“Tramp məndən soruşdu ki, Mişa, yenidən prezidentliyə namizəd olsam...”
Bu gün, 12:04
Gürcüstanın sabiq prezidenti Mixail Saakaşvili bildirib ki, Donald Tramp ABŞ prezidentliyinə yenidən namizədliyini irəli sürməsinə dair vaxtilə onun fikrini də soruşub.
Modern.az-ın məlumatına görə, bu barədə Saakaşvili sosial şəbəkədə bildirib. Onun sözlərinə görə, hadisə 2013-cü ildə olub:
“Donald Tramp mənə dedi, Mişa, əgər yenidən prezidentliyə namizəd olsam, nə düşünərsən? Cavab verdim ki, düşünürəm ki, sizin çox yaxşı şanslarınız var”, - Saakaşvili yazıb.
Gürcüstanın eks-prezidenti qeyd edib ki, daha sonra Tramp ona ətrafdakıların bu şansa inanmadığını deyib.
“2013-cü ildə, prezidentliyimdən sonra Nyu-Yorkda idim, Maykl Koen mənə zəng edərək, Donald Trampın danışmaq istədiyini söylədi və telefonu ona verdi. Soruşdu ki, haradasan? Mən ona dedim ki, Nyu-Yorkdayam. Məndən soruşdu ki, Mişa, əgər yenidən prezidentliyə namizədliyimi irəli sürsəm, nə düşünərsən? Cavab verdim ki, Siz mənim bu məsələ ilə bağlı fikrimi bilirsiniz, biz artıq dəfələrlə danışmışıq, təbii ki, hesab edirəm ki, çox yaxşı şanslarınız var. Cavab verdi: “Bildiyimə görə, ətrafımda heç kim şansım olduğuna inanmır”. Mən onu ruhlandırdım və dedim: “Onlara inanmayın””, - Mixail Saakaşvili yazıb.
Geri qayıt