qərarı ilə təqsirləndirilən şəxs 8 gün müddətinə həbs olunub.
Geri qayıt