Türkiyəli qonaqlar BŞİH-də qəbul edilib
Bu gün, 16:22
Bakıda keçirilən Birləşmiş Millətlər Təşkilatının İqlim
Dəyişmələri üzrə Çərçivə Konvensiyasının Tərəflər Konfransının
29-cu sessiyasında (COP29) iştirak üçün ölkəmizin paytaxtına
səfərə gələn Türkiyənin Kocaeli Böyük Şəhər Bələdiyyə Başkanı
cənab Tahir Büyükakın Bakı Şəhər İcra Hakimiyyətinin başçısı
Eldar Əzizov ilə görüşüb.
Görüşdə cənab Tahir Büyükakın Azərbaycanın paytaxtı Bakı
şəhərində olmasından və COP29 tədbirində iştirakından məmnun
olduğunu bildirib. O, Bakı şəhərinin gözəlliyini xüsusi olaraq qeyd
edərək keçirilən beynəlxalq tədbirin yüksək səviyyədə təşkilini
qeyd edib. Qonaq həmçinin, son illərdə Azərbaycanın və Bakı
şəhərinin sürətlə inkişaf etdiyini xüsusilə vurğulayıb.
Qonaqları salamlayan Bakı Şəhər İcra Hakimiyyətinin başçısı
Eldar Əzizov paytaxt Bakı şəhəri barədə məlumat verib və
qonağa 44 günlük Vətən müharibəsindəki Şanlı Qələbəmizə həsr
edilən “Vətən müharibəsi tarixi – Şəxsiyyət faktoru” kitabını
təqdim edib. Eldar Əzizov bu gün Bakı və regionların inkişafı
sürəti ilk növbədə ölkə başçısı cənab İlham Əliyevin fəaliyyətinin
nəticəsi olduğunu bildirib.
"DİA-AZ"
Geri qayıt