İsmət Abbasov spirtdən pulu necə çıxarır?
13-03-2014, 13:19
Azərbaycanda ən böyük istehlak bazarının birinin siqaret, digərinin isə araq bazarı olduğu heç kimə sirr deyil. Hər il milyardlarla manat vəsaitin dövr elədiyi bu sektorlarda inhisar bir iki əldə cəmləşib və demək olar ki, bu inhisarçılar bir-birilərinə qarşı mübarizə aparmırlar. Bu da onun göstəricisidir ki, əslində siqaret və araq bazarında inhisar elə bir əldə cəmləşib.
Ölkəinin araq bazarında apardığımız araşdırmalar ciddi maraqlı faktların ortaya çıxmasına səbəb oldu. Öncəliklə qeyd edək ki, Bakı şəhərində və ölkədə araq istehsalı tam olaraq «Bakı Şərab-1» ASC-nin və «Bakı Şərab-2» ASC-nin nəzarəti altındır. Daha keyfiyyətli spirtli içkilər istehsal edən əyalət şərab zavodları da demək olar ki, bu iki şərab zavodunun patronajlığı altında fəaliyyət göstərirlər. Çünki daha keyfiyyətli spirtli içki istehsal etmələrinə baxmayaraq bazarda inhisara sahib olan «Bakı Şərab-1» ASC ilə rəqabət aparmaq faktiki olaraq mümkün deyil. Onu da qeyd edək ki, «Bakı Şərab-2» ASC «Bakı Şərab-1» ASC-nin nəzdində fəaliyyət göstərir və şərab bazarında inhisara sahib olan bu iki nəhəngin sabiq kənd təsərrüfatı naziri, hazırda Baş nazirin müavini olan İsmət Abbasovun kurasiyasında olub.
Qeyd edək ki, Bakı Şərab-2» ASC-nin sədri Rabil Hüseynovla bağlı mətbuatda dəfələrlə məlumatlar dərc olunub. Sonuncu dəfə Rabil Hüseynov oğlu Şahin Hüseynlinin cinayət məsələsi ilə bağlı səs-küylü qalmaqalla bağlı gündəmə gəlmişdi. Rabil Hüseynov İsmət Abbasovla kirvə olmaqla yanaşı həmçinin ölkəninin siyasi həyatında pərdə arxasında olsa da, ciddi rol alan keçmiş Baş prokuror hazırda səfir olaraq çalıan Eldar Həsənovla da qohumdur.
«Bakı Şərab-1» ASC-nin direktoru isə mətbuatda çox az gündəmə gəlib. Sahib Rəhimov özünü kölgədə saxlamağı başarsa da, əslində şərab bazarının «xaç atası» hesab olunur.
Sahib Rəhimov haqqında danışan mənbə bildirir ki, Sahib Rəhimov keçmiş kənd təsərrüfatı naziri və hal hazırda baş nazirin müavini işləyən İsmət Abbasovun adamı kimi tanınır və uzun illərdir ki, ölkəninin spirtli içki bazarında İsmət Abbasova aid olan inhisarı idarə edir.
Mənbəninin bildirdiyinə görə Sahib Rəhimovun əsas qazanc yeri «Bakı Şərab-1»də dövlət sifarişindən başqa hər ay əlavə yüz minlərlə saxta rus və yerli araqların istehsal etməsidir. Məlumatda qeyd olunur ki, müəssisə rəhbərinin dövlətdən gizlin istehsal etdirdiyi saxta markalı araqlar paytaxt Bakı şəhərində və regionlardakı çoxlu sayda şadlıq evlərinə marka araqlardan daha ucuz qiymətə paylanılır. Paylanılan araqların üstündə bonusun da verildiyi bildirilir. Həmin araqlar Sahib Rəhimovun yaratdığı bir şirkət təərfindən rayonlardakı mağazalara da qeyd olunur.
Daxil olan məlumata əsasən müəssisə rəhbəri «Bakı Şərab-1» ASC-də işləyən işçilərə aylıq əmək haqlarından əlavə paket sistemidə tətbiq edib. Çünki bütün işçilər bilir ki, ay ərzində istehsal etdikləri araqların, likörlərin, çaxırların əksəriyyəti Sahib Rəhimovun şəxsi biznesinin “çiçəklənməsi” üçündür. İstehsal olunan içki növlərinin üzərinə «Bakı Şərab-1» ASC-yə aid olmayan markaların və başqa tanınmayan şirkətlərin markaları vurulduğuna görə işçilər nəyin nə olduğunu yaxşı bilirlər. Elə bu üzdən də Sahib Rəhimov işçilərinin ağzını əlavə «paketlə yumur».
Mənbə bildirir ki, il ərzində gizlin araq istehsalından müəssisə rəhbərinin və patronlarının gəliri 40-50 milyon manat arasında olur. Bundan başqa Kənd Təsərrüfatı Nazirliyinin tabeliyində olan Bakı «Bakı Şərab-1» ASC-yə dövlət tərəfindən ayrılan milyonlarla manat vəsaitlərin xərclənməsində də qaranlıq məqamların olduğu qeyd olunur. Adı çəkilən müəssisənin xeyirlə işlədiyi halda nadənsə bəzi hallarda «Bakı Şərab-1» ASC-nin hesabatlarında zərər getdiyini qeyd olunur. Yəni istehsal olunan malların alınmadığı və dükanlarda real mal kimi qaldığı bildirilir. Amma Sahib Rəhimovun gizlin istehsal etdirdiyi ucuz içkilər isə dayanmadan bazarlarda satılır.
Daxil olan məlumatda göstərilir ki, son illər «Bakı Şərab-1» ASC istehsal etdiyi spirtli içkilərlə bağlı problemlərin yaranmağı Sahib Rəhimovun «patronlarını» narahat etməyə başlayıb. Çünki regionlarda bir çox vətəndaşlar məhz «Bakı Şərab-1» ASC-nin spirtli içkilərindən zəhərləniblər. Eyni zamanada adı çəkilən qurumun rayonlarda fəaliyyət mağazalarından hər il bir neçə dəfə saxta içkilər müsadirə olunur.
Məlumatlı mənbəmiz bildirir ki, «Bakı Şərab-1» ASC-də istehsal olunan bir çox araqların keyfiyyətsiz olmasının səbəbi istifadə olunan spirtlərin müasir standartlara uyğun olmamasından irəli gəlir. Standartlara uyğun olmayan içkilərin tərkibinə antifiriz və kimyəvi maddələr qatılmaqla bərabər, həmdə ucuz araqların tərkibinə etanol spirtinin dozasının artıq edilməsi insan orqanizimində problemlər yaradır.
Mənbə iddia edir ki, ucuz içkilərin düzəldilməsində metil spirtindəndə istifadə olunur. Bu spirt isə insan beynində ciddi problemlər yaradır.
Qeyd edək ki, Sahib Rəhimov «Bakı Şərab-1» ASC-nin hesabına milyonlara qazanaraq böyük var-dövlət sahibi olub və hazırda ölkənin ən varlı adamlarından biri hesab olunur. «Bakı Şərab-1» ASC rəhbərinin gizli araq istehsalı vasitəsi ilə qazandığı milyonlarla bağlı bağlı redaksiyamıza göndərilən informasiyalar dəqiqləşdirilir və növbəti günlərdə oxucularımıza təqdim edəcəyik.
Qarşı tərəfin mövqeyini dərc etməyə hazırıq… \\ pia.az \\
Geri qayıt