Şəhid ailəsinin əvvəlcə maaşını kəsdilər, indi də ixtisara salırlar...
17-09-2024, 11:50
"SOCAR AQŞ şəhid ailəsinin tutduğu vəzifəsi ixtisara salır?!" Dia-az.İnfo xəbər verir ki, bu açıqlama ilə Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı çıxış edib.
Tanınmış hüquq müdafiəçisi daha sonra bunları diqqətə çatdırıb: "Şirkətdə qazmaçı köməkçisi işləyən, Şəhid ailəsi üzvü Qalib Məmmədov Neftçilərin Hüquqlarını Müdafiə Təşkilatı İctimai Birliyinə şikayət edib. İşçi bildirir ki, uzun müddətdir ki, SOCAR AQŞ MMC-də işləyir. Bu şirkətdə əmək haqqı 1500 manat olub. 26.04.2024-cü şirkət rəhbərliyi tərəfindən iş həcminin azalması ilə əlaqədar onunla bağlanmış Əmək müqaviləsinin ləğv edilməsi barədə ona Xəbərdarlıq edilib. Sonradan isə hədə qorxu və təzyiq yolu ilə "əmək şəraitinin şərtlərinin dəyişdirilməsi barədə" aldatma yolu ilə əmək haqqı 1000 manata qədər azaldılıb. Qalib Məmmədov bildirir ki, bu sənədə imza etdirərkən ona bildiriblər ki, bu müvəqqəti xarakter daşıyır və ən çoxu 3 ay davam edəcək. lakin artıq 6 aydır ki, bu davam edir və şirkət verdi sözə əməl etmir və Şəhid ailə üzvünü incidir. Əmək hüquqlarının pozulmasında Kadrlar şöbəsinin Aytən adlı işçisi və Siyavuş adlı meneceri xüsusi ilə fərqlənib. Qalib Məmmədov bildirir ki, 6 nəfərdən ibarət ailədə yeganə işləyən odur...
İşçinin dediyinə görə, dünən onu şirkətə çağırıb ixtisara düşməsi ilə əlaqədar xəbərdarlıq olunub. Və başqa iş təklif olunmayıb..."
Geri qayıt