«Baltika-Bakı» MMC dövlətin tələblərinə məhəl qoymur
25-02-2015, 15:40
Manatın devalvasiyasından sonra Bakıda birsıra məhsulların qiymətlərində kəskin bahalaşma müşahidə edilir. Xüsusilə də spirtli içkilərin və tütün məhsullarının qiymətində kəskin bahalaşma müşahidə edilməkdədir. GUNDEMİNFO.AZ-a müraciət edən vətəndaşlar bildirirlər ki, dünən axşam saatlarından etibarən Bakıda marketlərdə satılan «Xırdalan» və «33» markalı pivələrin qiymətlərində kəskin bahalaşma müşahidə edilib. 0.5 litrlik adıçəkilən pivə məhsullarının qiymətində bahalaşma 80 qəpikdən də, yəni təxminən 45-50 faiz bahalaşıb.
Qeyd edək ki, İqtisadi İnkişaf Nazirliyi dünəndən etibarən gücləndirilmiş nəzarət sisteminə keçib. Və rəsmi qurumlar açıqlama verərək bildiriblər ki, daxildə istehsal edilən məhsulların qiymətlərində heç bir artım edilə bilməz. Hansı ki, «Xırdalan» pivələrinin istehsalı Azərbaycanın daxilində həyata keçirilir. Və rəsmi informasiyalara əsasən daxildə pivə istehsalı ilə bağlı olaraq xammal kimi i stifadə edilən buğdanın da qiymətində heç bir artım yoxdur.
GUNDEMİNFO.AZ-ın əməkdaşlarının apardıqları araşdırmalar zamanı bəlli olub ki, qiymətlərin artırılmasına səbəb «Baltika-Bakı» MMC-nin satış menecerlərinin tələbi olub. Market sahibləri bildirib ki, adıçəkilən istehsalçı şirkətin menecerləri onlara məhsulları yeni tariflərlə satmağa başlayıblar.
Hər halda «Baltika-Bakı» MMC-nin dövlətin siyasətinə qarşı gedərək qiymətləri heç bir səbəb olmadan artırılması ilə bağlı qarşı tərəfin də ictimayyətə bir açıqlama verəcəyini gözləyirik. Araşdırmalarımız davam edir.
Geri qayıt