Azərbaycanda da restoranları olan məşhur pizza şəbəkəsi müflis oldu
Bu gün, 12:24
ABŞ-da 127 restorana cavabdeh olan “Pizza Hut franchise EYM Pizza LP” müflis olub.
Ölkə.Az “nrn.com”a istinadla xəbər verir ki, şəbəkənin qlobal böhrana görə müflis olduğu bildirilir.
Məşhur pizza nəhəngi İllinoys, İndiana, Corciya, Cənubi Karolina və Viskonsin ştatlarında 127 mağazasını bir-bir satışa çıxarıb.
EYM Pizza-nın iflas ərizəsində iki əsas kreditor müəyyən edilib. Bunlara 21 milyon dollardan çox borcu olan “Manufacturers Bank” və təxminən 2,25 milyon dollar borcu olan “Pizza Hut” daxildir.
Avqust ayında EYM Pizzanın qardaş şirkəti “EYM Chicken” İllinoys, İndiana və Viskonsin ştatlarında müxtəlif bazarlarda təxminən 25 KFC restoranını qəfil bağlayıb. Hər ikisi Denny və Panera yerlərini franchise edən EYM Group-a məxsusdur. Həmin KFC restoranları məkanlar yeni sahiblərinə təhvil verilənə qədər bağlı qalacaq.
Geri qayıt